AÖB “ýaşyl” energetika geçmekde Türkmenistany goldar
16:42 05.11.2024 4931
Aziýa ösüş bankynyň Türkmenistan bilen hyzmatdaşlygynyň 2024-2028-nji ýyllar üçin täze hyzmatdaşlyk strategiýasynyň çäklerinde bank howa uýgunlaşmasynda we “ýaşyl” geçişde tagallalaryny jemlär. Bu barada “Türkmenistanyň gurluşygy, senagaty, energetikasy” (CIET 2024) halkara maslahatynda AÖB-niň Türkmenistandaky hemişelik wekilhanasynyň direktory Artur Andrisiak aýtdy diýip, Türkmenistan Habarlar portaly habar berýär.
Artur Andrisiagyň aýtmagyna görä, AÖB zyňyndylary azaltmaga we energetikany, ulag, oba hojalygy we şäher infrastrukturasyny dekarbonlaşdyrmaga aýratyn üns berer.
Esasy taslamalaryň hatarynda Andrisiak gün we ýel energetikasyny nygtady. Ýel turbinalaryny oturtmak üçin grant, şeýle hem howanyň üýtgemegine durnuklylygyny ýokarlandyrmak üçin milli energetika ulgamyny berkitmek boýunça taslama barada aýdyldy.
Bu çäreler Türkmenistana gazylyp alynýan ýangyja baglylygy azaltmaga we elektrik energiýasynyň eksportyny artdyrmaga mümkinçilik berer.
Andrisiak şeýle hem AÖB-niň Türkmenistanyň Energetika ministrligi bilen gaz elektrik beketlerini döwrebaplaşdyrmaga we gaýtadan dikeldilýän energetikada onuň paýyny artdyrmaga gönükdirilen hyzmatdaşlygyny belledi.
Onuň aýtmagyna görä, energetikada pes uglerodly geçiş boýunça Ýol kartasynyň döredilmegi işiň möhüm bölegi bolup durýar.
Türkmenistanyň Prezidenti Özbegistanyň we Täjigistanyň DIM-niň ýolbaşçylary bilen ikitaraplaýyn we sebit hyzmatdaşlygynyň ösüşini maslahatlaşdy
27-nji martda Prezident Serdar Berdimuhamedow Merkezi Aziýa ýurtlarynyň we Ýewropa Bileleşiginiň daşary syýasat edaralarynyň ýolbaşçylarynyň 20-nji duşuşygyna gatnaşmak üçin ýurdumyza gelen Täjigistan Respublikasynyň daşary işler ministri Sirojiddin Muhriddini hem-de Özbegistan Respublikasynyň daşary işler ministri Bahtiýor Saidowy kabul etdi diýip, TDH habar berýär.
Birža söwdalarynda dizel ýangyjyny we suwuklandyrylan gazy eksport etmek boýunça geleşikler baglaşyldy
Türkmenistanyň Döwlet haryt çig mal biržasynyň söwdalarynda 30-njy awgustda umumy bahasy ABŞ-nyň 17,7 mln dollaryna ýa-da 1,6 mln türkmen manadyna barabar bolan 13 sany geleşik baglaşyldy diýip, ORIENT habar berýär.
«Gazprom» 150 atmosfera basyşly gaz ulag ulgamyny döretmegi karar etdi
«Gazprom» işçi basyşy 150 atmosfera (14,8 Mpa) bolan gaz ulag ulgamyny döretmek hakynda karar kabul etdi. Anna güni Interfaks agentliginiň habar bermegine görä, bu barada Tatarystan nebitgazhimiýa forumynyň barşynda «Gazpromyň» iberijileriniň gününde kompaniýanyň başlygynyň orunbasary Oleg Aksýutin belledi.
Bilermen ÝB-de gazyň bahalarynyň aňry çäginiň girizilmegine mümkin bolan jogaby barada aýtdy
Ýewropada rus gazynyň bahasyna aňry çägiň girizilmegi beýleki iberijiler tarapyndan ýaramaz kabul edilip bilner, olar geljekde, ýagny baha çägi girizilende ibermeleriniň bahalaryny aşaklatmak islemeseler gerek diýip, Vygon Consulting kompaniýasynyň barlaglar boýunça direktory Mariýa Belowa Ria Nowosti agentligine gürrüň berdi.
“Ýewropa Bileleşigi — Merkezi Aziýa” ministrler duşuşygynda köpugurly hyzmatdaşlygyň geljegi maslahatlaşyldy
27-nji martda Aşgabat şäherinde geçirilen “Merkezi Aziýa – Ýewropa Bileleşigi” 20-nji ministrler duşuşygynda syýasy-diplomatik, söwda-ykdysady we medeni-ynsanperwer ugurlarda köptaraplaýyn hyzmatdaşlyga degişli meseleleriň giň toplumy ara alnyp maslahatlaşyldy diýip, Türkmenistanyň DIM-nde habar berdiler.