“PETRONAS” we HNGU akademiki hyzmatdaşlygy berkitmegi meýilleşdirýärler
11:56 29.04.2026 746
Ýagşygeldi Kakaýew adyndaky Halkara nebit we gaz uniwersitetinde (HNGU) «PETRONAS Çarigali (Turkmenistan) Sdn Bhd» kompaniýasynyň hem-de «PETRONAS» tehnologiýa uniwersitetiniň wekilleri bilen duşuşyk geçirildi. Duşuşygyň dowamynda akademiki hyzmatdaşlygy berkitmegiň meseleleri ara alnyp maslahatlaşyldy.
HNGU-nyň rektory Baýrammyrat Atamanow myhmanlary uniwersitetiň gurluşy, okadylýan dersler we ýokary okuw mekdebiniň gazanan üstünlikleri bilen tanyşdyrdy.
Hususan-da, ylmyň we bilimiň iň täze gazananlarynyň okuw işine we ýaşlaryň ylmy ukyplaryna ornaşdyrylmagy baradaky işler bellenilip geçildi. Uniwersitetiň talyplary we mugallymlary üçin nebitgaz pudagynyň öňdebaryjy tehnologiýalary boýunça onlaýn-kurslar guralýar. Şeýle hem, talyplar Malaýziýadaky «PETRONAS» tehnologiýa uniwersitetinde tomusky önümçilik tejribeliklerine gatnaşýarlar.
2024-nji ýylyň 13-nji noýabrynda gol çekilen Özara düşünişmek baradaky Ähtnama ylym we bilim ulgamyndaky hyzmatdaşlygy dowam etdirmäge gönükdirilen dördünji ylalaşykdyr.
«PETRONAS Çarigali (Turkmenistan) Sdn Bhd» kompaniýasynyň wekili bilelikdäki ylmy taslamalary amala aşyrmak, halkara ylmy žurnallarynda makalalary ýazmak we çap etmek boýunça hyzmatdaşlygy ýola goýmagy teklip etdi.
Şeýle hem, «PETRONAS» tehnologiýa uniwersitetiniň professorlarynyň gatnaşmagynda nebitgaz işi, geologiýa, sanly ulgamlar we himiki tehnologiýalar ýaly ugurlar boýunça okuw maslahatlarynyň dowam etdiriljekdigini belledi.
«Gazprom» 150 atmosfera basyşly gaz ulag ulgamyny döretmegi karar etdi
«Gazprom» işçi basyşy 150 atmosfera (14,8 Mpa) bolan gaz ulag ulgamyny döretmek hakynda karar kabul etdi. Anna güni Interfaks agentliginiň habar bermegine görä, bu barada Tatarystan nebitgazhimiýa forumynyň barşynda «Gazpromyň» iberijileriniň gününde kompaniýanyň başlygynyň orunbasary Oleg Aksýutin belledi.
Bilermen ÝB-de gazyň bahalarynyň aňry çäginiň girizilmegine mümkin bolan jogaby barada aýtdy
Ýewropada rus gazynyň bahasyna aňry çägiň girizilmegi beýleki iberijiler tarapyndan ýaramaz kabul edilip bilner, olar geljekde, ýagny baha çägi girizilende ibermeleriniň bahalaryny aşaklatmak islemeseler gerek diýip, Vygon Consulting kompaniýasynyň barlaglar boýunça direktory Mariýa Belowa Ria Nowosti agentligine gürrüň berdi.
Birža söwdalarynda dizel ýangyjyny we suwuklandyrylan gazy eksport etmek boýunça geleşikler baglaşyldy
Türkmenistanyň Döwlet haryt çig mal biržasynyň söwdalarynda 30-njy awgustda umumy bahasy ABŞ-nyň 17,7 mln dollaryna ýa-da 1,6 mln türkmen manadyna barabar bolan 13 sany geleşik baglaşyldy diýip, ORIENT habar berýär.
TEIF 2025 forumyna GECF-niň Baş sekretarynyň gatnaşmagy energetika hyzmatdaşlygyny ösdürmekde nobatdaky ädim bolar
Türkmenistanyň ykdysadyýetine daşary ýurt maýa goýumlaryny çekmek boýunça halkara forumyna (TEIF 2025) taýýarlyk işleriniň ýokary depginde dowam edýär. Bu forum 2025-nji ýylyň 23-24-nji aprelinde Malaýziýanyň Kuala-Lumpur şäherinde geçiriler. “Türkmengaz” we “Türkmennebit” döwlet konsernleri hem-de Türkmenistanyň Söwda-senagat edarasy “Turkmen Energy Forum” hojalyk jemgyýeti bilen bilelikde guramagynda geçiriljek foruma gatnaşjak wekilleriň sany gün-günden artýar.
Türkmenistanyň Prezidenti Ýewropa Bileleşiginiň ýokary wekili bilen köpugurly hyzmatdaşlygyň geljegini maslahatlaşdy
27-nji martda Prezident Serdar Berdimuhamedow Ýewropa Bileleşiginiň daşary işler we howpsuzlyk syýasaty boýunça ýokary wekili, Ýewropa Komissiýasynyň wise-prezidenti hanym Kaýa Kallasy kabul etdi. Kallas Merkezi Aziýa ýurtlarynyň we Ýewropa Bileleşiginiň daşary syýasat edaralarynyň ýolbaşçylarynyň nobatdaky duşuşygyna gatnaşmak üçin ýurdumyza geldi diýip, TDH habar berýär.