OPEK-iň baş sekretary: gurama täze gatnaşyjylar üçin açyk
05:16 08.07.2023 4832
OPEK giňelmäge şat, hemmeler üçin açyk diýip, guramanyň baş sekretary Haýsam Al-Gaýs žurnalistlere habar berdi. Bu barada Interfaks habar berýär.
«Men Malaýziýa, Meksika, Bruneýe, Azerbaýjana baryp gördüm, emma men olary OPEK-iň agzasy bolmaga çagyrmadym. OPEK+ bu formal däl gurama, ol hyzmatdaşlyk hakynda bileleşik we OPEK+ — yň agzalary bolan Russiýa, Azerbaýjan, Gazagystan formal taýdan OPEK-e girmeýär, ýöne özlerini OPEK-iň agzasy ýaly duýýar» - diýip ol aýtdy.
Al-Gaýs käbir ýurtlaryň OPEK-e girmek barada karar kabul etmekde ABŞ-da hemişe ara alnyp maslahatlaşylýan kanunçylyk bolan NOPEC-iň (No Oil Producing and Exporting Cartels Act) astyna düşmekden howatyrlanýarlar. Bu kanun amerikan hökümetine OPEK-iň agzalaryna garşy monopoliýa garşy kazyýet dawasyny açmaga mümkinçilik berýär.
Sarp edijiler bilen dialogy giňeltmegi teswirlemek bilen, Al-Gaýs Hytaý bilen Hindistana barandygyny aýtdy, şeýle hem ol ÝB bilen hemişe dialogy saklaýar.
5-nji iýulda OPEK-iň seminarynda BAE-niň energetika ministri Suheýl Al-Mazrui guramanyň agza ýurtlarynyň sanyny artdyrmaga şat boljakdygyny beýan etdi. Ol şeýle hem sarp edijiler bilen öndürijileriň birleşmeginiň bazar barada çaklamasyny has takyklajakdygyny aýtdy.
2023-nji ýylda OPEK maslahatynyň prezidenti — Ekwatorial Gwineýanyň dag magdan senagaty we uglewodorodlar ministri Antonio Ondo OPEK-iň agzalarynyň sanynyň artmagy bazara aýdyňlyk hem durnuklylyk berjekdigini aýtdy.
Häzir OPEK-e Alžir, Angola, Wenesuela, Gabon, Yrak, Eýran, Kongo, Kuweýt, Liwiýa, Birleşen Arap Emirlikleri, Nigeriýa, Saud Arabystany, Ekwatorial Gwineýasy girýär.
Ýaşaýyş-durmuş şertlerini üpjün etmekde «ýaşyl» energiýanyň orny
Adamzadyň aňy ösdügiçe, islegler artyp, öz döwrüne görä talaplar täze görnüşde ýüze çykýar. Dünýäni herekete getirýän güýç energetika hasaplanýar. Energiýanyň bolsa häzirki zamanda dürli çeşmeleri bar. Bu babatda Türkmenistanyň ýangyç-energetika toplumy aýratyn wajyplyga eýedir.
Owganystanda Amyderýa basseýninde nebit çykarylyp başlandy
Owgan nebitçileri Amyderýanyň basseýninde ýerleşen kände nebit çykaryp başladylar diýip, owgan habar beriş serişdeleri habar berýär.
Türkmenistanyň Prezidenti wezipesine dalaşgärleri hödürlemek we bellige almak dowam edýär
Geçen şenbe güni Türkmenistanda Saýlawlary we sala salşyklary geçirmek boýunça merkezi toparyň ýolbaşçysynyň hem-de agzalarynyň, köpçülikleýin habar beriş serişdeleriniň wekilleriniň gatnaşmagynda toparyň nobatdaky mejlisinde Türkmenistanyň Prezidenti wezipesine raýatlaryň teklipçi toparlary tarapyndan hödürlenen dalaşgärleri bellige almak meselesi girizildi.
Türkmenistanda nebiti gaýtadan işleýän senagaty ösdürmegiň Konseptual strategiýasynyň tehniki-ykdysady esaslandyrmasy işlenip düzülýär
Türkmenistanyň Prezidenti Gurbanguly Berdimuhamedowyň geçen anna güni geçiren giňişleýin Hökümet mejlisinde Ministrler Kabinetiniň Başlygynyň orunbasary Ş.Abdrahmanow ýangyç-energetika toplumyndaky işleriň ýagdaýy hem-de nebiti gaýtadan işleýän senagaty kämilleşdirmek boýunça alnyp barylýan işler we ugurdaş, uzak möhletli iş meýilnamalarynyň taýýarlanylyşy barada hasabat berdi.
Gurbanguly Berdimuhamedow yslam döwletlerini Ýewraziýa yklymyny baglanyşdyrýan bitewi energetika, ulag we tehnologik guşagyny döretmäge çagyrdy
Türkmenistanyň Halk Maslahatynyň Başlygy Gurbanguly Berdimuhamedow “Russiýa — Yslam dünýäsi: KazanForum 2025” XVI halkara ykdysady forumynda eden çykyşynda Ýewraziýa yklymyny baglanyşdyrýan bitewi energetika, ulag we tehnologik guşagyny döretmäge çagyrdy. Gahryman Arkadagymyzyň çykyşy merkezi neşirlerde çap edildi.