Täze ýyl dabaralary nebitgaz toplumynda giň gerimde bellenildi
09:10 30.12.2025 1484
Şu günler ýurdumyzyň ähli pudaklaýyn edara-kärhanalarynda Täze ýyl mynasybetli şowhunly çäreler guralýar. Geçen hepdede nebitgaz toplumynyň edara-kärhanalarynda hem baýramçylyk dabaralary giňden ýaýbaňlandyrylyp, ýokary guramaçylyk derejesinde geçirildi.
«Türkmengaz» döwlet konserniniň Medeni-işewürlik merkezinde geçirilen Täze ýyl baýramçylygyna bagyşlanan çäre hem şeýle dabaralaryň biri bolup, oňa nebitgaz toplumynyň işgärleri, olaryň çagalary gatnaşdylar.
Baýramçylyk dabarasynda bolan çykyşlarda bellenilişi ýaly, türkmenistanlylar ynam we ruhubelentlik bilen Täze ýyly garşylaýarlar.
Täze ýyl arçasynyň ýanynda Medeni-işewürlik merkeziniň sungat ussatlarynyň ýerine ýetirmeginde ajaýyp owazlarda söýgi, mähir, gözellik we hoşniýetlilik hakynda aýdymlar ýaňlandy. «Galkynyş» folklor toparynyň, «Ruhubelent çagalar» tans toparynyň zehinli çagalarynyň ussatlyk bilen ýerine ýetiren tanslary dabaranyň täsirini artdyrdy. Täze ýyl dabarasynda çagalaryň arasyna Aýazbaba bilen Garpamygyň gelmegi iň gyzykly we şatlykly pursatlaryň biri boldy. Çagalar Aýazbabadyr Garpamyk bilen bilelikde bezemen arçanyň daşyndan aýlanyp, şadyýanlyk bilen aýdym aýtdylar. Bu ýerde ýurdumyzyň teatrlarynyň artistleriniň çagalar üçin taýýarlan ertekiler dünýäsinden gysgaça sahna oýunlary dabara gatnaşyjylaryň ählisinde ýatdan çykmajak täsir galdyrdy. Elbetde, Täze ýylyň sowgatsyz geçmejegi düşnükli. Bu sapar hem Aýazbabadyr Garpamyk çagalaryň ählisine dürli oýunjaklary we süýjülik sowgatlary paýladylar.
Täze — 2026-njy ýyly garşylamak mynasybetli geçirilen dabaraly çäre hemmelere ýakymly duýgulary bagyş edip, olaryň ruhuny galkyndyrdy.
26-27-nji oktýabrda «Türkmenistanyň nebiti we gazy – 2022» XXVII Halkara maslahaty geçiriler
Aşgabatda 26-27-nji oktýabrda «Türkmenistanyň nebiti we gazy – 2022» XXVII Halkara maslahaty geçiriler. Forumyň guramaçylary hökmünde «Türkmengaz» we «Türkmennebit» döwlet konsernleri hem-de «Türkmengeologiýa» döwlet korporasiýasy GaffneyCline britan kompaniýasynyň goldawynda «Turkmen Forum» HJ bilen hyzmatdaşlykda çykyş edýärler diýip, guramaçylaryň saýtynda bellenilýär.
Türkmenistanyň Prezidenti Tatarystanyň Baştutanyny Aşgabatda geçiriljek Halkara foruma çagyrdy
Prezident Serdar Berdimuhamedow Türkmenistana iş sapary bilen gelen Russiýa Federasiýasynyň Tatarystan Respublikasynyň Baştutany Rustam Minnihanow bilen duşuşygynda ony ýurdumyzyň hemişelik Bitaraplygynyň 30 ýyllygy mynasybetli geçiriljek foruma çagyrdy diýip, TDH habar berýär.
Gahryman Arkadagymyz: Türkmenistan bilen Tatarystanyň arasyndaky ikitaraplaýyn gatnaşyklar täze derejä çykdy
18-nji fewralda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow ýurdumyza iş sapary bilen gelen Russiýa Federasiýasynyň Tatarystan Respublikasynyň Baştutany Rustam Minnihanow bilen duşuşdy. Bu barada TDH habar berýär.
Dünýä boýunça nebit ibermeleri iýul aýynda pandemiýadan soňky iň ýokary çägine ýetdi - HEA
OPEC+ ýurtlary tarapyndan nebit çykarylyşynyň artmagy, şeýle hem birnäçe sebitlerde tehniki hyzmat senagatynyň düýpli dikeldilmegi netijesinde dünýä boýunçe nebit ibermeleri iýul aýynda pandemiýadan soňky iň ýokary çägine ýetdi diýip, Interfaks Halkara energetika agentliginiň her aýlyk hasabatyna salgylanyp habar berýär.
Türkmenbaşyda ulag boýunça maslahata gatnaşyjylar mälim boldy
30-dan gowrak döwletleriň wekiliýetleri, şeýle hem 30-dan gowrak halkara we ýöriteleşdirilen guramalaryň wekilleri 15-16-njy awgustda Türkmenbaşy şäherinde geçiriljek Birleşen Milletler Guramasynyň howandarlygynda Türkmenistanyň başlangyjy bilen Deňze çykalgasy bolmadyk ösüp barýan ýurtlaryň ulag boýunça maslahatyna gatnaşýandyklaryny tassykladylar. Bu barada Türkmenistanyň DIM-niň saýty habar berýär.