Dünýäniň nebitgaz bazary üçin her ýyl 540 mlrd dollar möçberinde maýa goýumlary gerek - HEA
19:31 18.09.2025 1612
Nebit we gaz önümçiliginiň häzirki derejesini 2050-nji ýyla çenli saklamak üçin dünýä energetika pudagy her ýyl täze ýataklary gözlemek üçin takmynan $540 milliard möçberinde maýa goýumlaryna mätäç bolar diýip, Halkara Energetika Agentligi (HEA) çaklaýar. Bu barada INTERFAX habar berýär.
Şu ýyl bu görkeziji takmynan $570 milliard bolar we öňki ýyl bilen deňeşdirilende biraz azaldy diýip, Bloomberg-e HEA-nyň energiýa üpjünçiligi boýunça bölüminiň ýolbaşçysy Kristof Makgleýd gürrüň berdi.
Çaklama 15 müňden gowrak ýataklaryň seljerilmegine we olardaky önümçiligiň peselme depginine esaslanýar. Zerur maýa goýumlary bolmasa, dünýäde önümçilik her ýyl Norwegiýa bilen Braziliýanyň umumy önümçiligine barabar möçberde — günüň dowamynda 5 million barrel-den gowrak azalar.
Şu ýyl hem-de indiki ýylda dünýä bazarynda teklibiň artykmaç boljakdygy çaklanylýar. Şeýle-de, Britaniýanyň energetika ägirdi BP Plc-nyň garaýşyna görä, OPEK-den daşary ýurtlardaky nebit önümçiligi 2026-njy ýylyň başyndan başlap 12–18 aýlap üýtgemez görnüşde galar.
26-27-nji oktýabrda «Türkmenistanyň nebiti we gazy – 2022» XXVII Halkara maslahaty geçiriler
Aşgabatda 26-27-nji oktýabrda «Türkmenistanyň nebiti we gazy – 2022» XXVII Halkara maslahaty geçiriler. Forumyň guramaçylary hökmünde «Türkmengaz» we «Türkmennebit» döwlet konsernleri hem-de «Türkmengeologiýa» döwlet korporasiýasy GaffneyCline britan kompaniýasynyň goldawynda «Turkmen Forum» HJ bilen hyzmatdaşlykda çykyş edýärler diýip, guramaçylaryň saýtynda bellenilýär.
Türkmenistanyň Prezidenti Tatarystanyň Baştutanyny Aşgabatda geçiriljek Halkara foruma çagyrdy
Prezident Serdar Berdimuhamedow Türkmenistana iş sapary bilen gelen Russiýa Federasiýasynyň Tatarystan Respublikasynyň Baştutany Rustam Minnihanow bilen duşuşygynda ony ýurdumyzyň hemişelik Bitaraplygynyň 30 ýyllygy mynasybetli geçiriljek foruma çagyrdy diýip, TDH habar berýär.
Gahryman Arkadagymyz: Türkmenistan bilen Tatarystanyň arasyndaky ikitaraplaýyn gatnaşyklar täze derejä çykdy
18-nji fewralda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow ýurdumyza iş sapary bilen gelen Russiýa Federasiýasynyň Tatarystan Respublikasynyň Baştutany Rustam Minnihanow bilen duşuşdy. Bu barada TDH habar berýär.
Dünýä boýunça nebit ibermeleri iýul aýynda pandemiýadan soňky iň ýokary çägine ýetdi - HEA
OPEC+ ýurtlary tarapyndan nebit çykarylyşynyň artmagy, şeýle hem birnäçe sebitlerde tehniki hyzmat senagatynyň düýpli dikeldilmegi netijesinde dünýä boýunçe nebit ibermeleri iýul aýynda pandemiýadan soňky iň ýokary çägine ýetdi diýip, Interfaks Halkara energetika agentliginiň her aýlyk hasabatyna salgylanyp habar berýär.
Türkmenbaşyda ulag boýunça maslahata gatnaşyjylar mälim boldy
30-dan gowrak döwletleriň wekiliýetleri, şeýle hem 30-dan gowrak halkara we ýöriteleşdirilen guramalaryň wekilleri 15-16-njy awgustda Türkmenbaşy şäherinde geçiriljek Birleşen Milletler Guramasynyň howandarlygynda Türkmenistanyň başlangyjy bilen Deňze çykalgasy bolmadyk ösüp barýan ýurtlaryň ulag boýunça maslahatyna gatnaşýandyklaryny tassykladylar. Bu barada Türkmenistanyň DIM-niň saýty habar berýär.