Özbegistan aşa sowuk howa bolan ýagdaýynda gazy import edip biler — Energetika ministrligi
10:20 10.11.2021 13314
Özbegistanda gyş möwsüminde aşa sowuk howa bolan ýagdaýynda islegiň birbada artýan döwründe tebigy gazyň import edilip bilinjekdigini belleýär. Bu barada Interfaks ýurduň Energetika ministrliginiň Metbugat gullugyna salgylanyp habar berdi.
«Aşa sowuk howada hem-de öz serişdelerimiziň ýeterlik bolmadyk ýagdaýynda ilaty we durmuş taýdan möhüm desgalary üpjün etmek maksady bilen daşary ýurtlardan gaz satyn alynmagy mümkin» diýlip habarda aýdylýar.
Energetika ministrliginiň maglumatlaryna görä, häzirki güýz-gyş möwsüminde içerki sarp edijilere 32,622 mlrd kub metr tebigy gaz ibermek meýilleşdirilýär, ýerasty gaz ammarlaryna 3 mlrd kub metrden gowrak gaz toplanyldy.
Edarada bellemeklerine görä, howanyň temperaturasynyň birden aşaklan ýagdaýynda, kabul edilen kadalaşdyryjy hukuk namalaryna laýyklykda, möwsümleýin sarp edijiler energiýanyň dikeldilýän çeşmelerine geçmeli, gazyň ulanylman galan möçberleri bolsa durmuş ulgamynyň, strategik ähmiýetli desgalaryň we ilatyň zerurlyklaryny kanagatlandyrmak üçin goşmaça iberiler.
Özbegistanyň Statistika baradaky döwlet komitetiniň maglumatlaryna görä, ýurtda tebigy gazyň çykarylyşy 2019-njy ýyl bilen deňeşdirilende 2020-nji ýylda 17,8% — 49,739 mlrd kub metre çenli azaldy. Onuň eksporty baha aňlatmasynda 4,7 esse peseldi — 478,1 mln dollar, importy bolsa asla amala aşyrylmady diýen ýaly — 50,4 mln dollar.
Özbegistanyň gaz çykaryjy kuwwatlyklary häzirki wagtda tebigy gazyň çykarylyşyny 70 mlrd kub metr möçberinde çykarmaga mümkinçilik berýär. Muňa garamazdan, ätiýaçlyklaryň azalmagy we tehnologik ýitgiler zerarly soňky 15 ýylda uglewodorodlaryň önümçiligi düýpli aşaklady.
Belläp geçsek, öň Özbegistan Russiýanyň üsti bilen Türkmenistandan tebigy gaz satyn alypdy. «Gazprom» obligasiýalarynyň iýundaky hasabatlaryna we Ähtnamalaryna laýyklykda, 2020-nji ýylda Özbegistan rus kompaniýasynyň üsti bilen 0,9 mlrd kub metr türkmen tebigy gazyny satyn aldy. 2021-nji ýylyň birinji çärýeginde bolsa — 1,5 mlrd kub metr gaz aldy.
Türkmenistan Owganystana nobatdaky ynsanperwerlik kömegini iberdi
11-nji sentýabrda türkmen-owgan serhedinde Arkadagyň ak ýoly bilen Serhetabat — Hyrat gaz geçirijisiniň, elektrik, ulag we aragatnaşyk ulgamlarynyň gurluşygyna badalga berilmegi mynasybetli Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň hasabyna goňşy Owganystana ynsanperwerlik kömegi iberildi.
Ýewropanyň täzeleniş we ösüş banky Derwezedäki gaz kraterini söndürmekde Türkmenistana ýardam etmegi teklip etdi
Ýewropanyň täzeleniş we ösüş banky Türkmenistana Derwezede ýanyp duran gaz kraterinden gaz zyňyndylarynyň meselesini çözmäge öz ýardamyny teklip etdi.
Türkmenistan Hazarda ekologiýa howpsuzlygy boýunça Hazarýaka döwletleriniň ýolbaşçylarynyň ýörite sammitini geçirmegi teklip etdi
Türkmenistanyň ýolbaşçylygy derwaýys meseleleri ara alyp maslahatlaşmak we Hazarda ekologiýa howpsuzlygyny üpjün etmek boýunça işleri güýçlendirmek maksady bilen, Hazarýaka döwletleriniň ýolbaşçylarynyň ýörite sammitini geçirmek baradaky başlangyjy beýan etdi.
ABŞ-nyň Energetika ministrligi 2022-2023-ni ýyllar üçin nebitiň bahalary boýunça çaklamasyny ýokarlandyrdy
ABŞ-nyň Energetika ministrligi 2022-nji ýylda Brent nebitiniň bahasy boýunça çaklamasyny barreli üçin 82,87 dollara çenli artdyryp, 105,22 dollar diýip çaklady. Muňa Edaranyň energetiki maglumatlar müdirliginiň her aýlyk çaklamalary şaýatlyk edýär. Muny Interfaks ýetirýär.
Russiýanyň, Gazagystanyň we Özbegistanyň «üçtaraplaýyn gaz birleşigi» boýunça beýanaty Türkmenistanda soraglary döredýär
Russiýa Federasiýasynyň DIM-niň wekiliniň Russiýanyň, Gazagystanyň we Özbegistanyň «üçtaraplaýyn gaz birleşigi» boýunça beýanaty türkmen tarapynda birnäçe soraglary döredýär. Bu barada «Türkmengaz» döwlet konserniniň başlygynyň orunbasary Myrat Arçaýew Türkmenistanyň Döwlet habarlar agentligine beren teswirinde aýdylýar. Ol şenbe güni neşir edildi.