Türkmenistanyň Prezidentiniň täze kitabynyň tanyşdyrylyşy geçirildi
09:52 17.12.2020 8195
Türkmenistanyň nebitgaz toplumynyň merkezi binasynda Prezidenti Gurbanguly Berdimuhamedowyň «Türkmenistan — Bitaraplygyň mekany» atly täze kitabynyň tanyşdyrylyş dabarasy geçirildi.
Dabaranyň barşynda Ministrler Kabinetiniň Başlygynyň orunbasary Myratgeldi Meredow, Döwlet ministri — «Türkmengaz» döwlet konserniniň başlygy B.Amanow, «Türkmennebit» döwlet konserniniň başlygy G.Baýgeldiýew, «Türkmengeologiýa» döwlet korporasiýasynyň başlygy M.Rozyýew, Halkara nebit we gaz uniwersitetiniň kafedra müdiri N.Suhanow we beýlekiler çykyş etdi.
Çykyşlarda döwlet Baştutanynyň täze kitabynyň neşir edilmeginiň ýurdumyzyň jemgyýetçilik durmuşynda möhüm waka bolandygy nygtaldy. Öz içinde Türkmenistanyň taryhy hem häzirki ösüşi barada giňişleýin maglumatlary saklaýan bu eser ylmy hem taryhy nukdaýnazardan dünýä jemgyýetçiligi üçin baý çeşme bolup durýar. Kitap 10 bölümden ybarat bolup, olarda türkmen bitaraplygynyň taryhy, halkara syýasy we ykdysady proseslerde onuň orny, şeýle hem ynsanperwer we medeni gatnaşyklary berkitmekde ähmiýeti barada maglumatlar saklanýar.
Şeýle hem bellenilişi ýaly, owadan bezegli täze neşirde döwlet Baştutany parahatçylyk söýüjilige, hoşniýetli goňşuçylyga, adalatlylyga we raýdaşlyga çagyryş edýän köp sanly parasatly jümleleri getirýär. Munuň özi hemişelik bitaraplygyň ýörelgeleri we umumymilli gymmatlyklarymyz bilen ugurdaşdyr.
Türkmenistanda nebiti gaýtadan işleýän senagaty ösdürmegiň Konseptual strategiýasynyň tehniki-ykdysady esaslandyrmasy işlenip düzülýär
Türkmenistanyň Prezidenti Gurbanguly Berdimuhamedowyň geçen anna güni geçiren giňişleýin Hökümet mejlisinde Ministrler Kabinetiniň Başlygynyň orunbasary Ş.Abdrahmanow ýangyç-energetika toplumyndaky işleriň ýagdaýy hem-de nebiti gaýtadan işleýän senagaty kämilleşdirmek boýunça alnyp barylýan işler we ugurdaş, uzak möhletli iş meýilnamalarynyň taýýarlanylyşy barada hasabat berdi.
“Türkmengaz” we “Türkmennebit” döwlet konsernleri Malaýziýanyň we BAE-niň kompaniýalary bilen täze hyzmatdşalyk şertnamalaryny baglaşdy
Prezident Serdar Berdimuhamedow “Türkmengaz” döwlet konsernine we “Türkmennebit” döwlet konsernine Malaýziýanyň “PETRONAS Çarigali (Türkmenistan) Sdn Bhd” hem-de Birleşen Arap Emirlikleriniň “ADNOC Türkmenistan RSC Limited” kompaniýalary bilen şertnamalary baglaşmaga ygtyýar berýän resminama gol çekdi.
Türkmenistan Kazanda «Russia Halal Expo 2025» Halkara sergisinde Milli pawilýonyny hödürledi
Tatarstan Respublikasynyň paýtagtynda «Russia Halal Expo 2025» Halkara sergisi geçirilýär. Sergä Türkmenistan Milli pawilýony gatnaşýar diýip, TDH habar berýär.
Türkmenistanyň Prezidenti wezipesine dalaşgärleri hödürlemek we bellige almak dowam edýär
Geçen şenbe güni Türkmenistanda Saýlawlary we sala salşyklary geçirmek boýunça merkezi toparyň ýolbaşçysynyň hem-de agzalarynyň, köpçülikleýin habar beriş serişdeleriniň wekilleriniň gatnaşmagynda toparyň nobatdaky mejlisinde Türkmenistanyň Prezidenti wezipesine raýatlaryň teklipçi toparlary tarapyndan hödürlenen dalaşgärleri bellige almak meselesi girizildi.
Nebitgazçy türgenleriň üstünligi
2024-nji «Pähim-paýhas ummany Magtymguly Pyragy» ýylynda «Türkmennebit» döwlet konserniniň TNGIZT-niň Medeni-sport toplumynyň erkin göreş boýunça türgenleri, Türkmenistanyň erkin göreş boýunça ýygyndy toparynyň baş tälimçisi Afis Weliýewiň taýýarlamagynda, iýul aýynyň 5 — 7-si aralygynda Gazagystan Respublikasynyň Aktau şäherinde birnäçe döwletiň gatnaşmagynda «Kaýrat Buhanow» ýadygärligine bagyşlanyp geçirilen erkin göreş boýunça ýaryşa gatnaşdylar.