Mary welaýatynyň ilatynyň gaz bilen üpjünçiligi
14:45 07.01.2021 8260
Täze, 2021-nji ýylyň öňüsyrasynda «Türkmengazüpjünçilik» birleşiginiň Mary welaýatyny gaz bilen üpjün etmek boýunça gurluşyk-gurnama müdirliginiň işgärleri «Watan» daýhan birleşiginiň ilatyny gaz bilen üpjün etmek boýunça işleri tamamladylar.
Bu ýerden uzynlygy 10 müň 468 metr bolan gaz geçiriji çekildi. Ýokary basyşly halkalaýyn gaz geçirijä gaz berýän esasy çeşme bolup «Şatlyk» gazpaýlaýjy bekedi hyzmat edýär.
Gaz geçirijileriň gurluşygynda metal turbalar bilen bir hatarda 225 we 315 mm diametrli ýerli önümçilikdäki polietilen turbalar peýdalanyldy. Olar ygtybarlylygy we ýokary hili bilen tapawutlanýar.
2020-nji ýylyň başyndan bäri Mary welaýatynyň çäginde gazçylar şeýle hem tehniki barlag işlerini, gaz enjamlarynyň abatlaýyş we gaz geçirijileriniň hem-de gaz ulgamlarynyň düýpli abatlaýyş işlerini ýerine ýetirdiler.
Sarp edijileri tebigy gaz bilen üznüksiz üpjün etmek hem-de gaz üpjünçilik ulgamlaryny howpsuz ulanmak boýunça wezipeleriniň gazçylar tarapyndan ýokary derejeli ýerine ýetirilmegi sebitiň durmuş-ykdysady ösüşine we ilatyň durmuş derejesiniň ýokarlanmagna möhüm goşant bolup durýar.
Türkmenistan Owganystana nobatdaky ynsanperwerlik kömegini iberdi
11-nji sentýabrda türkmen-owgan serhedinde Arkadagyň ak ýoly bilen Serhetabat — Hyrat gaz geçirijisiniň, elektrik, ulag we aragatnaşyk ulgamlarynyň gurluşygyna badalga berilmegi mynasybetli Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň hasabyna goňşy Owganystana ynsanperwerlik kömegi iberildi.
Ýewropanyň täzeleniş we ösüş banky Derwezedäki gaz kraterini söndürmekde Türkmenistana ýardam etmegi teklip etdi
Ýewropanyň täzeleniş we ösüş banky Türkmenistana Derwezede ýanyp duran gaz kraterinden gaz zyňyndylarynyň meselesini çözmäge öz ýardamyny teklip etdi.
Türkmenistan Hazarda ekologiýa howpsuzlygy boýunça Hazarýaka döwletleriniň ýolbaşçylarynyň ýörite sammitini geçirmegi teklip etdi
Türkmenistanyň ýolbaşçylygy derwaýys meseleleri ara alyp maslahatlaşmak we Hazarda ekologiýa howpsuzlygyny üpjün etmek boýunça işleri güýçlendirmek maksady bilen, Hazarýaka döwletleriniň ýolbaşçylarynyň ýörite sammitini geçirmek baradaky başlangyjy beýan etdi.
ABŞ-nyň Energetika ministrligi 2022-2023-ni ýyllar üçin nebitiň bahalary boýunça çaklamasyny ýokarlandyrdy
ABŞ-nyň Energetika ministrligi 2022-nji ýylda Brent nebitiniň bahasy boýunça çaklamasyny barreli üçin 82,87 dollara çenli artdyryp, 105,22 dollar diýip çaklady. Muňa Edaranyň energetiki maglumatlar müdirliginiň her aýlyk çaklamalary şaýatlyk edýär. Muny Interfaks ýetirýär.
Russiýanyň, Gazagystanyň we Özbegistanyň «üçtaraplaýyn gaz birleşigi» boýunça beýanaty Türkmenistanda soraglary döredýär
Russiýa Federasiýasynyň DIM-niň wekiliniň Russiýanyň, Gazagystanyň we Özbegistanyň «üçtaraplaýyn gaz birleşigi» boýunça beýanaty türkmen tarapynda birnäçe soraglary döredýär. Bu barada «Türkmengaz» döwlet konserniniň başlygynyň orunbasary Myrat Arçaýew Türkmenistanyň Döwlet habarlar agentligine beren teswirinde aýdylýar. Ol şenbe güni neşir edildi.