Kiberbäsleşigiň ýeňijileri
21:05 28.05.2022 5857
«Türkmennebit» döwlet konserniniň Balkanabatdaky nebitçilik orta hünär okuw mekdebinde «Türkmenistanyň kiberhowpsuzlygyny üpjün etmegiň 2022 — 2025-nji ýyllar üçin Döwlet maksatnamasyny amala aşyrmak boýunça ýerine ýetirilmeli çäreleriň Meýilnamasyna» laýyklykda kiberhowpsuzlyk boýunça bäsleşik geçirildi.
Bäsleşige «Türkmennebit» döwlet konserniniň garamagyndaky edara-kärhanalaryň kiberhowpsuzlyk boýunça jogapkär hünärmenleriniň we isleg bildirýän işgärleriniň kyrkdan gowragy gatnaşdy.
Döwrüň ösen talaplaryndan ugur alnyp geçirilen bu çekeleşikli bäsleşikde orta atylan 50 soragyň 49-syna dürs jogap bermegi başaran konserniň Balkanabat nebitçilik orta hünär okuw mekdebiniň birinji derejeli hünärmeni Merdan Ýegenmämmedow 1-nji orna mynasyp bolmagy başardy. «Nebitgazburawlaýyş» trestiniň Sanly tehnologiýalar we maglumat howpsuzlygy bölüminiň başlygy Balmyrat Hydyrow bilen «Nebitgazylmytaslama» institutynyň Sanly tehnologiýalar we maglumat howpsuzlygy bölüminiň başlygy Resul Gurbanow dagy bolsa degişlilikde ikinji we üçünji orunlary eýeledi.
Döwrebap aýdym-sazlar bilen utgaşykly geçen bäsleşigiň ýeňijileri «Türkmennebit» döwlet konserniniň Kärdeşler arkalaşygy komitetiniň gymmat bahaly sowgatlary bilen sylaglandylar.
Birža söwdalarynda dizel ýangyjyny we suwuklandyrylan gazy eksport etmek boýunça geleşikler baglaşyldy
Türkmenistanyň Döwlet haryt çig mal biržasynyň söwdalarynda 30-njy awgustda umumy bahasy ABŞ-nyň 17,7 mln dollaryna ýa-da 1,6 mln türkmen manadyna barabar bolan 13 sany geleşik baglaşyldy diýip, ORIENT habar berýär.
Hyzmatdaşlygymyzyň mundan beýläk-de giňeldilmegi Russiýanyň we Türkmenistanyň bähbitlerine doly laýyk gelýär – Mihail Mişustin
Russiýa Federasiýasynyň Hökümetiniň Başlygy Mihail Mişustin hyzmatdaşlygyň mundan beýläk-de giňeldilmeginiň Russiýanyň we Türkmenistanyň bähbitlerine doly laýyk gelýändigine berk ynanýandygyny beýan etdi. Bu barada ol Nowruz baýramy mynasybetli Prezident Serdar Berdimuhamedowa iberen gutlagynda belleýär.
Bilermen ÝB-de gazyň bahalarynyň aňry çäginiň girizilmegine mümkin bolan jogaby barada aýtdy
Ýewropada rus gazynyň bahasyna aňry çägiň girizilmegi beýleki iberijiler tarapyndan ýaramaz kabul edilip bilner, olar geljekde, ýagny baha çägi girizilende ibermeleriniň bahalaryny aşaklatmak islemeseler gerek diýip, Vygon Consulting kompaniýasynyň barlaglar boýunça direktory Mariýa Belowa Ria Nowosti agentligine gürrüň berdi.
“Ýewropa Bileleşigi — Merkezi Aziýa” ministrler duşuşygynda köpugurly hyzmatdaşlygyň geljegi maslahatlaşyldy
27-nji martda Aşgabat şäherinde geçirilen “Merkezi Aziýa – Ýewropa Bileleşigi” 20-nji ministrler duşuşygynda syýasy-diplomatik, söwda-ykdysady we medeni-ynsanperwer ugurlarda köptaraplaýyn hyzmatdaşlyga degişli meseleleriň giň toplumy ara alnyp maslahatlaşyldy diýip, Türkmenistanyň DIM-nde habar berdiler.
«Gazprom» 150 atmosfera basyşly gaz ulag ulgamyny döretmegi karar etdi
«Gazprom» işçi basyşy 150 atmosfera (14,8 Mpa) bolan gaz ulag ulgamyny döretmek hakynda karar kabul etdi. Anna güni Interfaks agentliginiň habar bermegine görä, bu barada Tatarystan nebitgazhimiýa forumynyň barşynda «Gazpromyň» iberijileriniň gününde kompaniýanyň başlygynyň orunbasary Oleg Aksýutin belledi.