Brent nebitiniň bahasy ýene-de 100 dollardan geçdi
09:18 27.08.2022 10199
Deslapky gün aşaklamadan soň, anna güni irden nebitiň bahalary ýene-de ýokarlanýar diýip, daşary ýurt habar beriş serişdeleri ýazýar.
Interfaks agentliginiň habar bermegine görä, Brent nebitiniň oktýabrdaky fýuçersleriniň bahasy Londonyň ICE Futures biržasynda deslapky gündäkiden 0,79% ýokarlanyp, 100,12 dollara deň boldy. Penşenbe güni söwdalaşyklaryň netijesi boýunça bahalar 1,9% aşaklap, 99,34 dollara deň boldy.
WTI nebitiniň oktýabrdaky fýuçersleriniň bahasy Nýu-Ýorkuň haryt biržasynda 0,82% ýokarlanyp, 93,28 dollara deň boldy. Öňküsi gün bahalar 2,5% aşaklap, 92,52 dollara düşdi.
«Nebit treýderleri bary-ýogy iki zatda ünsüni jemleýär. Bu Eýran boýunça ýadro ylalaşygyny baglaşmak mümkinçiligi (ol bazara eýran nebitini dolap getirmäge mümkinçilik berer) we has wajyby OPEC ýurtlarynda nebit çykarylyşy — diýip, AvaTrade-iň uly bazar analitigi Naim Aslan belledi.
«Bazarda Eýran bilen ylalaşygyň baglaşylmak mümkinçiligi has ýokary diýen myş-myşlar bar, çünki ýurt käbir wajyp talaplaryndan el çekdi — diýip ol belledi. — ABŞ-nyň we onuň Ýewropadaky tarapdarlarynyň bu babatdaky garaýyşlary oňyn».
Şol bir wagtda OPEC-iň iri nebit öndürijisi bolan Saud Arabystany gurama tarapyndan nebit çykarylyşyny çäklendirmek hakynda gürrüň edip başlady diýip, bilermen belledi. «Bu bazara eýran nebitiniň dolanmagynyň isleg bilen teklibiň deňagramlylygyny bozup biler diýen howatyrlanmany köşeşdirmäge mümkinçilik berer» diýip Aslan belledi.
OPEC+-yň indiki mejlisi 5-nji sentýabrda geçiriler.
Birža söwdalarynda dizel ýangyjyny we suwuklandyrylan gazy eksport etmek boýunça geleşikler baglaşyldy
Türkmenistanyň Döwlet haryt çig mal biržasynyň söwdalarynda 30-njy awgustda umumy bahasy ABŞ-nyň 17,7 mln dollaryna ýa-da 1,6 mln türkmen manadyna barabar bolan 13 sany geleşik baglaşyldy diýip, ORIENT habar berýär.
Hyzmatdaşlygymyzyň mundan beýläk-de giňeldilmegi Russiýanyň we Türkmenistanyň bähbitlerine doly laýyk gelýär – Mihail Mişustin
Russiýa Federasiýasynyň Hökümetiniň Başlygy Mihail Mişustin hyzmatdaşlygyň mundan beýläk-de giňeldilmeginiň Russiýanyň we Türkmenistanyň bähbitlerine doly laýyk gelýändigine berk ynanýandygyny beýan etdi. Bu barada ol Nowruz baýramy mynasybetli Prezident Serdar Berdimuhamedowa iberen gutlagynda belleýär.
Bilermen ÝB-de gazyň bahalarynyň aňry çäginiň girizilmegine mümkin bolan jogaby barada aýtdy
Ýewropada rus gazynyň bahasyna aňry çägiň girizilmegi beýleki iberijiler tarapyndan ýaramaz kabul edilip bilner, olar geljekde, ýagny baha çägi girizilende ibermeleriniň bahalaryny aşaklatmak islemeseler gerek diýip, Vygon Consulting kompaniýasynyň barlaglar boýunça direktory Mariýa Belowa Ria Nowosti agentligine gürrüň berdi.
“Ýewropa Bileleşigi — Merkezi Aziýa” ministrler duşuşygynda köpugurly hyzmatdaşlygyň geljegi maslahatlaşyldy
27-nji martda Aşgabat şäherinde geçirilen “Merkezi Aziýa – Ýewropa Bileleşigi” 20-nji ministrler duşuşygynda syýasy-diplomatik, söwda-ykdysady we medeni-ynsanperwer ugurlarda köptaraplaýyn hyzmatdaşlyga degişli meseleleriň giň toplumy ara alnyp maslahatlaşyldy diýip, Türkmenistanyň DIM-nde habar berdiler.
«Gazprom» 150 atmosfera basyşly gaz ulag ulgamyny döretmegi karar etdi
«Gazprom» işçi basyşy 150 atmosfera (14,8 Mpa) bolan gaz ulag ulgamyny döretmek hakynda karar kabul etdi. Anna güni Interfaks agentliginiň habar bermegine görä, bu barada Tatarystan nebitgazhimiýa forumynyň barşynda «Gazpromyň» iberijileriniň gününde kompaniýanyň başlygynyň orunbasary Oleg Aksýutin belledi.