«Galkynyş» känindäki täze guýudan gazyň senagat akymy alyndy
06:32 08.06.2023 8458
«Galkynyş» käninde 4 müň 665 metr çuňlukda burawlanan № 271 täze ulanyş gaz guýusyndan tebigy gazyň senagat akymy alyndy. «Türkmengaz» döwlet konserniniň «Türkmengazburawlaýyş» müdirliginiň gazçylary üstünlikli buraw işlerini geçirdiler.
Tebigy gaz akymy 4518-den 4333 metre çenli aralykda alyndy, plastyň umumy uzynlygy 105 metre barabar boldy.
— Buraw işleriniň üstünlikli geçirilmeginde, gurluşygyň öz wagtynda tamamlanmagynda we täze guýynyň ulanyşa girizilmeginde döwlet tarapyndan satyn alynýan öňdebaryjy tehnikalara, ýokary hilli tehnologiki enjamlara möhüm orun degişlidir. Bu enjamlaryň bolmagy ýerine ýetirilýän işleriň hilini, guýularyň uzak wagtlap ulanylmagyny şertlendirýär — diýip, «Türkmengazburawlaýyş» müdirliginiň baş geology Muhammet Saparmyradow aýtdy.
Baş geologyň bellemegine görä, bu gaz guýusyny burawlamakda we gurmakda Ýaponiýanyň «Sumitomo» kompaniýasynyň sorujy-kompressor turbalary, fontan armaturalary, kolonnalaryň ýokary bölekleri ulanyldy. Bu enjamlar «Galkynyş» gaz käniniň geologiýa-tehnologiýa häsiýetnamalaryna laýyk gelýär.
Häzirki wagtda müdirligiň gazçylary «Galkynyş» käniniň çäginde ýerleşen beýleki gaz guýularynda hem buraw işlerini geçirýärler.
Ýaşaýyş-durmuş şertlerini üpjün etmekde «ýaşyl» energiýanyň orny
Adamzadyň aňy ösdügiçe, islegler artyp, öz döwrüne görä talaplar täze görnüşde ýüze çykýar. Dünýäni herekete getirýän güýç energetika hasaplanýar. Energiýanyň bolsa häzirki zamanda dürli çeşmeleri bar. Bu babatda Türkmenistanyň ýangyç-energetika toplumy aýratyn wajyplyga eýedir.
Owganystanda Amyderýa basseýninde nebit çykarylyp başlandy
Owgan nebitçileri Amyderýanyň basseýninde ýerleşen kände nebit çykaryp başladylar diýip, owgan habar beriş serişdeleri habar berýär.
Türkmenistanyň Prezidenti wezipesine dalaşgärleri hödürlemek we bellige almak dowam edýär
Geçen şenbe güni Türkmenistanda Saýlawlary we sala salşyklary geçirmek boýunça merkezi toparyň ýolbaşçysynyň hem-de agzalarynyň, köpçülikleýin habar beriş serişdeleriniň wekilleriniň gatnaşmagynda toparyň nobatdaky mejlisinde Türkmenistanyň Prezidenti wezipesine raýatlaryň teklipçi toparlary tarapyndan hödürlenen dalaşgärleri bellige almak meselesi girizildi.
Türkmenistanda nebiti gaýtadan işleýän senagaty ösdürmegiň Konseptual strategiýasynyň tehniki-ykdysady esaslandyrmasy işlenip düzülýär
Türkmenistanyň Prezidenti Gurbanguly Berdimuhamedowyň geçen anna güni geçiren giňişleýin Hökümet mejlisinde Ministrler Kabinetiniň Başlygynyň orunbasary Ş.Abdrahmanow ýangyç-energetika toplumyndaky işleriň ýagdaýy hem-de nebiti gaýtadan işleýän senagaty kämilleşdirmek boýunça alnyp barylýan işler we ugurdaş, uzak möhletli iş meýilnamalarynyň taýýarlanylyşy barada hasabat berdi.
Gurbanguly Berdimuhamedow yslam döwletlerini Ýewraziýa yklymyny baglanyşdyrýan bitewi energetika, ulag we tehnologik guşagyny döretmäge çagyrdy
Türkmenistanyň Halk Maslahatynyň Başlygy Gurbanguly Berdimuhamedow “Russiýa — Yslam dünýäsi: KazanForum 2025” XVI halkara ykdysady forumynda eden çykyşynda Ýewraziýa yklymyny baglanyşdyrýan bitewi energetika, ulag we tehnologik guşagyny döretmäge çagyrdy. Gahryman Arkadagymyzyň çykyşy merkezi neşirlerde çap edildi.