GIZ “ýaşyl” energetika geçmekde Türkmenistana goldaw berer
16:43 05.11.2024 5710
Aşgabatda «Türkmenistanyň gurluşygy, senagaty we energetikasy» (CIET 2024) halkara maslahatynda GIZ-iň Türkmenistandaky utgaşdyryjysy Ýoahim Fritz ýurdumyzyň energetika pudagyny goldamaga gönükdirilen guramanyň täze başlangyçlaryny hödürledi diýip, News Central Asia (nCa) habar berýär.
Onuň aýtmagyna görä, energiýanyň gaýtadan dikeldilýän çeşmelerine we energiýa netijeliligini ýokarlandyrmaga aýratyn üns berildi.
Fritziň bellemegine görä, GIZ Merkezi Aziýada energiýa netijeliligini we energiýanyň gaýtadan dikeldilýän çeşmelerini ösdürmäge gönükdirilen birnäçe taslamalary durmuşa geçirýär.
Türkmenistanda Ýewropa Bileleşigi we Germaniýanyň Daşary işler ministrligi bilen bilelikde “Ýaşyl Türkmenistan üçin Ýewropa Bileleşigi: howa boýunça syýasy dialog 2024-2028” taslamasy işe girizildi. Taslamanyň maksady – howanyň üýtgemegi boýunça milli strategiýany durmuşa geçirmekde Türkmenistany goldamak we energetika we daşky gurşawy goramak ulgamynda Ýewropa Bileleşigi bilen netijeli syýasy dialogyýol goýmak bolup durýar.
Taslamanyň çäklerinde iki sany uly bolmadyk synag taslamalaryny durmuşa geçirmek göz öňünde tutulýar. Birinjisi – howanyň üýtgemegine üýgunlaşmak boýunça çäreleri girizmek. Ol syzdyrmalary ýüze çykarmak we aradan aýyrmak üçin programma üpjünçiligini enjamlaryny oturtmaga gönükdiriler. Ikinji taslama suwotularyny ulanyp, lagym suwlaryny arassalamaga we gün energiýasy bilen suwy daşamak ulgamyny ornaşdyrmaga gönükdiriler.
Mundan başga-da, Fritziň aýtmagyna görä, maslahatyň çäklerinde Merkezi Aziýada gaýtadan dikeldilýän energiýa çeşmeleriniň täze taslamasy boýunça özara düşünişmek hakynda Ähtnama gol çekiler diýip, nCa habar berýär.
Türkmenistanyň Prezidenti Özbegistanyň we Täjigistanyň DIM-niň ýolbaşçylary bilen ikitaraplaýyn we sebit hyzmatdaşlygynyň ösüşini maslahatlaşdy
27-nji martda Prezident Serdar Berdimuhamedow Merkezi Aziýa ýurtlarynyň we Ýewropa Bileleşiginiň daşary syýasat edaralarynyň ýolbaşçylarynyň 20-nji duşuşygyna gatnaşmak üçin ýurdumyza gelen Täjigistan Respublikasynyň daşary işler ministri Sirojiddin Muhriddini hem-de Özbegistan Respublikasynyň daşary işler ministri Bahtiýor Saidowy kabul etdi diýip, TDH habar berýär.
Birža söwdalarynda dizel ýangyjyny we suwuklandyrylan gazy eksport etmek boýunça geleşikler baglaşyldy
Türkmenistanyň Döwlet haryt çig mal biržasynyň söwdalarynda 30-njy awgustda umumy bahasy ABŞ-nyň 17,7 mln dollaryna ýa-da 1,6 mln türkmen manadyna barabar bolan 13 sany geleşik baglaşyldy diýip, ORIENT habar berýär.
«Gazprom» 150 atmosfera basyşly gaz ulag ulgamyny döretmegi karar etdi
«Gazprom» işçi basyşy 150 atmosfera (14,8 Mpa) bolan gaz ulag ulgamyny döretmek hakynda karar kabul etdi. Anna güni Interfaks agentliginiň habar bermegine görä, bu barada Tatarystan nebitgazhimiýa forumynyň barşynda «Gazpromyň» iberijileriniň gününde kompaniýanyň başlygynyň orunbasary Oleg Aksýutin belledi.
Bilermen ÝB-de gazyň bahalarynyň aňry çäginiň girizilmegine mümkin bolan jogaby barada aýtdy
Ýewropada rus gazynyň bahasyna aňry çägiň girizilmegi beýleki iberijiler tarapyndan ýaramaz kabul edilip bilner, olar geljekde, ýagny baha çägi girizilende ibermeleriniň bahalaryny aşaklatmak islemeseler gerek diýip, Vygon Consulting kompaniýasynyň barlaglar boýunça direktory Mariýa Belowa Ria Nowosti agentligine gürrüň berdi.
“Ýewropa Bileleşigi — Merkezi Aziýa” ministrler duşuşygynda köpugurly hyzmatdaşlygyň geljegi maslahatlaşyldy
27-nji martda Aşgabat şäherinde geçirilen “Merkezi Aziýa – Ýewropa Bileleşigi” 20-nji ministrler duşuşygynda syýasy-diplomatik, söwda-ykdysady we medeni-ynsanperwer ugurlarda köptaraplaýyn hyzmatdaşlyga degişli meseleleriň giň toplumy ara alnyp maslahatlaşyldy diýip, Türkmenistanyň DIM-nde habar berdiler.