Okuw-tanyşlyk tejribeligi geçirildi
04:05 15.07.2025 967
«Türkmengaz» döwlet konserniniň Ylmy-barlag tebigy gaz institutynyň (YBTGI) barlaghanalarynda Ýagşygeldi Kakaýew adyndaky Halkara nebit we gaz uniwersitetiniň talyplary okuw-tanyşlyk tejribeligini geçdiler.
Ylmy-barlag tebigy gaz institutynyň alymlary we tejribeli hünärmenleri tarapyndan ýurdumyzyň nebitgaz pudagynda işlejek hünärmenleri taýýarlamak, ylmy işe höweslendirmek maksady bilen, institutyň hasabynda bar bolan döwrebap tehnologik enjamlar we abzallar barada tanyşdyryş, tejribe işleri yzygider geçirilýär.
Nebitgaz toplumynyň geljekki ýokary bilimli ýaş hünärmenleri buraw erginleriniň we himiki reagentleriň synaglaryny geçirmekde, gaz desgalaryny poslamadan goramakda, gaz çykaryş tehnologiýalaryny, gazyň, kondensatyň düzümini barlamakda, gidrogeologiýa, guýularda ýuwuş, berkitme erginleri bilen bagly işleri geçirmekde we beýleki ugurlarda YBTGI-niň laboratoriýalarynda, hususan-da, «Galkynyş» gaz käniniň geologo-geofiziki we buraw maglumatlarynyň çalt derňewi laboratoriýasynda ornaşdyrylan Petrel-Eclipse programma üpjünçilikleri toplumynyň ýerine ýetirýän işlerini giňişleýin öwrenmekde okuw-tanyşlyk, önümçilik tejribelikleriniň geçirilmegi talyplaryň ele alýan hünäriniň inçe syrlaryna çuň düşünmegini, bilimleriniň iş bilen berkidilmegini şertlendirdi.
YBTGI-niň laboratoriýalarynda tejribeli hünärmenleriň ýolbaşçylyk etmeginde halypa-şägirtlik ýoluny ileri tutup, ýaş alymlary taýýarlamak maksady bilen, Ýagşygeldi Kakaýew adyndaky Halkara nebit we gaz uniwersitetiniň talyplarynyň okaýan ugurlary boýunça ylmy-barlag tematiki we barlaghana synaglarynyň esasynda öz ylmy işlerini utgaşyklykda alyp barmagy olary kämilleşdirýär.
Mundan başga-da, Ýagşygeldi Kakaýew adyndaky HNGU-ny tamamlap, zähmet ýoluna düşen ýaş hünärmenleriň bellenilen bölümlerinde hünär derejesini kämilleşdirmek maksady bilen, institutyň tassyklan tematiki meýilnamasynyň çäklerinde alyp baran ylmy-barlag işleriniň hasabatlarynyň diňlenilendigini bellemelidir.
2025-nji ýylda Türkmenistanda 12 sany işlenilmeýän baýramçylyk günleri bolar
Türkmenistanyň Zähmet we ilaty durmuş taýdan goramak ministrligi resmi saýtynda 2025-nji ýylyň önümçilik senenamasyny neşir etdi. Senenama laýyklykda, 2025-nji ýylda Türkmenistanda 12 sany işlenilmeýän baýramçylyk günleri bolar.
Türkmenistan Hazarüsti gazgeçirijisiniň taslamasy boýunça ýewropaly hyzmatdaşlary bilen özara gatnaşyklary dowam etmäge taýýar — DIM-niň ýolbaşçysy
Türkmenistan Hazarüsti gazgeçirijisiniň taslamasy boýunça ýewropaly hyzmatdaşlary bilen özara gatnaşyklary dowam etmäge taýýar. Bu barada Türkmenistanyň daşary işler ministri Raşid Meredow 12-nji awgustda «Awaza» milli syýahatçylyk zolagynda geçirilen «Hazar deňzi – parahatçylyk we dostluk deňzi» atly maslahatda eden çykyşynda belledi.
Nebitgaz toplumynyň kärhanalary Türkmenistanyň Bitaraplyk güni mynasybetli açylan ikinji wirtual sergä gatnaşýar
Penşenbe güni Türkmenistanyň Bitaraplyk güni mynasybetli ýurdumyzyň ykdysady gazananlaryna bagyşlanan wirtual sergi açyldy. Bu dabaraly çäreler Daşary işler ministrligi we Söwda-senagat edarasy tarapyndan guraldy.
«Awazada» geçirilen maslahatda Hazar sebitiniň döwletleriniň dürli ugurlarda özara gatnaşyklary ara alnyp maslahatlaşyldy
12-nji awgustda «Awaza» milli syýahatçylyk zolagynda geçirilen «Hazar deňzi — parahatçylyk we dostluk deňzi” atly ylmy-amaly maslahatda Hazar sebitiniň döwletleriniň mundan beýläkki özara gatnaşyklary bilen bagly meseleler ara alnyp maslahatlaşyldy.
Russiýanyň, Gazagystanyň we Özbegistanyň «üçtaraplaýyn gaz birleşigi» boýunça beýanaty Türkmenistanda soraglary döredýär
Russiýa Federasiýasynyň DIM-niň wekiliniň Russiýanyň, Gazagystanyň we Özbegistanyň «üçtaraplaýyn gaz birleşigi» boýunça beýanaty türkmen tarapynda birnäçe soraglary döredýär. Bu barada «Türkmengaz» döwlet konserniniň başlygynyň orunbasary Myrat Arçaýew Türkmenistanyň Döwlet habarlar agentligine beren teswirinde aýdylýar. Ol şenbe güni neşir edildi.