Türkmenistanyň we Awstriýanyň ilçileri Pakistanda ikitaraplaýyn hyzmatdaşlygy ösdürmegiň meselelerini maslahatlaşdylar
16:34 13.08.2025 3062
12-nji awgustda Türkmenistanyň Pakistandaky ilçisi Atajan Möwlamow Awstriýa Respublikasynyň bu ýurtdaky täze ilçisi Wolfgang Oliwer Kuçer bilen duşuşdy. Bu barada Türkmenistanyň Pakistandaky ilçihanasynyň web sahypasynda habar berilýär.
Duşuşykda aýratyn üns iri halkara energetika taslamalaryna, şol sanda TOPH we TOP taslamalaryna berildi. Bu taslamalaryň diňe bir türkmen energiýa serişdeleriniň eksport ugurlaryny diwersifikasiýa etmekde däl, eýsem, sebit energetika howpsuzlygyny we özara gatnaşyklary berkitmekde hem ähmiýetli orny bardygy nygtaldy.
Taraplar sebitdäki häzirki ýagdaý boýunça giňişleýin pikir alşyp, sebitiň gün tertibindäki möhüm meseleler boýunça garaýyşlaryny paýlaşdylar. Türkmen tarapy ýurduň sebit derejesindäki daşary syýasatynyň esasy ileri tutulýan ugurlaryny beýan edip, bitaraplyk, hoşniýetli goňşuçylyk we özara bähbitli hyzmatdaşlyk ýörelgelerine ygrarlydygyny belledi.
Şeýle hem Türkmenistanyň sebit ýurtlarynyň arasynda özara düşünişmegi we ynamy berkitmäge gönükdirilen köptaraplaýyn hyzmatdaşlygy ösdürmäge işjeň gatnaşmaga taýýardygy nygtaldy.
Duşuşygyň ahyrynda taraplar Türkmenistanyň we Awstriýa Respublikasynyň arasynda dostlukly gatnaşyklaryň mundan beýläk hem pugtalandyrylmagyna we diplomatik gatnaşyklaryň işjeňliginiň saklanylmagyna bolan bilelikdäki gyzyklanmalaryny aýtdylar.
26-27-nji oktýabrda «Türkmenistanyň nebiti we gazy – 2022» XXVII Halkara maslahaty geçiriler
Aşgabatda 26-27-nji oktýabrda «Türkmenistanyň nebiti we gazy – 2022» XXVII Halkara maslahaty geçiriler. Forumyň guramaçylary hökmünde «Türkmengaz» we «Türkmennebit» döwlet konsernleri hem-de «Türkmengeologiýa» döwlet korporasiýasy GaffneyCline britan kompaniýasynyň goldawynda «Turkmen Forum» HJ bilen hyzmatdaşlykda çykyş edýärler diýip, guramaçylaryň saýtynda bellenilýär.
Türkmenistanyň Prezidenti Tatarystanyň Baştutanyny Aşgabatda geçiriljek Halkara foruma çagyrdy
Prezident Serdar Berdimuhamedow Türkmenistana iş sapary bilen gelen Russiýa Federasiýasynyň Tatarystan Respublikasynyň Baştutany Rustam Minnihanow bilen duşuşygynda ony ýurdumyzyň hemişelik Bitaraplygynyň 30 ýyllygy mynasybetli geçiriljek foruma çagyrdy diýip, TDH habar berýär.
Gahryman Arkadagymyz: Türkmenistan bilen Tatarystanyň arasyndaky ikitaraplaýyn gatnaşyklar täze derejä çykdy
18-nji fewralda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow ýurdumyza iş sapary bilen gelen Russiýa Federasiýasynyň Tatarystan Respublikasynyň Baştutany Rustam Minnihanow bilen duşuşdy. Bu barada TDH habar berýär.
Dünýä boýunça nebit ibermeleri iýul aýynda pandemiýadan soňky iň ýokary çägine ýetdi - HEA
OPEC+ ýurtlary tarapyndan nebit çykarylyşynyň artmagy, şeýle hem birnäçe sebitlerde tehniki hyzmat senagatynyň düýpli dikeldilmegi netijesinde dünýä boýunçe nebit ibermeleri iýul aýynda pandemiýadan soňky iň ýokary çägine ýetdi diýip, Interfaks Halkara energetika agentliginiň her aýlyk hasabatyna salgylanyp habar berýär.
Türkmenbaşyda ulag boýunça maslahata gatnaşyjylar mälim boldy
30-dan gowrak döwletleriň wekiliýetleri, şeýle hem 30-dan gowrak halkara we ýöriteleşdirilen guramalaryň wekilleri 15-16-njy awgustda Türkmenbaşy şäherinde geçiriljek Birleşen Milletler Guramasynyň howandarlygynda Türkmenistanyň başlangyjy bilen Deňze çykalgasy bolmadyk ösüp barýan ýurtlaryň ulag boýunça maslahatyna gatnaşýandyklaryny tassykladylar. Bu barada Türkmenistanyň DIM-niň saýty habar berýär.