“Zergär” şahamçasy nebit önümleriniň saklanylyşynyň we iberilişiniň netijeliligini ýokarlandyrar
09:48 23.08.2024 5529
Türkmenabat nebit önümleri kärhanasynyň “Zergär” şahamçasynyň giň gerimli abatlaýyş işleriniň ikinji tapgyry tamamlanýar. Täze rezerwuarlaryň oturdylmagy we infrastrukturanyň döwrebaplaşdyrylmagy netijesinde saklanyş möçberleri düýpli artdyrylar we nebit önümleriniň iberilişiniň netijeliligi ýokarlanar. Bu bolsa, Lebap welaýatynyň sarp edijilerine ýangyjyň bökdençsiz iberilişini üpjün eder.
Öň bu ýerde “Zergär” iri şahamçasynyň düýpli abatlaýyş işleriniň birinji tapgyry üstünlikli tamamlandy. Häzirki wagtda gurluşykçylar ikinji tapgyryň gurluşygynyň tamamlaýjy tapgyrynda üns jemleýärler.
Sarp edijileri ýangyç bilen bökdençsiz üpjün etmek üçin bu ýerde benzin we dizel ýangyjyny saklamak üçin umumy göwrümi 10 müň kub metr bolan 6 sany täze rezerwuar oturdyldy. Şeýle hem çalgy materiallaryny saklamak üçin her biri 100 kub metr bolan 8 sany rezerwuar bar. Şunuň bilen ugurdaş täze kommunikasiýalary çekmek, ýangyn gidrantlaryny gurmak we şahamçanyň çäklerini abadanlaşdyrmak boýunça işler alnyp barylýar.
“Türkmennebitönümleri” Baş müdirliginiň Lebap welaýaty boýunça hojalyk müdirliginiň gurluşykçylarynyň ýokary hünär taýýarlygy netijesinde şahamçanyň abatlaýyş işleri ýokary depginde we bellenilen meýilnama laýyklykda alnyp barylýar.
Türkmenabat nebitönümleri kärhanasynyň “Zergär” şahamçasynyň täze kuwwatlyklary ulag guramalaryny we kärhanalaryny, hususy awtoulag eýelerini ýangyç bilen üpjün etmekligi gowulandyrar, şeýle hem Lebap welaýatynda nebit önümleriniň saklanylyşynyň howpsuzlygyny ýokarlandyrar.
Bu taslama Türkmenistanyň ýangyç-energetika toplumyny ösdürmek ulgamynda döwlet syýasatyny durmuşa geçirmekligiň aýdyň mysaly bolup durýar.
Türkmenistanyň Prezidenti Özbegistanyň we Täjigistanyň DIM-niň ýolbaşçylary bilen ikitaraplaýyn we sebit hyzmatdaşlygynyň ösüşini maslahatlaşdy
27-nji martda Prezident Serdar Berdimuhamedow Merkezi Aziýa ýurtlarynyň we Ýewropa Bileleşiginiň daşary syýasat edaralarynyň ýolbaşçylarynyň 20-nji duşuşygyna gatnaşmak üçin ýurdumyza gelen Täjigistan Respublikasynyň daşary işler ministri Sirojiddin Muhriddini hem-de Özbegistan Respublikasynyň daşary işler ministri Bahtiýor Saidowy kabul etdi diýip, TDH habar berýär.
Birža söwdalarynda dizel ýangyjyny we suwuklandyrylan gazy eksport etmek boýunça geleşikler baglaşyldy
Türkmenistanyň Döwlet haryt çig mal biržasynyň söwdalarynda 30-njy awgustda umumy bahasy ABŞ-nyň 17,7 mln dollaryna ýa-da 1,6 mln türkmen manadyna barabar bolan 13 sany geleşik baglaşyldy diýip, ORIENT habar berýär.
«Gazprom» 150 atmosfera basyşly gaz ulag ulgamyny döretmegi karar etdi
«Gazprom» işçi basyşy 150 atmosfera (14,8 Mpa) bolan gaz ulag ulgamyny döretmek hakynda karar kabul etdi. Anna güni Interfaks agentliginiň habar bermegine görä, bu barada Tatarystan nebitgazhimiýa forumynyň barşynda «Gazpromyň» iberijileriniň gününde kompaniýanyň başlygynyň orunbasary Oleg Aksýutin belledi.
Bilermen ÝB-de gazyň bahalarynyň aňry çäginiň girizilmegine mümkin bolan jogaby barada aýtdy
Ýewropada rus gazynyň bahasyna aňry çägiň girizilmegi beýleki iberijiler tarapyndan ýaramaz kabul edilip bilner, olar geljekde, ýagny baha çägi girizilende ibermeleriniň bahalaryny aşaklatmak islemeseler gerek diýip, Vygon Consulting kompaniýasynyň barlaglar boýunça direktory Mariýa Belowa Ria Nowosti agentligine gürrüň berdi.
“Ýewropa Bileleşigi — Merkezi Aziýa” ministrler duşuşygynda köpugurly hyzmatdaşlygyň geljegi maslahatlaşyldy
27-nji martda Aşgabat şäherinde geçirilen “Merkezi Aziýa – Ýewropa Bileleşigi” 20-nji ministrler duşuşygynda syýasy-diplomatik, söwda-ykdysady we medeni-ynsanperwer ugurlarda köptaraplaýyn hyzmatdaşlyga degişli meseleleriň giň toplumy ara alnyp maslahatlaşyldy diýip, Türkmenistanyň DIM-nde habar berdiler.