Ukrainanyň OKKO kompaniýasy Türkmenistandan nebit önümlerini import etmegi meýilleşdirýär
09:58 08.02.2021 8084
«OKKO» Işewürler-topary (Ukraina) awtomobil ýangyç bazarlaryny giňeltmegi, şol sanda Türkmenistandan nebit önümlerini satyn almagyň hasabyna giňeltmegi meýilleşdirýär. Bu barada Interfaks-Ukraina habar berýär.
2021-nji ýylyň başynda OKKO Herson nebit daşaýjy toplumyny satyn aldy we ony döwrebaplaşdyrmak üçin 3 mln amerikan dollary möçberinde maýa goýum goýmagy maksat edinýär.
Kompaniýanyň wekilleriniň habar bermegine görä, bu toplum döwletiň günorta we gündogar welaýatlaryndaky awtomobil ýangyç beketlerine nebit önümlerini ýetirmegiň netijeliligini we ykjamlygyny ýokarlandyrmak üçin kompaniýanyň logistika bazisini berkitmäge mümkinçilik berer.
Mundan başga-da, munuň özi nebit önümlerini iberijileri diwersifikasiýalaşdyrmakda möhüm tapgyrdyr.
OKKO-nyň wise-prezidenti Ý.Kuçabskiýniň nygtamagyna görä, port toplumyny satyn alynmagy ýangyç bazaryny giňeltmäge mümkinçilik berýär: amatly şertlerde OKKO Türkmenistandan, Türkiýeden, Gresiýadan, Bolgariýadan import edýän nebit önümleriniň möçberlerini artdyryp biler. Şu babatda ýylda 150-200 tonna görkeziji agzalyp geçildi.
Häzirki wagtda «Galnaftogaz» Konsern» PJ-niň (OKKO topary) ygtyýarynda 440 awtomobillere ýangyç-guýujy beket bar. Herson nebit daşaýjy toplumy nebit tankerlerini ýüklemek üç ýangyjy saklamak üçin desgany, demir ýol magistrallaryna çykalgasy bolan nebit bazasyny, nebit önümleriniň geçirijileriniň toruny öz içine alýar.
Türkmenistanda nebiti gaýtadan işleýän senagaty ösdürmegiň Konseptual strategiýasynyň tehniki-ykdysady esaslandyrmasy işlenip düzülýär
Türkmenistanyň Prezidenti Gurbanguly Berdimuhamedowyň geçen anna güni geçiren giňişleýin Hökümet mejlisinde Ministrler Kabinetiniň Başlygynyň orunbasary Ş.Abdrahmanow ýangyç-energetika toplumyndaky işleriň ýagdaýy hem-de nebiti gaýtadan işleýän senagaty kämilleşdirmek boýunça alnyp barylýan işler we ugurdaş, uzak möhletli iş meýilnamalarynyň taýýarlanylyşy barada hasabat berdi.
“Türkmengaz” we “Türkmennebit” döwlet konsernleri Malaýziýanyň we BAE-niň kompaniýalary bilen täze hyzmatdşalyk şertnamalaryny baglaşdy
Prezident Serdar Berdimuhamedow “Türkmengaz” döwlet konsernine we “Türkmennebit” döwlet konsernine Malaýziýanyň “PETRONAS Çarigali (Türkmenistan) Sdn Bhd” hem-de Birleşen Arap Emirlikleriniň “ADNOC Türkmenistan RSC Limited” kompaniýalary bilen şertnamalary baglaşmaga ygtyýar berýän resminama gol çekdi.
Türkmenistan Kazanda «Russia Halal Expo 2025» Halkara sergisinde Milli pawilýonyny hödürledi
Tatarstan Respublikasynyň paýtagtynda «Russia Halal Expo 2025» Halkara sergisi geçirilýär. Sergä Türkmenistan Milli pawilýony gatnaşýar diýip, TDH habar berýär.
Türkmenistanyň Prezidenti wezipesine dalaşgärleri hödürlemek we bellige almak dowam edýär
Geçen şenbe güni Türkmenistanda Saýlawlary we sala salşyklary geçirmek boýunça merkezi toparyň ýolbaşçysynyň hem-de agzalarynyň, köpçülikleýin habar beriş serişdeleriniň wekilleriniň gatnaşmagynda toparyň nobatdaky mejlisinde Türkmenistanyň Prezidenti wezipesine raýatlaryň teklipçi toparlary tarapyndan hödürlenen dalaşgärleri bellige almak meselesi girizildi.
Nebitgazçy türgenleriň üstünligi
2024-nji «Pähim-paýhas ummany Magtymguly Pyragy» ýylynda «Türkmennebit» döwlet konserniniň TNGIZT-niň Medeni-sport toplumynyň erkin göreş boýunça türgenleri, Türkmenistanyň erkin göreş boýunça ýygyndy toparynyň baş tälimçisi Afis Weliýewiň taýýarlamagynda, iýul aýynyň 5 — 7-si aralygynda Gazagystan Respublikasynyň Aktau şäherinde birnäçe döwletiň gatnaşmagynda «Kaýrat Buhanow» ýadygärligine bagyşlanyp geçirilen erkin göreş boýunça ýaryşa gatnaşdylar.