Türkmenistanda TIF 2025 forumy maýadarlar üçin täze sepgitleri açar
17:39 19.08.2025 3929
18-19-njy sentýabrda Aşgabatda “Türkmenistanyň maýa goýum forumy – 2025” (TIF 2025) geçiriler. Forumyň resmi saýtynyň (www.tif-turkmenistan.com) maglumatyna görä, bu çäre sebitde maýa goýum mümkinçiliklerini ara alyp maslahatlaşmak we ykdysady gatnaşyklary pugtalandyrmak üçin möhüm meýdança bolmaga wada berýär.
“Milli mümkinçilikler, global hyzmatdaşlyk” atly mowzuk bilen geçiriljek forum işewürleri, hökümet wekillerini hem-de hünärmenleri birleşdirer. Esasy maksat – ýurduň ykdysadyýetini döwrebaplaşdyrmagyň ugurlaryny ara alyp maslahatlaşmak we maýa goýum üçin amatly şertleri döretmekdir.
Iki günläp dowam etjek çärä gatnaşyjylar iň soňky ykdysady özgertmeler bilen tanyşmaga, Türkmenistanyň döwlet we hususy kompaniýalary bilen göni aragatnaşyk gurmaga, anyk maýa goýum taslamalaryny ara alyp maslahatlaşmaga we hyzmatdaşlygyň täze ugurlaryny kesgitlemäge mümkinçilik alarlar.
Forumyň maksatnamasy baý we köpdürli bolar. Oňa şular girýär:
- Strategik panel gepleşikleri
- Taslama tanyşdyrylyşlary
- B2B we B2G duşuşyklary
- Okuw sapaklary
- Medeni çäreler
Geçen ýylky TIF 2024 forumyna 44 ýurtdan 1,1 müňden gowrak wekil gatnaşdy. Onuň netijesinde 18 ylalaşyga we özara düşünişmek hakynda Ähtnamalara gol çekildi. Jemi bahasy 167 million dollara barabar şertnamalaryň baglaşyldy.
TIF 2025-iň guramaçylary bu forumyň täze maýa goýumlary çekmekde we uzak möhletli hyzmatdaşlygy ösdürmekde täze itergi boljakdygyna umyt bildirýärler.
OPEK 2023-nji we 2024-nji ýyllar üçin nebite islegiň ösüş çaklamasyny saklap galdy
2023-nji ýylda nebite bolan isleg 2022-nji ýyldaka garanda günde 2,44 mln barrel artyp — günde 102,01 mln barrele ýeter, 2024-nji ýylda bolsa ýene-de 2,25 b/g artyp — 104,25 mln b/g ýeter. Şeýle çaklamalar OPEK-iň aýlyk hasabynda getirilýär diýip, Interfaks habar berýär. Şeýlelikde, gurama geçen aýda edilen çaklamalaryny saklap galdy.
Azerbaýjan Türkmenistanyň sargydy boýunça suwasty turbageçiriji çekdi
«Azerbaýjan hazar deňzi gämiçili» (ASCO) ÝGPJ degişli bolan «Suleýman Wezirow» gämi-turba geçiriji Hazar deňzinde Lam and Zhdanov nebit käninde suwasty turba geçirijiniň gurluşygyny tamamlady. Işler Türkmenistanyň sargydy boýunça ýerine ýetirildi diýip, ASCO-nyň metbugat gullugy habar berýär.
Türkmenistanyň we Russiýa Federasiýasynyň daşary işler ministrleri hyzmatdaşlygyň ileri tutulýan ugurlaryny maslahatlaşdylar
25-nji iýunda Türkmenistanyň Daşary işler ministrliginde Türkmenistanyň daşary işler ministri R.Ö.Meredow bilen Aşgabat şäherine sapar bilen gelen Russiýa Federasiýasynyň daşary işler ministri S.W.Lawrowyň arasynda duşuşyk geçirildi diýip, DIM-niň saýtynda habar berilýär.
Ýewropanyň täzeleniş we ösüş banky Derwezedäki gaz kraterini söndürmekde Türkmenistana ýardam etmegi teklip etdi
Ýewropanyň täzeleniş we ösüş banky Türkmenistana Derwezede ýanyp duran gaz kraterinden gaz zyňyndylarynyň meselesini çözmäge öz ýardamyny teklip etdi.
Türkmenistan Hazarda ekologiýa howpsuzlygy boýunça Hazarýaka döwletleriniň ýolbaşçylarynyň ýörite sammitini geçirmegi teklip etdi
Türkmenistanyň ýolbaşçylygy derwaýys meseleleri ara alyp maslahatlaşmak we Hazarda ekologiýa howpsuzlygyny üpjün etmek boýunça işleri güýçlendirmek maksady bilen, Hazarýaka döwletleriniň ýolbaşçylarynyň ýörite sammitini geçirmek baradaky başlangyjy beýan etdi.