OPEC+ döwletleriniň ministrleri nebit bazaryna goşmaça goşmagyň zerurlygy baradaky meseläni çözerler
09:24 05.11.2021 12863
OPEC+ döwletleriniň ministrleri bazary goşmaça nebit bilen üpjün etmek gerekmi ýa-da kabul edilen ylalaşygyň çäklerinde hereket etmelimi diýen meseläni çözmek üçin nobatdaky aýlyk duşuşygyny geçirerler diýip, Interfaks habar berýär.
Ilki, ministrler gözegçilik geňeşiniň duşuşygy geçiriler. Bu geňeşde Russiýa we Saud Arabystany başlyklyk edýär. Soňra olar öz ahyrky tekliplerini OPEC+ döwletleriniň ähli ministrleriniň garamagyna bererler.
Nebite islegiň dikelmeginiň netijesinde iýul aýynda OPEC+ ýurtlary nebit önümçiligini tizleşdirilen ýagdaýda artdyrmak hakynda çözgüt kabul etdiler — günde 400 müň barrele çenli. COVID-19 pandemiýasynyň dowam etmeginiň çäklerinde nebite bolan islegiň gowşak bolup biljekdigi barada howatyrlanmasyny aýdan Saud Arabystanynyň energetika ministri Abdulaziz ben Salman ähli ýurtlaryň teklibi artdyryp bilmejekdigini belledi. Eýýäm awgustda ylalaşyk 119%, sentýabrda bolsa 115% artygy bilen ýerine ýetirildi.
Nebite bolan isleg durnukly ýagdaýda ýokarlanýar we 80 dollardan geçýär. Bu bolsa ýangyjyň bahasynyň ýokarlanmagyna, inflasiýa getirýär we sarp edijileriň belleýşi ýaly, ykdysadyýeti dikeltmäge päsgel berýär.
Muňa garamazdan, OPEC+ ýurtlary häzirlikçe bu ýüz tutmalary ünssüz galdyrdylar. Geçenki ýygnakda artdyrmaklygy günde 400 müň barral däl-de, 800 müň barrel artdyrmak hakynda gürrüň gitdi, emma çözgüt kabul edilmedi. Öndürijiler, hususan-da, Saud Arabystany bazara nebitiň uzak geljekde hem gerekligini barlamak isleýärlär. Çünki olar önümçiligi birden artdyryp, soňam «krandy bekedip» maýalaryny toprakda galdyryp bilmezler.
Şol bir wagtda bazara gatnaşyjylar we köp sanly bilermenler nebit önümçiligine maýa goýumlaryň ýetmezçiligi barada gürrüň edýärler, öndürijiler bolsa nebitden başga energiýanyň beýleki dikeldilýän çeşmelerine seredip görmek barada aýdýarlar.
Türkmenistan we Ýaponiýa ykdysady hyzmatdaşlygy giňeltmegiň meselelerini maslahatlaşdylar
16-njy dekabrda Aşgabatda “Ýyldyz” otelinde Ykdysady hyzmatdaşlyk boýunça türkmen-ýapon komitetiniň 15-nji mejlisi geçirildi.
«Halkara ulag-üstaşyr geçelgeleri: özara baglanyşyklylyk we ösüş» Halkara maslahaty 18-20-nji iýulda geçiriler
18-20-nji iýulda Aşgabatda «Halkara ulag-üstaşyr geçelgeleri: özara baglanyşyklylyk we ösüş» Halkara maslahaty geçiriler. Forumyň maksady pandemiýadan soňky dikeldiş boýunça ileri tutulýan meseleleri maslahatlaşmak, halkara daşamalar ulgamynda täze şertlere uýgunlaşmak we netijeli halkara ulag-üstaşyr geçelgelerini ösdürmek bolup durýar.
Energetika hyzmatdaşlygyny ösdürmek — Azerbaýjanyň wekiliýeti bilen duşuşygyň üns merkezinde
Çarşenbe güni Türkmenistanyň Daşary işler ministrliginiň binasynda wise-premýer, Türkmenistanyň Daşary işler ministri Raşid Meredowyň Aşgabada iş sapary bilen gelen Azerbaýjan Respublikasynyň Ykdysadyýet ministri Mikail Jabbarowyň baştutanlygyndaky wekilýet bilen duşuşygynda energetika ulgamynda ikitaraplaýyn hyzmatdaşlygy ösdürmegiň mümkinçilikleri ara alnyp maslahatlaşyldy. Bu barada Türkmenistanyň daşary syýasat edarasynyň saýty habar berýär.
Türkmenistanyň DIM-niň ýolbaşçysy Eýranyň energetika ministri bilen energetika we gaz pudagynda hyzmatdaşlygy maslahatlaşdy
Türkmenistanyň Daşary işler ministrliginde Raşid Meredow bilen Eýranyň Energetika ministri Abbas Aliabadiniň arasynda geçirilen duşuşykda energetika we gaz pudaklarynda ikitaraplaýyn hyzmatdaşlygyň meseleleri maslahatlaşyldy diýip, türkmen daşary syýasat edarasynyň saýtynda habar berilýär.
Mohammed Barkindo: erkin çykaryş kuwwatlyklary taryhda iň pes ýagdaýda, syýasy çözgütler zerur
Gazylyp alynýan ýangyçdan el çekmäge çagyryşyň netijesinde pudaga doly maýa goýmazlyk zerarly 62 ýyllyk taryhyň dowamynda OPEC ýurtlarynyň erkin çykaryş kuwwatlyklary iň pes ýagdaýda, bazarda nebit ýetmezçiliginiň meselesini çözmek üçin syýasy çözgütler zerur. Bu barada OPEC-iň Baş sekretary Mohammed Barkindo 5-nji iýulda Nigeriýadan geçen maslahatyň açylyşynda eden çykyşynda belledi. Görlüp oturylsa, bu Mohammed Barkindonyň köpçüligiň öňünde iň soňky çykyşy boldy. Ol şol gün gije aradan çykdy.