Penşenbe güni Çolpon-Atada (Gyrgyzystanyň Yssyk-Köl welaýaty) Merkezi Aziýa döwletleriniň Baştutanlarynyň dördünji Konsultatiw duşuşygy geçirildi. Duşuşyga Gazagystanyň, Özbegistanyň, Türkmenistanyň we Täjigistanyň Prezidentleri gatnaşdy.

Energiýa geçirijileriň bazarynda çökgünlik zerarly dünýä ykdysadyýetinde emele gelip biljek çökgünlik bilen bagly howatyrlanmalar iýul aýynyň dowamynda Brent nebitiniň bahalaryny 7% aşaklatdy. Bu günki gün barreliň bahasy 103 dollardan aşaklatdy. Pudaklaýyn analitikler bahalaryň ýene-de birnäçe dollar aşaklajakdygyna we şol derejede 2022-nji ýylyň ahyryna çenli saklanjakdygyna ynanýarlar diýip, Interfaks habar berýär.

20-nji iýulda Prezident Serdar Berdimuhamedow öz ýurdunyň wekiliýetine ýolbaşçylyk edip Aşgabada gelen Gruziýanyň Premýer-ministri Irakli Garibaşwili bilen duşuşdy.

Hytaýa turbageçiriji arkaly gaz satýan döwletleriň arasynda Türkmenistan 2022-nji ýylyň 6 aýynyň jemi boýunça birinji ýeri eýelemegini dowam edýär. Bu barada HHR-niň Baş gümrük müdirligine salgylanyp, TASS agentligi habar berýär.

20-nji iýulda Aşgabadyň Büzmeýin etrabynda Energetika enjamlaryny abatlaýyş we hyzmat ediş merkeziniň açylyş dabarasy boldy. Dabara Prezident Serdar Berdimuhamedow gatnaşdy.

Türkmenistanda tebigy gazdan benzin öndürmek boýunça Ahaldaky zawodyň çäginde benzin, kükürtsizlendirilen dizel fraksiýasy we suwuklandyrylan gaz saklamak üçin täze rezerwuar parky gurlar. Bu «Нейтральный Туркменистан» gazetinde neşir edilen «Türkmenhimiýa» döwlet konserniniň yglan eden halkara bäsleşiginde göz öňünde tutulýar.

Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 49-sy hasaba alyndy.

Türkmenbaşynyň Halkara deňiz porty 2019-njy ýyl bilen deňeşdirilende ýük daşamalarynyň möçberini 2021-nji ýylda 28% ýokarlandyrdy. Bu barada Türkmenistanyň BMG-niň Ženewadaky Ilçihanasynyň hemişelik wekili, ilçi Atageldi Haljanow duşenbe güni Aşgabatda açylan «Halkara ulag-üstaşyr geçelgeleri: özara arabaglanyşyk we ösüş» Halkara maslahatynda eden çykyşynda belledi.

Seýdiniň nebiti gaýtadan işleýän zawody nebit önümleriniň önümçiligini yzygiderli artdyrýar we eksport ibermeleriniň möçberini ýokarlandyrýar. Ýylyň geçen döwründe kärhanadan Özbegistana ýokary hilli ýol bitumynyň 1300 tonnasy iberildi.

Türkmenistanyň içerki sarp edijileri üçin 2022-nji ýylda nebit önümleriniň döwlet Baştutany tarapyndan şu ýylyň 21-nji ýanwaryndaky Karary bilen tassyklanan möçberlerine degişli üýtgetmeler we goşmaça girizildi.

Türkmenbaşy şäherinde döwrebap Halkara deňiz porty we milli gämiler türkmen nebit önümleriniň daşary ýurtlara durnukly iberlemerini ýola goýmaga mümkinçilik berdi. Bu barada «Türkmendeňizderýaýollary» agentliginiň başlygy Agamyrat Haýytmyradow şu gün Aşgabatda açylan «Halkara ulag-üstaşyr geçelgeleri: özara arabaglanyşyk we ösüş» atly halkara maslahatynda eden çykyşynda belledi.

«Marygazüpjünçilik» müdirliginiň «Baýramalyşähergaz» gaz hojalyk edarasy geljek güýz-gyş möwsüminde gaz hojalygyň ygtybarly we howpsuz ulanylyşyny üpjün etmeklige gönükdirilen guramaçylyk-tehniki çäreleriň toplumyny ýerine ýetirmäge girişdiler.

Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 49-sy hasaba alyndy.

Geljek duşenbe güni Aşgabatda sebit we sebitara gatnaşyklary berktimäge we ösdürmäge gönükdirilen ulag we üstaşyr geçelgeleri dikeltmeklige bagyşlanan Halkara maslahat geçiriler. “Halkara ulag-üstaşyr geçelgeleri: Baglanyşyklylyk we ösüş” atly halkara maslahatyna gatnaşjak delegatlaryň 400-den gowragy hasaba alyndy.

Soňky ýyllarda Türkmenistan bilen Özbegistanyň arasyndaky haryt dolanyşygy 5 esse köpeldi. 2021-nji ýylda bu görkeziji ABŞ-nyň 902 mln dollaryna barabar boldy. Bu barada Özbegistanyň Prezidenti Şawkat Mirziýoýew Daşkentde Prezidenti Serdar Berdimuhamedow bilen geçirilen duşuşygyň jemleri boýunça belledi.