Mary welaýatynyň gaz geçirijilerini abatlamak işleri dowam edýär
10:16 10.11.2021 6518
«Türkmengazüpjünçilik» birleşiginiň kärhanalaryny we guramalarynyň, şeýle hem Mary welaýatyny gaz bilen üpjün etmek boýunça gurluşyk-gurnama müdirliginiň işgärleri şäherleriň we obalaryň ilatyny gaz bilen bökdençsiz üpjün etmek, hereket edýän gaz geçirijilerini abatlamak, gaz torlaryny ýyladyş möwsümine taýýarlamak boýunça işleri alyp barýarlar.
Zerur bolan materiallar, dürli diametrli turbalar we gaz geçirijilerini gurmakda we abatlamakda ulanylýan beýleki serişdeler bilen «Marygazüpjünçilik» müdirligi öz wagtynda üpjün edýär.
Häzirki wagtda gazçylaryň işleri Türkmengala etrabynyň çäklerinde alnyp barylýar. Bu ýerde «Tutly» gazpaýlaýjy bekedinden başlap Baýramaly we Türkmengala etraplarynyň ilatly nokatlaryna çenli gaz geçirijilerini düýpli abatlamak boýunça gurluşyk-gurnama işleri ýokary depginlerde anyp barylýar. Uzynlygy 12 müň 850 metr bolan gaz geçirijiniň ugry bilen 159 millimetrlik turbalary geçirijiligi has ýokary bolan 530 mm turbalara çalyşmak işleri dowam edýär.
Turbalary oturtmak boýunça işler ýokary hünär taýýarlykly hünärmenler tarapyndan amala aşyrylýar. Şol bir wagtda döwrebap tehnikalar, kebşirleýji enjamlar we işleri ýokary hilli ýerine ýetirmek üçin zerur bolan beýleki tehniki enjamlar ulanylýar. Şu günki güne çenli gazçylar tarapyndan gurluşyk gurnama işleri 6 müň 300 metrlik gaz geçirijilerde tamamlanyp, ulanyşa tabşyryldy.
Türkmenistan Owganystana nobatdaky ynsanperwerlik kömegini iberdi
11-nji sentýabrda türkmen-owgan serhedinde Arkadagyň ak ýoly bilen Serhetabat — Hyrat gaz geçirijisiniň, elektrik, ulag we aragatnaşyk ulgamlarynyň gurluşygyna badalga berilmegi mynasybetli Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň hasabyna goňşy Owganystana ynsanperwerlik kömegi iberildi.
Ýewropanyň täzeleniş we ösüş banky Derwezedäki gaz kraterini söndürmekde Türkmenistana ýardam etmegi teklip etdi
Ýewropanyň täzeleniş we ösüş banky Türkmenistana Derwezede ýanyp duran gaz kraterinden gaz zyňyndylarynyň meselesini çözmäge öz ýardamyny teklip etdi.
Türkmenistan Hazarda ekologiýa howpsuzlygy boýunça Hazarýaka döwletleriniň ýolbaşçylarynyň ýörite sammitini geçirmegi teklip etdi
Türkmenistanyň ýolbaşçylygy derwaýys meseleleri ara alyp maslahatlaşmak we Hazarda ekologiýa howpsuzlygyny üpjün etmek boýunça işleri güýçlendirmek maksady bilen, Hazarýaka döwletleriniň ýolbaşçylarynyň ýörite sammitini geçirmek baradaky başlangyjy beýan etdi.
ABŞ-nyň Energetika ministrligi 2022-2023-ni ýyllar üçin nebitiň bahalary boýunça çaklamasyny ýokarlandyrdy
ABŞ-nyň Energetika ministrligi 2022-nji ýylda Brent nebitiniň bahasy boýunça çaklamasyny barreli üçin 82,87 dollara çenli artdyryp, 105,22 dollar diýip çaklady. Muňa Edaranyň energetiki maglumatlar müdirliginiň her aýlyk çaklamalary şaýatlyk edýär. Muny Interfaks ýetirýär.
Russiýanyň, Gazagystanyň we Özbegistanyň «üçtaraplaýyn gaz birleşigi» boýunça beýanaty Türkmenistanda soraglary döredýär
Russiýa Federasiýasynyň DIM-niň wekiliniň Russiýanyň, Gazagystanyň we Özbegistanyň «üçtaraplaýyn gaz birleşigi» boýunça beýanaty türkmen tarapynda birnäçe soraglary döredýär. Bu barada «Türkmengaz» döwlet konserniniň başlygynyň orunbasary Myrat Arçaýew Türkmenistanyň Döwlet habarlar agentligine beren teswirinde aýdylýar. Ol şenbe güni neşir edildi.