Türkmenistanda ýokanç keselleriň ýaýramgynyň öňüni almak üçin edaralarda çeýe iş tertibini girizmek maslahat berilýär
19:57 01.09.2021 5158
Dünýädäki häzirki epidemiologiki ýagdaý bilen baglanyşykly möwsümleýin wirus ýokançlygynyň öňüni almak maksady bilen, Türkmenistanyň Zähmet we ilaty durmuş taýdna goramak ministrligi ýurduň ähli guramalaryna, eýeçilik görnüşine garamazdan ähli edaralaryna wagtlaýynça işgärleriň çeýe iş wagty geçmegi maslahat berýär.
Maslahat berilýän iş wagty baradaky resminama sişenbe güni ähli ministrliklere we pudaklaýyn edaralara, Aşgabat şäheriniň we welaýatlaryň häkimliklerine, jemgyýetçilik guramalaryna, şeýle hem ýurtda işleýän edara görnüşli taraplara ýollandy diýip, ORIENT habar berýär.
Resminamada bellenilip geçilişine görä, Türkmenistanyň keselleriň ýaýramagyna garşy göreşmek baradaky adatdan daşary toparyň 29-njy awgustda geçiren mejlisinde kabul edilen çözgütler esasynda täze giriziljek düzgünler öňüni alyş çäreleriniň netijeliligini ýokarlandyrmaga gönükdirilendir.
Işgär sany 100 adamdan az bolan edaralarda we guramalarda adamlaryň üýşmeginiň öňüni almak maksadi bilen topar tarapyndan işgärleriň bir bölegini irden sagat 08:00-dan 17:00-a çenli, ikinji bölegine bolsa 09:00-dan 18:00-a çenli aralygynda guramak bellenildi.
Işgär sany 100 adamdan köp bolan edaralarda we guramalarda işgärleriň 30 göterimi iş ýerinde sagat irden 08:00-dan 17:00-a çenli, 40 göterimi sagat 09:00-dan 18:00-a çenli, galan 30 göteirmi sagat 10:00-dan agşam 19:00-a çenli bolmagyny guramak göz öňünde tutuldy.
Täze iş tertibi kärhanada iş guramagyň aýratynlyklaryna baglylykda iş berijiniň islegi boýunça üýtgedilip bilner we iş gününiň başlamagy we gutarmagy üçin ýokardaky takmynan çeýe tertibi diňe hepdelik 40 sagat we 8 sagatlyk gündelik iş günli işgärlere degişlidir.
Iş meýilnamasyna üýtgetmeler girizmezden ozal, guramalaryň ýolbaşçylary işgärleriniň pikirini göz öňünde tutmaly we kärdeşler arkalaşygy guramasy bilen gutarnykly karara gelmelidir.
Si Szinpin we Serdar Berdimuhamedow ýangyç-energetika toplumynda giň gerimli hyzmatdaşlygy ösdürmegi ylalaşdylar
Penşenbe güni Şanhaý Hyzmatdaşlyk Guramasyna agza döwletleriň Baştutanlarynyň Geňeşiniň mejlisine hormatly myhman hökmünde gatnaşmak üçin Samarkanda baran Türkmenistanyň Prezidenti Serdar Berdimuhamedow bilen Hytaý Halk Respublikasynyň Başlygy Si Szinpiniň arasynda geçirilen duşuşykda gaz ulgamynda, ulag we beýleki ugurlarda türkmen-hytaý gatnaşyklarynyň ösüşiniň geljegi ara alnyp maslahatlaşyldy. Bu barada Türkmenistanyň Döwlet habarlar agentligi habar berýär.
Türkmenistanyň we Russiýanyň Prezidentleri ŞHG sammitiniň çäklerinde döwletara hyzmatdaşlygy giňeltmegiň meselelerini maslahatlaşdylar
Penşenbe güni Şanhaý Hyzmatdaşlyk Guramasyna agza döwletleriň Baştutanlarynyň Geňeşiniň mejlisine hormatly myhman hökmünde gatnaşmak üçin Samarkant şäherine gelen Serdar Berdimuhamedow Russiýa Federasiýasynyň Prezidenti Wladimir Putin bilen duşuşdy. Bu barada Türkmenistanyň Döwlet habarlar agentligi habar berýär.
Serdar Berdimuhamedow we ŞHG-niň Baş sekretary energetika, ulag ulgamlarynda Türkmenistanyň täze başlangyçlaryny maslahatlaşdy
Penşenbe güni Şanhaý Hyzmatdaşlyk Guramasyna agza döwletleriň Baştutanlarynyň Geňeşiniň mejlisine hormatly myhman hökmünde gatnaşmak üçin Samarkanda gelen hormatly Prezidentimiz Serdar Berdimuhamedow bu halkara düzümiň Baş sekretary Çžan Min bilen duşuşykda energetika we ulag ulgamlarynda anyk başlangyçlaryny öňe sürdi diýip, Türkmenistanyň Döwlet habarlar agentligi habar berýär.
HEA: dünýäde nebiti we gazy çykarmakda zyňyndylaryň azaldylmagy üçin 600 mlrd amerikan dollary gerek bolar
Halkara energetika agentliginiň (HEA) analitikleriniň bahalandyrmagyna görä, dünýä nebitiň we gazyň çykarylyşynda zyňyndylaryň iki esse azaldylamgy 600 mlrd dollar möçberde maýa goýumlaryny talap edýär.
Türkmen tebigy gazyny swap usuly arkaly Türkiýä eksport etmegiň meseleleri maslahatlaşyldy
Türkmen halkynyň Milli Lideri Gurbanguly Berdimuhamedowyň Prezident Rejep Taýyp Ärdogan bilen geçiren duşuşygynyň barşynda Türkiýä türkmen elektrik energiýasyny eksport etmek, dostlukly ýurda türkmen tebigy gazyny “swap” usuly arkaly ibermek bilen baglanyşykly meselelere seredildi.