HEA: dünýäde nebiti we gazy çykarmakda zyňyndylaryň azaldylmagy üçin 600 mlrd amerikan dollary gerek bolar
13:22 16.05.2023 8020
Halkara energetika agentliginiň (HEA) analitikleriniň bahalandyrmagyna görä, dünýä nebitiň we gazyň çykarylyşynda zyňyndylaryň iki esse azaldylamgy 600 mlrd dollar möçberde maýa goýumlaryny talap edýär.
HEA-nyň hasaplamalaryna görä, 2022-nji ýylda nebitgaz kompaniýalarynyň işi kömürturşy gazyna (CO2) barabar bolan 5,1 mlrd tonna zyňyndylaryň zyňylmagyna getirdi. Energetika bilen bagly global zyňyndylar 40 gigatonna barabar. Şeýlelikde, nebitgaz senagaty energetika CO2 zyňyndylarynyň 15%-ine diýen ýaly jogapkär.
HEA-nyň hünärmenleri 2030-njy ýyla çenli zyňyndylaryň çäklendirilmeginiň bäş ugruny hödürleýärler. Şolaryň ileri tutulýany planetada howanyň temperaturasynyň ýokarlanmagynyň esasy sebäbi bolan metanyň zyňyndylaryny azaltmak. Şeýle hem fakellerde ugurdaş gazlaryň ýandyrylmagy çäklendirilmeli, Ony alternatiw usullarda ulanmak — sarp edijilere ýetirmek, plast basyşyny saklamak üçin gaýtadan ýüklemek, şeýle hem suwuklandyrylan gaza özgertmek we elektrik energiýasyny işläp taýýarlamak üçin ulanmak teklip edilýär.
Mundan başga-da, HEA-nyň analitikleri känleri we ugurdaş infrastrukturalary merkezleşdirilen energiýa netijeli toruň we energiýanyň dikeldilýän çeşmeleriniň hasabyna elektrikleşdirmegi, nebiti gaýtadan işleýän zawodlarda pes zyňyndy derejeli wodorodyň ulanylyşyny giňeltmegi, nebitgaz önümçiligini uglewodorodlary toplamak, utilizasiýa etmek we saklamak bilen enjamlaşdyrmagy teklip edýärler.
Ýaşaýyş-durmuş şertlerini üpjün etmekde «ýaşyl» energiýanyň orny
Adamzadyň aňy ösdügiçe, islegler artyp, öz döwrüne görä talaplar täze görnüşde ýüze çykýar. Dünýäni herekete getirýän güýç energetika hasaplanýar. Energiýanyň bolsa häzirki zamanda dürli çeşmeleri bar. Bu babatda Türkmenistanyň ýangyç-energetika toplumy aýratyn wajyplyga eýedir.
Owganystanda Amyderýa basseýninde nebit çykarylyp başlandy
Owgan nebitçileri Amyderýanyň basseýninde ýerleşen kände nebit çykaryp başladylar diýip, owgan habar beriş serişdeleri habar berýär.
Türkmenistanyň Prezidenti wezipesine dalaşgärleri hödürlemek we bellige almak dowam edýär
Geçen şenbe güni Türkmenistanda Saýlawlary we sala salşyklary geçirmek boýunça merkezi toparyň ýolbaşçysynyň hem-de agzalarynyň, köpçülikleýin habar beriş serişdeleriniň wekilleriniň gatnaşmagynda toparyň nobatdaky mejlisinde Türkmenistanyň Prezidenti wezipesine raýatlaryň teklipçi toparlary tarapyndan hödürlenen dalaşgärleri bellige almak meselesi girizildi.
Türkmenistanda nebiti gaýtadan işleýän senagaty ösdürmegiň Konseptual strategiýasynyň tehniki-ykdysady esaslandyrmasy işlenip düzülýär
Türkmenistanyň Prezidenti Gurbanguly Berdimuhamedowyň geçen anna güni geçiren giňişleýin Hökümet mejlisinde Ministrler Kabinetiniň Başlygynyň orunbasary Ş.Abdrahmanow ýangyç-energetika toplumyndaky işleriň ýagdaýy hem-de nebiti gaýtadan işleýän senagaty kämilleşdirmek boýunça alnyp barylýan işler we ugurdaş, uzak möhletli iş meýilnamalarynyň taýýarlanylyşy barada hasabat berdi.
Gurbanguly Berdimuhamedow yslam döwletlerini Ýewraziýa yklymyny baglanyşdyrýan bitewi energetika, ulag we tehnologik guşagyny döretmäge çagyrdy
Türkmenistanyň Halk Maslahatynyň Başlygy Gurbanguly Berdimuhamedow “Russiýa — Yslam dünýäsi: KazanForum 2025” XVI halkara ykdysady forumynda eden çykyşynda Ýewraziýa yklymyny baglanyşdyrýan bitewi energetika, ulag we tehnologik guşagyny döretmäge çagyrdy. Gahryman Arkadagymyzyň çykyşy merkezi neşirlerde çap edildi.