Türkmenistanda ýurt Garaşsyzlygynyň 31 ýyllygy dabaraly bellenildi
19:57 28.09.2022 7934
![https://oilgas.gov.tm/storage/posts/5624/original-16333f0f436616.jpeg](https://oilgas.gov.tm/storage/posts/5624/original-16333f0f436616.jpeg)
Türkmenistanda ýurt Garaşsyzlygynyň 31 ýyllygy baýramçylyk dabaralaryna beslenilip bellenildi.
Irden Garaşsyzlyk binasyna gül goýmak dabarasy geçirildi. Dabara Prezident Serdar Berdimuhamedow, Hökümet agzalary, Milli Geňeşiň Halk Maslahatynyň we Mejlisiniň, harby we hukuk goraýjy edaralaryň ýolbaşçylarydyr wekilleri, ministrlikleriň, pudaklaýyn dolandyryş edaralarynyň ýolbaşçylary, welaýatlaryň, Aşgabat şäheriniň häkimleri, jemgyýetçilik guramalarynyň, ýurdumyzda işleýän diplomatik wekilhanalaryň hem-de halkara guramalaryň ýolbaşçylary gatnaşdy.
Soňra Döwlet münberiniň öňündäki meýdançada dabaraly harby ýöriş we ýurdumyzyň halk hojalyk toplumynyň dürli pudaklarynyň ýeten sepgitlerini we gazanan üstünliklerini açyp görkezýän awtoulaglaryň toparlary geçdi. Dabara göni ýaýlymda milli teleýaýlymlaryň ählisinde görkezildi.
![](https://oilgas.gov.tm/storage/posts/lrbuiBn1Bs6cwlAfwpvEMeV2JeDh55NCadfkvJNG0CshEHCdDXK83qzECZrg.png)
Dabara harby ýöriş bilen başlanyp, ony baýdakçylar topary açdy; olar Döwlet münberiniň öňünden Türkmenistanyň Döwlet baýdagyny hem-de ýurdumyzyň Ýaragly Güýçleriniň ähli görnüşleriniň söweşjeň baýdaklaryny ellerinde tutup geçip, harby gullukçylaryň dabaraly ýöriş bilen geçmeginiň başyny başladylar. Şeýle hem meýdançada gurnalan uly ekranlarda şol bir wagtda Türkmenistanyň Balkan welaýatynda geçirilen harby-deňiz ýörişi görkezildi. Soňra milli goşunyň ýaraglanyş düzüminde duran iň täze harby tehniklarynyň görkezilişi boldy hem-de howa ýüzünde dürli kysymly uçarlaryň uçuşy görkezildi.
Çäre döredijilik toparlarynyň çykyşlary we Garaşsyzlyk ýyllarynda Türkmenistranyň halk hojalyk toplumynda gazanylan üstünlikleriň görkezilmegi bilen dowam etdi.
Şeýle hem ýurdumyzyň baş baýramçylygy mynasybetli dürli maksatly desgalary ulanyşa girizmek dabaralary hem geçirildi.
Prezident Serdar Berdimuhamedow türkmenistanlylara baýramçylyk gutlagynda bellenilişi ýaly, «Eziz Watanymyzyň Garaşsyzlygy bagtyýar we abadan durmuşymyzyň binýadydyr. Garaşsyzlygymyzyň 31 ýylynyň içinde gazanylan ajaýyp ýeňişler, ýetilen belent sepgitler mähriban halkymyzyň watansöýüjiligi, agzybirligi, jebisligi, halal we tutanýerli zähmeti bilen aýrylmaz baglanyşyklydyr».
Baýramçylyk gutlagynda Serdar Berdimuhamedowyň şeýle hem belleýşi ýaly, «Garaşsyzlyk ýyllary içinde syýasy, ykdysady, medeni hem-de durmuş ugurlary boýunça ägirt uly ösüşler gazanylyp, Türkmenistan kuwwatly ykdysadyýeti, kämil durmuş ulgamy bolan, çalt depginler bilen ösýän, dünýä bileleşiginde uly abraýa eýe bolan döwlete öwrüldi».
![162f9e70ec400d.jpeg](https://oilgas.gov.tm/storage/posts/5298/large-162f9e70ec400d.jpeg)
«Awazada» deňze çykalgasy bolmadyk ösüp barýan döwletleriň ulag boýunça maslahaty öz işine başlady
15-nji awgustda irden «Awaza» milli syýahatçylyk zolagynyň Kongressler merkezinde deňze çykalgasy bolmadyk ösüp barýan döwletleriň ulag ministrleriniň derejesindäki halkara maslahaty öz işine başlady.
![162f5f51979269.jpeg](https://oilgas.gov.tm/storage/posts/5284/large-162f5f51979269.jpeg)
Ýewropada gazyň spotlaýyn bahasy müň kub metrine 2300 dollardan geçdi
Ýewropada gazyň spotlaýyn bahasy müň kub metrine 2300 dollardan geçdi. ICE Futures biržasynda TTF üçin golaýdaky fýuçersiň bahasy penşenbe güni irden müň kub metri üçin 2311 dollara ýetdi, şol bir wagtyň özünde söwdalaşyklar 2200 dollardan başlandy diýip, Interfaks habar berýär.
![162f5f12236c73.jpeg](https://oilgas.gov.tm/storage/posts/5285/large-162f5f12236c73.jpeg)
Brend nebiti 99,11 dollara çenli arzanlady
Deslapky günüň söwdalaşyklarynda ynamly ösüşden soň, anna güni söwdalaryň barşynda nebitiň bahalary aşaklaýar diýip, Interfaks habar berýär.
![162f9ec9450f7f.jpeg](https://oilgas.gov.tm/storage/posts/5297/large-162f9ec9450f7f.jpeg)
Hökümetiň göçme mejlisinde Türkmenistanyň nebitgaz toplumynyň ýanwar-iýul aýy boýunça işleriniň netijeleri jemlendi
Geçen anna güni, 12-nji awgustda Hazar deňziniň kenarynda zähmet rugsadynda bolýan Prezidenti Serdar Berdimuhamedow Ministrler Kabinetiniň göçme mejlisini geçirdi. Onda ýurdumyzda şu ýylyň ýedi aýynda alnyp barlan işleriň jemi jemlenildi hem-de käbir meselelere garaldy. Mejlisiň barşynda wise-premýer Ş.Abdrahmanow gözegçilik edýän pudaklarynda şu ýylyň ýanwar — iýul aýlarynda alnyp barlan işleriň netijeleri barada hasabat berdi.
![162fb603fda7dd.jpeg](https://oilgas.gov.tm/storage/posts/5311/large-162fb603fda7dd.jpeg)
Türkmenistanyň Prezidenti: geljek ulag gatnaşyklarynyň utgaşdyrylan ulgamynda
Geljek ulag gatnaşyklarynyň utgaşdyrylan ulgamynda. Bu barada Prezident Serdar Berdimuhamedow «Awaza» milli syýahatçylyk zolagynda geçirilýän deňze çykalgasy bolmadyk ösüp barýan döwletleriň ulag ministrleriniň derejesindäki halkara maslahatda eden çykyşynda belledi.