«Türkmenistanyň nebiti we gazy — 2022» sergisi: innowasiýalar we hyzmatdaşlyk
17:20 12.10.2022 12857
26-njy oktýabrda «Türkmenistanyň nebiti we gazy» diňe bir XXVII Halkara maslahaty däl, eýsem, üç günlük adybir Halkara sergisi hem geçiriler diýip, forumyň guramaçylary habar berýär.
«Türkmengaz» we «Türkmennebit» döwlet konsernleri, şeýle hem Türkmenistanyň Söwda-senagat edarasy tarapyndan «Turkmen Forum» HJ bilen hyzmatdaşlykda guraljak görkeziliş türkmen we nebitgaz pudagynyň iň gowy gazananlary, uglewodorodlar ulgamynyň ösüşi boýunça täze ideýalar, nebiti çykarmak we energiýa geçirijileri ugratmak ulgamynda innowasion tehnologiýalar, uglewodorod çig malyny saklamagyň üpjünçilik ulgamy, serwis hyzmatlary, şeýle hem Merkezi Aziýa sebitinde häzirki we geljekki nebitgaz taslamalary bilen tanyşdyrar.
«Türkmenistanyň nebiti we gazy» XXVII Halkara sergisiniň baş maksatlarynyň biri hem, milli we halkara nebit kompaniýalarynyň arasynda hyzmatdaşlygy giňeltmek bolup durýar. Mundan başga-da, görkeziliş häzirki zaman tapgyrynda nebitgaz ulgamynda özara bähbitli hyzmatdaşlygy ň ösüp barýan ornuny nygtamaga gönükdirilendir.
40-dan gowrak daşary ýurt we türkmen kompaniýalary sergä gatnaşar. Dragon Oil, Petronas, CNPC, TATNEFT, ENI, Schlumberger we beýleki dünýä belli nebit kompaniýalary Türkmenistanyň nebiti, gazy, energetikasy we nebithimiýasy ulgamynda täze maýa goýum taslamalary hakynda habarlylygyny artdyrmak maksady bilen diwarlyklaryny hödürlärler.
Serginiň tapawutly aýratynlyklarynyň biri — Dubaý-Aşgabat-Dubaý çarter uçuşynyň guralmagy, şeýle hem gatnaşyjylaryň wiza goldawy bolup durýar.
Maslahatyň we serginiň dowamynda Aşgabat şäheriniň belli ýerleri boýunça syýahat we golf-klubunda oýun guralar, şeýle hem Türkmenistanyň nebitgaz toplumynyň ýolbaşçylary bilen duşuşyklar we B2B guralar. Duşuşyklar onlaýn görnüşde bolşy ýaly, däp bolan görnüşde hem guralar.
«Türkmenistanyň nebiti we gazy» XXVII Halkara sergisiniň innowasiýalarynyň ýene-de biri — oňa gatnaşyjylaryň özlerini tebigy serişdeleriniň çykarýan operatoryň rolunda goýup görüp, nebit guýusynyň burawlanylyşyna hem-de tebigy gazyň käniniň öwrenilişine wirtual hakykat tehnologiýalarynyň kömegi bilen syn edip bilmek mümkinçiligidir.
Sergi barada goşmaça maglumat almak üçin onuň resmi saýtyna http://expo.ogt-turkmenistan.com/ru ýa-da batyr.d@turkmen-forum.com/tilla.bozaganova@turkmen-forum.com salgysy boýunça ýüz tutup bilersiňiz.
Türkmenistanyň wekiliýeti Seulda ýangyç-energetika, ulag we beýleki ulgamlarda hyzmatdaşlygyň geljegini maslahatlaşýar
Türkmenistanyň Ministrler Kabinetiniň Başlygynyň Orunbasary B.Annamämmedowyň ýolbaşçylygyndaky resmi wekiliýet Koreýa Respublikasynda iş saparynda bolýar. Bu barada Türkmenistanyň DIM-i habar berdi.
Türkmenistanda nebitiň çykarylyşyny artdyrmak boýunça çäreler durmuşa geçirilýär
Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda ýurdumyzy durmuş-ykdysady taýdan ösdürmegiň meselelerine we käbir resminamalaryň taslamalaryna garaldy.
Türkmenistan maý aýynda Hytaýa gaz ibermelerini artdyrdy
Şu ýylyň maý aýynda Türkmenistan Hytaýa 2,73 mlrd kub metr tebigy gaz eksport etdi. bu 2022-nji ýylyň degişli döwri bilen deňeşdirilende 5% artykdyr. Bu barada Interfaks HHR-iň Gümrük gullugyna salgylanyp habar berýär.
Seýdiniň NGIZ-de ýarym ýylda 227 müň tonna çig mal gaýtadan işlenildi
Seýdiniň nebiti gaýtadan işleýän zawodynda 2023-nji ýylyň başky alty aýynda 227,4 müň tonnadan gowrak çig mal gaýtadan işlenildi. Şol bir wagtda önümçilik meýilnamasy 105,6% ýerine ýetirildi.
Serdar Berdimuhamedow Türkmenistanda Merkezi Aziýanyň we Aýlag ýurtlarynyň maýa goýum forumyny geçirmegi teklip etdi
Prezident Serdar Berdimuhamedow Jidde şäherinde geçirilen «Merkezi Aziýa – Aýlagdaky arap döwletleriniň hyzmatdaşlyk geňeşi» görnüşindäki Sammitinde eden çykyşynda 2024-nji ýylda Türkmenistanda Merkezi Aziýanyň we Aýlag Hyzmatdaşlyk Geňeşiniň ýurtlarynyň Birinji maýa goýum forumyny geçirmegi teklip etdi diýip, TDH agentligi habar berýär.