Ýapon kompaniýasy ýangyç-energetika toplumynda Türkmenistan bilen hyzmatdaşlygyny dowam etdirmäge gyzyklanma bildirýär
11:33 26.08.2020 10415
TOYO Engineering Corporation ýapon kompaniýasy dökünleri öndürmekde, nebit we nebithimiýa toplumlarynda Türkmenistan bilen hyzmatdaşlygyny dowam etmäge gyzyklanmalaryny bildirdi, diýip Trend agentligi belleýär.
Öň, TOYO Engineering Corporation LG International Corp we Hyundai Engineering (Koreýa Respublikasy) kompaniýalary bilen bilelikde bahasy 3,4 milliard dollara barabar bolan Türkmenistanda Gyýanlydaky zawodyň gurluşygynyň taslamasyny durmuşa geçirmek işine gatnaşdy. Bu taslamada kompaniýa taslamalaşdyrmak we satyn almak işine jogap berdi, şeýle hem ulanyşa girizmek boýunça zawoda gözegçilik işine potratçylyk etdi.
Zawod Ýaponiýadan, Koreýadan, ABŞ-dan, Beýik Britaniýadan, Belgiýadan, germaniýadan, Daniýadan we beýleki ýurtlardan alnan enjamlar bilen enjamlaşdyryldy. Bu zawodda öndürilýän polipropilen we polietilen içerki bazarlara bolşy ýaly, eksporta hem iberilýär.
Kompaniýanyň wekiliniň belleýşi ýaly, TOYO eger-de kompaniýa ýene-de teklip alsa, onda ol Türkmenistanyň çäginde şeýle taslamalary amala aşyryp biler.
TOYO Engineering Corporation 1961-nji ýylyň 1-nji maýynda esaslandyryldy hem-de tutuş dünýä boýunça, esasan, uglewodorod we nebithimiýa toplumlarynda hyzmat edýän inžinerçilik, satyn alyjy we gurluşyk kompaniýasy bolup durýar.
Türkmenistan Owganystana nobatdaky ynsanperwerlik kömegini iberdi
11-nji sentýabrda türkmen-owgan serhedinde Arkadagyň ak ýoly bilen Serhetabat — Hyrat gaz geçirijisiniň, elektrik, ulag we aragatnaşyk ulgamlarynyň gurluşygyna badalga berilmegi mynasybetli Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň hasabyna goňşy Owganystana ynsanperwerlik kömegi iberildi.
Ýewropanyň täzeleniş we ösüş banky Derwezedäki gaz kraterini söndürmekde Türkmenistana ýardam etmegi teklip etdi
Ýewropanyň täzeleniş we ösüş banky Türkmenistana Derwezede ýanyp duran gaz kraterinden gaz zyňyndylarynyň meselesini çözmäge öz ýardamyny teklip etdi.
Türkmenistan Hazarda ekologiýa howpsuzlygy boýunça Hazarýaka döwletleriniň ýolbaşçylarynyň ýörite sammitini geçirmegi teklip etdi
Türkmenistanyň ýolbaşçylygy derwaýys meseleleri ara alyp maslahatlaşmak we Hazarda ekologiýa howpsuzlygyny üpjün etmek boýunça işleri güýçlendirmek maksady bilen, Hazarýaka döwletleriniň ýolbaşçylarynyň ýörite sammitini geçirmek baradaky başlangyjy beýan etdi.
ABŞ-nyň Energetika ministrligi 2022-2023-ni ýyllar üçin nebitiň bahalary boýunça çaklamasyny ýokarlandyrdy
ABŞ-nyň Energetika ministrligi 2022-nji ýylda Brent nebitiniň bahasy boýunça çaklamasyny barreli üçin 82,87 dollara çenli artdyryp, 105,22 dollar diýip çaklady. Muňa Edaranyň energetiki maglumatlar müdirliginiň her aýlyk çaklamalary şaýatlyk edýär. Muny Interfaks ýetirýär.
Russiýanyň, Gazagystanyň we Özbegistanyň «üçtaraplaýyn gaz birleşigi» boýunça beýanaty Türkmenistanda soraglary döredýär
Russiýa Federasiýasynyň DIM-niň wekiliniň Russiýanyň, Gazagystanyň we Özbegistanyň «üçtaraplaýyn gaz birleşigi» boýunça beýanaty türkmen tarapynda birnäçe soraglary döredýär. Bu barada «Türkmengaz» döwlet konserniniň başlygynyň orunbasary Myrat Arçaýew Türkmenistanyň Döwlet habarlar agentligine beren teswirinde aýdylýar. Ol şenbe güni neşir edildi.