Hazarýaka döwletleri Hazar meselesini çözmek boýunça bilelikdäki tagallalary ylalaşdylar
19:44 07.08.2025 2439
«Awaza» milli syýahatçylyk zolagynda türkmen tarapynyň guramagynda Hazarýaka döwletleriniň wekilleriniň ýygnagy geçirildi diýip, Türkmenistanyň DIM-niň metbugat gullugy habar berýär.
Çärä Azerbaýjanyň, Eýranyň, Gazagystanyň, Russiýanyň we Türkmenistanyň ýokary derejeli wekilleri gatnaşdylar.
Gatnaşyjylar Hazar deňzinde ekologik howpsuzlygy we daşky gurşawyň goraglylygyny üpjün etmek, Hazar deňziniň biodürlüligini gorap saklamak we çeşmelerinden rejeli peýdalanmak baradaky düşünjelerini paýlaşdylar. Hazar deňiziniň suwunyň derejesiniň pese düşmegi bilen bagly meselelere aýratyn üns berildi.
Türkmenistanyň wise-premýeri, daşary işler ministri Raşid Meredow öz çykyşynda Hazarýaka döwletleriniň baştutanlarynyň sammitlerinde kabul edilen çözgütlere we ylalaşyklara laýyklykda özara gatnaşyklary utgaşdyrmagyň möhümdigini belledi. Hazar deňziniň daşky gurşaw bilen bagly meselelerini çözmekde Türkmenistanyň işjeň garaýşyna üns çekildi.
Türkmenistanyň Hazar meselesi boýunça alyp barýan işjeň syýasaty aýratyn nygtaldy. Şu nukdaýnazardan, Türkmenistanyň Prezidenti Serdar Berdimuhamedowyň BMG-niň Baş Assambleýasynyň 78-nji sessiýasynyň umumy mejlisinde öňe süren Hazaryň ekologik başlangyjyny durmuşa geçirmek boýunça alnyp barylýan işler bellenildi.
Duşuşygyň ýokary guramaçylyk derejesi üçin türkmen tarapyna minnetdarlyk bildirip, daşary ýurt wekiliýetleriniň agzalary Hazaryň meseleleri boýunça konstruktiw dialogy dowam etdirmäge ygrarlylyklaryny beýan etdiler.
OPEK 2023-nji we 2024-nji ýyllar üçin nebite islegiň ösüş çaklamasyny saklap galdy
2023-nji ýylda nebite bolan isleg 2022-nji ýyldaka garanda günde 2,44 mln barrel artyp — günde 102,01 mln barrele ýeter, 2024-nji ýylda bolsa ýene-de 2,25 b/g artyp — 104,25 mln b/g ýeter. Şeýle çaklamalar OPEK-iň aýlyk hasabynda getirilýär diýip, Interfaks habar berýär. Şeýlelikde, gurama geçen aýda edilen çaklamalaryny saklap galdy.
Azerbaýjan Türkmenistanyň sargydy boýunça suwasty turbageçiriji çekdi
«Azerbaýjan hazar deňzi gämiçili» (ASCO) ÝGPJ degişli bolan «Suleýman Wezirow» gämi-turba geçiriji Hazar deňzinde Lam and Zhdanov nebit käninde suwasty turba geçirijiniň gurluşygyny tamamlady. Işler Türkmenistanyň sargydy boýunça ýerine ýetirildi diýip, ASCO-nyň metbugat gullugy habar berýär.
Türkmenistanyň we Russiýa Federasiýasynyň daşary işler ministrleri hyzmatdaşlygyň ileri tutulýan ugurlaryny maslahatlaşdylar
25-nji iýunda Türkmenistanyň Daşary işler ministrliginde Türkmenistanyň daşary işler ministri R.Ö.Meredow bilen Aşgabat şäherine sapar bilen gelen Russiýa Federasiýasynyň daşary işler ministri S.W.Lawrowyň arasynda duşuşyk geçirildi diýip, DIM-niň saýtynda habar berilýär.
Ýewropanyň täzeleniş we ösüş banky Derwezedäki gaz kraterini söndürmekde Türkmenistana ýardam etmegi teklip etdi
Ýewropanyň täzeleniş we ösüş banky Türkmenistana Derwezede ýanyp duran gaz kraterinden gaz zyňyndylarynyň meselesini çözmäge öz ýardamyny teklip etdi.
Türkmenistan Hazarda ekologiýa howpsuzlygy boýunça Hazarýaka döwletleriniň ýolbaşçylarynyň ýörite sammitini geçirmegi teklip etdi
Türkmenistanyň ýolbaşçylygy derwaýys meseleleri ara alyp maslahatlaşmak we Hazarda ekologiýa howpsuzlygyny üpjün etmek boýunça işleri güýçlendirmek maksady bilen, Hazarýaka döwletleriniň ýolbaşçylarynyň ýörite sammitini geçirmek baradaky başlangyjy beýan etdi.