Brend nebiti 99,11 dollara çenli arzanlady
19:56 12.08.2022 4561
Deslapky günüň söwdalaşyklarynda ynamly ösüşden soň, anna güni söwdalaryň barşynda nebitiň bahalary aşaklaýar diýip, Interfaks habar berýär.
Brent nebitiniň oktýabrdaky fýuçersleriniň bahasy Londonyň ICE Futures biržasynda anna güni barreli 99,11 dollara durýar, bu görkeziji deslapky günden 0,49% aşakdyr. Öňküsi gün şertnamalar 2,2% ýokarlanyp, 99,6 dollardan satylýardy.
WTI nebitiniň bahasy Nýu-Ýorkuň haryt biržasynda 93,81 dollara deň boldy, bu görkeziji deslapky söwdalaşykdan 0,56%azdyr. Öňküsi gün şertnamanyň bahalary 2,62% ýokarlanyp, 94,34 dollardan satylýardy.
Galyberse-de, bir hepdede Brent nebitiniň bahasy 5%-e çenli, WTI bolsa 5%-den gowrak ösüş görkezdi. Muňa Trading Economics şaýatlyk edýär.
Şol bir wagtda OPEC her aýlyk hasabatynda şu ýylda nebite bolan isleg boýunça çaklamalaryny günde 0,3 mln barrel – 3,1 mln b/g çenli azaltdy. Munuň sebäbi käbir sebit üýtgemeleri bolup durýar. Şeýlelikde, 2022-nji ýylda guramanyň bahalandyrmasyna görä, nebitiň sarp edilişi 100,03 mln b/g bolar. Ondan öň, bu görkeziji 100,3 mln b/g möçberinde çaklanylýardy.
“Lebapgazüpjünçilik” müdirligi Lebap welaýatynda gaz üpjünçiliginiň ýokary depginlerini saklaýar
Ýurdumyzda ilatly nokatlaryň, önümçilik desgalarynyň, medeni-hojalyk maksatly binalaryň gaz bilen üpjünçilik meseleleri we içerki sarop edijileri tebigy gaz bilen üznüksiz üpjün etmeklik Türkmenistanyň döwlet Baştutanynyň hemişe üns merkezinde saklanýar.
TNGIZT nebit önümleriniň täze görnüşleriniň önümçiligini ýola goýdy
“Türkmennebit” döwlet konserniniň Türkmenbaşydaky nebiti gaýtadan işleýän zawodlar toplumynda nebit önümleriniň täze görnüşleriniň önümçiligi ýola goýuldy. Bu barada 26-njy ýanwarda geçirilen Hökümet mejlisiniň barşynda wise-premýer Batyr Amanow hasabatynyň çäginde habar berdi.
TOPH gaz geçirijisi tutuş sebite bähbit getirer, şol sanda üstaşyr geçirim üçin Owganystana 1 mlrd dollar getirer — Pakistanyň DIM-niň ýolbaşçysy
Türkmenistan-Owganystan-Päkistan-Hindistan (TOPH) gaz geçirijisiniň taslamasy tutuş sebite peýda getirer we bu taslama tamamlanandan soň Owganystanyň gaznasyna diňe üstaşyr töleglerden 1 milliard ABŞ dollar geler, bu barada Pakistanyň Daşary işler ministri Şah Mahmud Kureşi penşenbe güni aýtdy diýip, Pakistan neşiri Daily Times belleýär.
«Türkmennebit» DK: ýanwar-iýul aýlary boýunça üstünlikli netijeler gazanyldy
2022-nji ýylyň ýedi aýynyň netijeleri boýunça «Türkmennebit» döwlet konserni boýunça senagat taýdan özleşdirilen guýulardan 2 mln 123 müň tonna «gara altyn» we 2 mlrd 613 kub metr «mawy ýangyç» alyndy. Şol bir wagtda bellenilen döwür üçin önümçilik meýilnamasy degişlilikde 101,1% we 115,3% ýerine ýetirildi.
Gurbanguly Berdimuhamedow Seýed Ebrahim Raisi bilen söwda-ykdysady we energetika hyzmatdaşlygyny ösdürmegiň meselelerini maslahatlaşdy
Tähranda iş sapary bilen bolýan türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň Eýranyň Prezidenti Seýed Ebrahim Raisi bilen duşuşygynyň dowamynda söwda-ykdysady we energetika hyzmatdaşlygyny ösdürmegiň meseleleri ara alnyp maslahatlaşyldy diýip, TDH agentligi habar berýär.