TNGIZT Türkmenistanyň Garaşsyzlygynyň 30 ýyllygy mynasybetli sergide täze önümini görkezdi
19:18 25.09.2021 7161
Aşgabatdaky Söwda-senagat edarasynda 21-22-nji sentýabrda Türkmenistanyň Garaşsyzlygynyň 30 ýyllygyna bagyşlanyp, ýurdumyzyň gazananlarynyň sergisi geçirildi.
Türkmenbaşydaky nebiti gaýtadan işleýän zawodlar toplumy (TNGIZT) sergide ýurdumyzyň nebitgaz toplumynyň mümkinçiliklerini artdyrmakda nobatdaky gezek ýeten sepgitlerini görkezdi.
Şu ýyl TNGIZT awiasion ýangyjyň nobatdaky görnüşini — Jet A-1 ýangyjyny — ТС-1 awiasion kerosininiň ýewropa analogyny öndürmäge girişdi. Ol hem TNGIZT-de öndürilýär. Ýangyjyň bu görnüşi Airbus we Boeing ýaly ýolagçy howa gämileriniň gazturbinaly hereketlendirijilerinde peýdalanylýar.
Şeýle hem meýdanlary işläp taýýarlamakda oba hojalygynda giňden peýdalanylýan An-2 uçarlary üçin awiaýangyç önümçiligi ýola goýulýar. Gazdan awtomobil ýangyjy üçin ýokary oktanly goşundylary almak boýunça desgada öndürilen ýokary oktanly komponent eýýäm barlaghana barlaglaryny we degişli şahadatnamalaşdyrmany geçdi. Öň ýangyjyň bu görnüşini daşary ýurtlardan satyn almaly bolýardy.
TNGIZT şeýle hem täze örtük önüminiň — polipropilenden ak örtgüleriniň önümçiligini hem ýola goýdy. Bu hili örtgüler konditer önümlerini we sowgatlary gaplamak üçin ulanylýar. Bu önümi içerki bazarlarda bolşy ýaly, daşary ýurtlara hem eksport etmek meýilleşdirilýär.
Bu täzelikler TNGIZT-niň eýýäm müşderilere öňden mälim önümleri bilen birlikde sergi diwarlygynda görkezildi.
Türkmenistanyň we Eýranyň Prezidentleri nebitgaz, ulag we beýleki ugurlarda hyzmatdaşlyk meselesini maslahatlaşdylar
Nebitgaz, ulag, oba hojalygy we beýleki ugurlarda hyzmatdaşlygy ösdürmek meseleleri Prezident Gurbanguly Berdimuhamedow bilen Eýran Yslam Respublikasynyň Prezidenti Seýed Ebrahim Raisiniň arasynda geçirilen telefon arkaly söhbetdeşlikde mälim boldy.
Nebitgazçylaryň we geologlaryň hünär baýramçylygy dabaraly pursatlara beslendi
Nebitgaz toplumynyň merkezi edara binasynda ,,Türkmenistan – parahatçylygyň we ynanyşmagyň Watany’’ ýylynda nebitgaz senagatynda we geologiýa pudagynda ýetilen sepgitler’’ atly dabaraly maslahat geçirildi. Türkmenistanyň Ministrler Kabinetiniň Başlygynyň orunbasary Şahym Abdrahmanowyň ýolbaşçylygynda geçirilen maslahata degişli toplumyň ýolbaşçylary, edara-kärhanalarynyň işgärleri we hünärmenleri gatnaşdy. Ilki bilen wise-premýer Nebitgaz senagaty we geologiýa işgärleriniň güni mynasybetli hormatly Prezidentimiziň iberen Gutlagyny okady.
Türkmenistanda Halkara Bitaraplyk güni bellenilip geçildi
Geçen ýekşenbe güni Türkmenistanda Halkara Bitaraplyk güni we Türkmenistanyň hemişelik Bitaraplygy hakynda BMG-niň Baş Assambleýasynyň Kararnamasynyň kabul edilmeginiň 26 ýyllygy bellenilip geçildi.
Türkmenistanyň Prezidenti nebitgaz senagaty we geologiýa pudaklarynyň işgärlerini hünär baýramçylygy bilen gutlady
14-nji dekabrda Türkmenistanda Türkmenistanyň nebitgaz senagaty we geologiýa pudaklarynyň işgärleriniň güni bellenilip geçildi. Şu mynasybetli Prezident Gurbanguly Berdimuhamedow nebitgaz senagaty işgärlerine gutlag hatyny iberdi.
Türkmenistanyň we Beýik Britaniýanyň diplomatlary ikitaraplaýyn hyzmatdaşlygy we Ýakyn Gündogardaky ýagdaýy maslahatlaşdylar
Türkmenistanyň daşary işler ministriniň orunbasary Ahmet Gurbanow Birleşen Patyşalygyň Ýewropa, Demirgazyk Amerika we deňiz aňyrsy çäkler boýunça döwlet ministri Stiwen Dauti bilen telefon arkaly söhbetdeşlik geçirdi diýip, Türkmenistanyň DIM-niň saýtynda habar berilýär.