Bilermen ÝB-de gazyň bahalarynyň aňry çäginiň girizilmegine mümkin bolan jogaby barada aýtdy
08:00 03.09.2022 4075
Ýewropada rus gazynyň bahasyna aňry çägiň girizilmegi beýleki iberijiler tarapyndan ýaramaz kabul edilip bilner, olar geljekde, ýagny baha çägi girizilende ibermeleriniň bahalaryny aşaklatmak islemeseler gerek diýip, Vygon Consulting kompaniýasynyň barlaglar boýunça direktory Mariýa Belowa Ria Nowosti agentligine gürrüň berdi.
Ýewrokomissiýanyň başlygynyň geçen hepde bellemegine görä, ÝK energiýa nyrhlary saklap galmagyň ýollaryny öwrenýär, şol sanda Russiýanyň gazynyň bahasynyň aňry çäginiň girizilmek mümkinçiligine garaýar.
«Meniň pikirimçe, tersine bolar» - diýip, Vygon-yň analitigi bu çäreleriň kabul edilmeginiň bahalaryň ösmegini saklap biljekdigi ýa-da ýokdugy baradaky sowala jogap berdi.
«Galyberse-de, bu çäre iberijiler tarapyndan ýaramaz kabul edilip bilner, olar şeýle-de Ýewropa kömek etmäge howlugyp baranok. Norwegiýa gazyň bahasyny aşaklatmak çagyryşyny ýaramaz kabul etdi, Katar nemesleriň şertlerinde Germaniýa bilen şertnama gol çekmedi. Geljekde «Gazpromyň» ykbalyny paýlaşmak pikiri olaryň göwnünden turasy ýok» diýip ol belledi.
Şol bir wagtda şu ýylyň mart aýynda neşir edilen ÝB-niň REPOWER EU meýilnamasyna laýyklykda, 2030-njy ýyla çenli rus gazynyň importy nol derejä getirilmeli diýip, Belowa belledi.
Ýewropada gazyň birža bahalary geçen ýylyň ýazyndan bäri ýokarlanýar we taryhy maksimumlary täzelemegini dowam edýär. 7-nji martda bir müň kub metriniň bahasy 3892 dollara ýetip taryhy rekord goýuldy. Gazyň bahalary bir gün öň ýazyň başyndan bäri ilkinji gezek 3500 dollardan geçdi, emma ertesi ýene 2500 dollara çenli aşak düşdi. Bu geçen ýylyň görkezijilerinden ep-esli ýokary.
Ýewrokomissiýanyň pikiriçe, Ýewropada gazyň bahalary gazyň bahalary geljek gyş şu durkunda durar we 2024-2025-nji ýyllarda aşaklar. Bu barada penşenbe güni ÝK-nyň wekili Tim Makfi brifingde belledi.
«Biziň pikirimizçe, bahalar geljek gyş hem şu durkunda durar, olar 2024-nji ýylda aşak düşer. Emma olar birnäçe yrgyldylara sezewar» diýip ol «mawy ýangyjyň» bahalary barada aýtdy.
Mohammed Barkindo: erkin çykaryş kuwwatlyklary taryhda iň pes ýagdaýda, syýasy çözgütler zerur
Gazylyp alynýan ýangyçdan el çekmäge çagyryşyň netijesinde pudaga doly maýa goýmazlyk zerarly 62 ýyllyk taryhyň dowamynda OPEC ýurtlarynyň erkin çykaryş kuwwatlyklary iň pes ýagdaýda, bazarda nebit ýetmezçiliginiň meselesini çözmek üçin syýasy çözgütler zerur. Bu barada OPEC-iň Baş sekretary Mohammed Barkindo 5-nji iýulda Nigeriýadan geçen maslahatyň açylyşynda eden çykyşynda belledi. Görlüp oturylsa, bu Mohammed Barkindonyň köpçüligiň öňünde iň soňky çykyşy boldy. Ol şol gün gije aradan çykdy.
«Halkara ulag-üstaşyr geçelgeleri: özara baglanyşyklylyk we ösüş» Halkara maslahaty 18-20-nji iýulda geçiriler
18-20-nji iýulda Aşgabatda «Halkara ulag-üstaşyr geçelgeleri: özara baglanyşyklylyk we ösüş» Halkara maslahaty geçiriler. Forumyň maksady pandemiýadan soňky dikeldiş boýunça ileri tutulýan meseleleri maslahatlaşmak, halkara daşamalar ulgamynda täze şertlere uýgunlaşmak we netijeli halkara ulag-üstaşyr geçelgelerini ösdürmek bolup durýar.
Energetika hyzmatdaşlygyny ösdürmek — Azerbaýjanyň wekiliýeti bilen duşuşygyň üns merkezinde
Çarşenbe güni Türkmenistanyň Daşary işler ministrliginiň binasynda wise-premýer, Türkmenistanyň Daşary işler ministri Raşid Meredowyň Aşgabada iş sapary bilen gelen Azerbaýjan Respublikasynyň Ykdysadyýet ministri Mikail Jabbarowyň baştutanlygyndaky wekilýet bilen duşuşygynda energetika ulgamynda ikitaraplaýyn hyzmatdaşlygy ösdürmegiň mümkinçilikleri ara alnyp maslahatlaşyldy. Bu barada Türkmenistanyň daşary syýasat edarasynyň saýty habar berýär.
Türkmenistanyň DIM-niň ýolbaşçysy Eýranyň energetika ministri bilen energetika we gaz pudagynda hyzmatdaşlygy maslahatlaşdy
Türkmenistanyň Daşary işler ministrliginde Raşid Meredow bilen Eýranyň Energetika ministri Abbas Aliabadiniň arasynda geçirilen duşuşykda energetika we gaz pudaklarynda ikitaraplaýyn hyzmatdaşlygyň meseleleri maslahatlaşyldy diýip, türkmen daşary syýasat edarasynyň saýtynda habar berilýär.
ABŞ daşary ýurtlara strategiki ätiýaçlygyndan nebit iberýär - HBS
Şu ýylyň iýun aýynda ABŞ strategiki nebit gorundan 5 mln töweregi nebit eksport etdi diýip, habar beriş serişdeleri gümrük statistikasynyň we çeşmeleriň maglumatlaryna esaslanyp habar berýär. Interfaksyň amerikan gümrükhanasynyň maglumatlaryn esaslanyp, habar bermegine görä, 470 müň barrel nebit Italiýanyň Triestine Tehasdaky ammardan iberildi. Triestden Merkezi Ýewropadaky nebiti gaýtadan işleýän zawodlara nebiti ýetirýän turba geçiriji geçýär.