Türkmenistan eksport ugurly polimer önümleriniň önümçiligini artdyrýar
19:44 27.08.2020 12852
Türkmenistanyň Statistika baradaky döwlet komitetiniň maglumatlaryna görä, 2020-nji ýylyň ýanwar-iýul aýlarynda ýurdumyz boýunça polipropilen önümçiligi geçen ýylyň degişli döwri bilen deňeşdirilende 40,5%, polietilen – 140% ýokarlandy. Şol bir wagtda öndürilen polipropileniň fiziki göwrümi 71,1 müň tonna, poietilen bolsa 137,4 müň tonna deň boldy.
Bu hili depginli ösüş Balkan welaýatynda Gyýanly şäherçesindäki sebitiň iri gazhimiýa toplumynyň doly önümçilik kuwwatyna çykmagy bilen şertlenendir.
Gyýanly şäherçesinde Gazhimiýa toplumynyň gurluşygy «Türkmengaz» döwlet konserniniň «Hyundai Engineering Go.Ltd», «LG International Corp» (Koreýa respublikasy) we «Toyo Engineering Corp» (Ýaponiýa) kompaniýalarynyň konsorsiumy bilen şertnamasynyň esasynda amala aşyryldy.
Önümçilik kuwwaty ýylda 381 müň tonna polietilene we 81 müň tonna polipropilene barabar bolan kärhana 2018-nji ýylyň oktýabrynda ulanyşa girizildi.
Bu taslama Ýewropanyň we Ýewraziýanyň eksport-kredit edaralary tarapyndan maliýeleşdirilýän 2014-nji ýylyň iň gowy taslamalarynyň onusyndan biri hökmünde «TXF» (Beýik Britaniýa) guramasynyň ýörite baýragyna mynasyp boldy.
Gyýanly GHT-nyň netijeli işi Türkmenistanda eksport ugurly önümiň önümçiliginiň durnukly ösüşini üpjün eder.
Türkmenistan Owganystana nobatdaky ynsanperwerlik kömegini iberdi
11-nji sentýabrda türkmen-owgan serhedinde Arkadagyň ak ýoly bilen Serhetabat — Hyrat gaz geçirijisiniň, elektrik, ulag we aragatnaşyk ulgamlarynyň gurluşygyna badalga berilmegi mynasybetli Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň hasabyna goňşy Owganystana ynsanperwerlik kömegi iberildi.
Ýewropanyň täzeleniş we ösüş banky Derwezedäki gaz kraterini söndürmekde Türkmenistana ýardam etmegi teklip etdi
Ýewropanyň täzeleniş we ösüş banky Türkmenistana Derwezede ýanyp duran gaz kraterinden gaz zyňyndylarynyň meselesini çözmäge öz ýardamyny teklip etdi.
Türkmenistan Hazarda ekologiýa howpsuzlygy boýunça Hazarýaka döwletleriniň ýolbaşçylarynyň ýörite sammitini geçirmegi teklip etdi
Türkmenistanyň ýolbaşçylygy derwaýys meseleleri ara alyp maslahatlaşmak we Hazarda ekologiýa howpsuzlygyny üpjün etmek boýunça işleri güýçlendirmek maksady bilen, Hazarýaka döwletleriniň ýolbaşçylarynyň ýörite sammitini geçirmek baradaky başlangyjy beýan etdi.
ABŞ-nyň Energetika ministrligi 2022-2023-ni ýyllar üçin nebitiň bahalary boýunça çaklamasyny ýokarlandyrdy
ABŞ-nyň Energetika ministrligi 2022-nji ýylda Brent nebitiniň bahasy boýunça çaklamasyny barreli üçin 82,87 dollara çenli artdyryp, 105,22 dollar diýip çaklady. Muňa Edaranyň energetiki maglumatlar müdirliginiň her aýlyk çaklamalary şaýatlyk edýär. Muny Interfaks ýetirýär.
Russiýanyň, Gazagystanyň we Özbegistanyň «üçtaraplaýyn gaz birleşigi» boýunça beýanaty Türkmenistanda soraglary döredýär
Russiýa Federasiýasynyň DIM-niň wekiliniň Russiýanyň, Gazagystanyň we Özbegistanyň «üçtaraplaýyn gaz birleşigi» boýunça beýanaty türkmen tarapynda birnäçe soraglary döredýär. Bu barada «Türkmengaz» döwlet konserniniň başlygynyň orunbasary Myrat Arçaýew Türkmenistanyň Döwlet habarlar agentligine beren teswirinde aýdylýar. Ol şenbe güni neşir edildi.