Ahaldaky benzin önümçiligi boýunça zawodyň çäginde rezerwuar parkyny gurmak boýunça bäsleşik yglan edildi
20:19 20.07.2022 9002
Türkmenistanda tebigy gazdan benzin öndürmek boýunça Ahaldaky zawodyň çäginde benzin, kükürtsizlendirilen dizel fraksiýasy we suwuklandyrylan gaz saklamak üçin täze rezerwuar parky gurlar. Bu «Нейтральный Туркменистан» gazetinde neşir edilen «Türkmenhimiýa» döwlet konserniniň yglan eden halkara bäsleşiginde göz öňünde tutulýar.
Bäsleşige gatnaşmak üçin «Türkmenhimiýa» DK gatnaşyjynyň doly adyny, hukuk ýagdaýyny, bellige alnan ýurduny, rekwizitlerini görkezip ýazmaça arza bermeli, şeýle hem GBS-i hasaba alyp, ABŞ-nyň 1150 dollaryny ýa-da Türkmenistanyň Merkezi bankynyň kursy boýunça şol barabarlykda manat töläp, bäsleşik resminamalaryny almaly.
Bäsleşige resminamalary tabşyrmagyň ahyrky senesi onuň «Нейтральный Туркменистан» gazetinde yglan edilenden (20-nji iýul) soň 30 iş gününiň dowamynda kabul edilýär.
Üstünlik gazanýan gazçylar
«Pähim-paýhas ummany Magtymguly Pyragy» ýylynda «Türkmengaz» döwlet konserniniň «Lebapgazçykaryş» müdirliginiň guýulary ýerasty we düýpli bejeriji böleginiň agzybir we başarjaň işgärleri tutanýerli zähmet çekýärler.
Türkmenistanyň Prezidenti we AÖB-niň wise-prezidenti hyzmatdaşlygyň ileri tutulýan ugurlaryny maslahatlaşdy
23-nji iýunda Prezident Serdar Berdimuhamedow Aşgabada sapar bilen gelen Aziýa ösüş bankynyň Günorta, Merkezi we Günbatar Aziýa boýunça wise-prezidenti Ýan Inmini kabul etdi diýip, TDH habar berýär.
Türkmenistanyň we Eýranyň DIM-niň ýolbaşçylary ikitaraplaýyn hyzmatdaşlyk meselelerini maslahatlaşdylar
23-nji iýunda Eýran Yslam Respublikasynyň daşary işler ministri Seýed Abbas Arakçi Türkmenistana sapar bilen geldi. Şol gün Türkmenistanyň Daşary işler ministrliginde geçirilen duşuşykda Türkmenistanyň we Eýranyň daşary syýasat edaralarynyň ýolbaşçylary ikitaraplaýyn hyzmatdaşlygyň meseleleriniň giň toplumyny ara alyp maslahatlaşdylar. Bu barada ýurdumyzyň daşary syýasat edarasynda habar berdiler.
Nebitgaz toplumynyň kärhanalary Türkmenistanyň Bitaraplyk güni mynasybetli açylan ikinji wirtual sergä gatnaşýar
Penşenbe güni Türkmenistanyň Bitaraplyk güni mynasybetli ýurdumyzyň ykdysady gazananlaryna bagyşlanan wirtual sergi açyldy. Bu dabaraly çäreler Daşary işler ministrligi we Söwda-senagat edarasy tarapyndan guraldy.
Türkmenistan Hazarüsti gazgeçirijisiniň taslamasy boýunça ýewropaly hyzmatdaşlary bilen özara gatnaşyklary dowam etmäge taýýar — DIM-niň ýolbaşçysy
Türkmenistan Hazarüsti gazgeçirijisiniň taslamasy boýunça ýewropaly hyzmatdaşlary bilen özara gatnaşyklary dowam etmäge taýýar. Bu barada Türkmenistanyň daşary işler ministri Raşid Meredow 12-nji awgustda «Awaza» milli syýahatçylyk zolagynda geçirilen «Hazar deňzi – parahatçylyk we dostluk deňzi» atly maslahatda eden çykyşynda belledi.