Türkmenistanyň we Özbegistanyň Prezidentleri Aşgabatda ikitaraplaýyn hyzmatdaşlygy ösdürmegiň mümkinçiliklerini maslahatlaşarlar
15:12 20.10.2022 9854
Türkmenistanyň Prezidenti Serdar Berdimuhamedowyň çakylygy boýunça, Özbegistanyň Prezidenti Şawkat Mirziýoýew 2021-nji oktýabrda ýurdumyza resmi sapar bilen geler.
16-njy oktýabrda geçirilen Türkmenistanyň Hökümet mejlisiniň barşynda habar berlişi ýaly, özbek tarapy bilen bilelikde saparyň Maksatnamasynyň taslamasy taýýarlanyldy, onuňbarşynda ikitaraplaýyn resminamalaryň toplumyna gol çekmek meýilleşdirilýär.
Serdar Berdimuhamedowyň belleýşi ýaly, ikitaraplaýyn görnüşde netijeli hyzmatdaşlygy ösdürmek bilen, Türkmenistan we Özbegistan köptaraplaýyn esasda hem, BMG-niň we beýleki abraýly halkara, sebitleýin guramalaryň çäklerinde netijeli gatnaşyk edip, birek-birege özara goldaw berýärler.
Döwlet Baştutany wise-premýere, DIM-niň ýolbaşçysyna Özbegistan Respublikasynyň Prezidentiniň ýurdumyza boljak resmi saparynyň hem-de onuň çäklerinde meýilleşdirilen çäreleriň ýokary guramaçylyk derejesini üpjün etmegi tabşyryp, nobatdaky gepleşikleriň möhümdigini, onuň strategik häsiýete eýe bolan özara bähbitli türkmen-özbek hyzmatdaşlygyny mundan beýläk-de ösdürmäge täze itergi bermäge gönükdirilendigini belledi.
Ýokary derejede geçiriljek gepleşikleriň çäklerinde täze tapgyrda özbek-türkmen strategik gatnaşyklaryny çuňlaşdyrmak, özara haryt dolanyşygyny artdyrmak, senagatda, energetika we himiýa ulgamynda, oba hojalygynda, ulag we logistika ulgamlarynda hyzmatdaşlygy giňeltmek, medeni-ynsanperwer aragatnaşyklaryny dowam etmek diýlip Özbegistanyň Prezidentiniň saýtyna bellenilýär.
Saparyň barşynda şeýle hem Aşgabatda «Daşkent» seýilgähiniň açylyş dabarasy hem-de Serhetara söwda merkeziniň gurluşygy boýunça taslama badalga bermek göz öňünde tutulýar.
Türkmenistanyň wekiliýeti Seulda ýangyç-energetika, ulag we beýleki ulgamlarda hyzmatdaşlygyň geljegini maslahatlaşýar
Türkmenistanyň Ministrler Kabinetiniň Başlygynyň Orunbasary B.Annamämmedowyň ýolbaşçylygyndaky resmi wekiliýet Koreýa Respublikasynda iş saparynda bolýar. Bu barada Türkmenistanyň DIM-i habar berdi.
Türkmenistanda nebitiň çykarylyşyny artdyrmak boýunça çäreler durmuşa geçirilýär
Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda ýurdumyzy durmuş-ykdysady taýdan ösdürmegiň meselelerine we käbir resminamalaryň taslamalaryna garaldy.
Türkmenistan maý aýynda Hytaýa gaz ibermelerini artdyrdy
Şu ýylyň maý aýynda Türkmenistan Hytaýa 2,73 mlrd kub metr tebigy gaz eksport etdi. bu 2022-nji ýylyň degişli döwri bilen deňeşdirilende 5% artykdyr. Bu barada Interfaks HHR-iň Gümrük gullugyna salgylanyp habar berýär.
Seýdiniň NGIZ-de ýarym ýylda 227 müň tonna çig mal gaýtadan işlenildi
Seýdiniň nebiti gaýtadan işleýän zawodynda 2023-nji ýylyň başky alty aýynda 227,4 müň tonnadan gowrak çig mal gaýtadan işlenildi. Şol bir wagtda önümçilik meýilnamasy 105,6% ýerine ýetirildi.
Serdar Berdimuhamedow Türkmenistanda Merkezi Aziýanyň we Aýlag ýurtlarynyň maýa goýum forumyny geçirmegi teklip etdi
Prezident Serdar Berdimuhamedow Jidde şäherinde geçirilen «Merkezi Aziýa – Aýlagdaky arap döwletleriniň hyzmatdaşlyk geňeşi» görnüşindäki Sammitinde eden çykyşynda 2024-nji ýylda Türkmenistanda Merkezi Aziýanyň we Aýlag Hyzmatdaşlyk Geňeşiniň ýurtlarynyň Birinji maýa goýum forumyny geçirmegi teklip etdi diýip, TDH agentligi habar berýär.