Owganystan sebitiň ösüşine ýardam edýän «Bir guşak, bir ýol» hytaý maksatnamasyny goldaýar — «Talibanyň» wekili
19:44 06.09.2021 15417
Owganystanda häkimiýet başyna geçen «Taliban» hereketi Hytaýy esasy halkara hyzmatdaşy hökmünde görýär diýip, hereketiň wekili Zabiulla Mujahid aýtdy. Bu barada Interfaks habar berýär.
«Hytaý biziň esasy hyzmatdaşymyz bolup durýar, ol biziň üçin binýatlaýyn mümkinçilikleri hödürläýar, çünki ol biziň ýurdumyza maýa goýmaga we ony dikeltmäge taýýar» - diýip ol La Repubblica italýan gazetine interwýusynda aýtdy.
Mujahid Pekin tarapyndan durmuşa geçirilýän «Bir guşak, bir ýol» maksatnamasy barada aýratyn belläp, onuň «gadymy Beýik Ýüpek ýoluny gaýtadan dikeltmäge ýardam etjekdigini» belledi. Ol şeýle hem Hytaýyň Owganystanyň dag magdan senagatyny dikeltmäge hem ýardam etmegine umyt bildirdi.
«Hytaý biziň dünýä bazarlaryna çykalgamyzdyr» - diýip ol belledi.
Öň Hytaýyň DIM-i Hytaýyň daşary işler ministriniň kömekçisi U Szýaonyň «Taliban» hereketiniň Katardaky Syýasy edarasynyň direktorynyň orunbasary Abdula Salam Hanafi bilen telefon arkaly gepleşikleri geçirendigini belledi. U Szýao Owganystandaky ýagdaýlaryň düýpli üýtgemelere sezewar bolandygyny we «geljekki Owganystanyň ykbalynyň ýene-de owgan halkynyň elindedigini » belledi.
Hytaý diplomatynyň bellemegine görä, Pekin Owganystanyň garaşsyzlygyny, çäk bitewüligini, özbaşdaklygyny elmydama hormatlady we owgan halky babatda dostlukly syýasaty durmuşa geçirdi. Ol Owganystanyň «gysga wagtda parahatçyygy we durnuklylygy gazanyp, ajaýyp ýurdy dikeltjekdiklerine» ynam bildirdi.
Hanafi owgan häkimiýetleriniň «Bir guşak, bir ýol» hytaý maksatnamasynyň çäginde hyzmatdaşlygy goldamaga taýýardygyny beýan etdi.
Türkmenistan Owganystana nobatdaky ynsanperwerlik kömegini iberdi
11-nji sentýabrda türkmen-owgan serhedinde Arkadagyň ak ýoly bilen Serhetabat — Hyrat gaz geçirijisiniň, elektrik, ulag we aragatnaşyk ulgamlarynyň gurluşygyna badalga berilmegi mynasybetli Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň hasabyna goňşy Owganystana ynsanperwerlik kömegi iberildi.
Ýewropanyň täzeleniş we ösüş banky Derwezedäki gaz kraterini söndürmekde Türkmenistana ýardam etmegi teklip etdi
Ýewropanyň täzeleniş we ösüş banky Türkmenistana Derwezede ýanyp duran gaz kraterinden gaz zyňyndylarynyň meselesini çözmäge öz ýardamyny teklip etdi.
Türkmenistan Hazarda ekologiýa howpsuzlygy boýunça Hazarýaka döwletleriniň ýolbaşçylarynyň ýörite sammitini geçirmegi teklip etdi
Türkmenistanyň ýolbaşçylygy derwaýys meseleleri ara alyp maslahatlaşmak we Hazarda ekologiýa howpsuzlygyny üpjün etmek boýunça işleri güýçlendirmek maksady bilen, Hazarýaka döwletleriniň ýolbaşçylarynyň ýörite sammitini geçirmek baradaky başlangyjy beýan etdi.
ABŞ-nyň Energetika ministrligi 2022-2023-ni ýyllar üçin nebitiň bahalary boýunça çaklamasyny ýokarlandyrdy
ABŞ-nyň Energetika ministrligi 2022-nji ýylda Brent nebitiniň bahasy boýunça çaklamasyny barreli üçin 82,87 dollara çenli artdyryp, 105,22 dollar diýip çaklady. Muňa Edaranyň energetiki maglumatlar müdirliginiň her aýlyk çaklamalary şaýatlyk edýär. Muny Interfaks ýetirýär.
Russiýanyň, Gazagystanyň we Özbegistanyň «üçtaraplaýyn gaz birleşigi» boýunça beýanaty Türkmenistanda soraglary döredýär
Russiýa Federasiýasynyň DIM-niň wekiliniň Russiýanyň, Gazagystanyň we Özbegistanyň «üçtaraplaýyn gaz birleşigi» boýunça beýanaty türkmen tarapynda birnäçe soraglary döredýär. Bu barada «Türkmengaz» döwlet konserniniň başlygynyň orunbasary Myrat Arçaýew Türkmenistanyň Döwlet habarlar agentligine beren teswirinde aýdylýar. Ol şenbe güni neşir edildi.