Nebitiň bahasy oktýabryň başyndan bäri iň aşak çäkde, Brentiň barreli — 80 dollar
09:35 19.11.2021 5387
Nebitiň bahasy çarşenbe güni söwdalaryň ýapylmagy bilen oktýabryň başyndan bäri iň aşak çäklere düşdi we arzanlamagyny dowam edýär.
Nebit bazary ABŞ-nyň Prezidenti Jo Baýdeniň strategiki ätiýaçlyklardan nebit satmak mümkinçiligine garaýandygy baradaky habardan täsirlenmegini dowam edýär. Şol bir wagtda HHR-niň Başlygy Si Szinpin bilen wirtual sammitiň dowamynda Hytaý tarapyndan hem bu hili çäreleriň mümkinligi maslahatlaşyldy diýip, Interfaks habar berýär.
Hatda geçen hepdede ABŞ-nyň nebit ätiýaçlyklarynyň peselendigi baradaky habar hem nebit bazaryna goldaw bermedi diýip, MarketWatch belleýär.
Brent nebitiniň ýanwardaky fýuçersleri Londonyň ICE Futures biržasynda 0,35% arzanlap, 80 dollara bardy. Çarşenbe güni olaryň bahalary 2,6% aşaklap, söwdalaryň ýapylyşynda 80,28 dollara deň boldy. Bu görkeziji 7-nji oktýabrdan bäri iň aşak netijedir.
WTI-niň bahalary Nýu-Ýorkuň elektron söwdalar biržasynda 0,86% aşaklap, 77,69 dollara deň bolupdy. Söwdalaryň netijeleri boýunça onuň bahalary 3% aşaklap, 78,35 dollara bardy. Bu görkeziji hem 1-nji oktýabrdan bäri iň aşak görkezijidir.
ABŞ-da nebit ätiýaçlyklary geçen hepdede 2,1 mln barrel azalyp — 433 mln barrele deň boldy diýip, ýurduň energetika ministrligi habar berýär. Benzin ätiýaçlyklary 707 müň barrele, distillýatlar – 824 müň barrele çenli azaldy.
Türkmenistan Owganystana nobatdaky ynsanperwerlik kömegini iberdi
11-nji sentýabrda türkmen-owgan serhedinde Arkadagyň ak ýoly bilen Serhetabat — Hyrat gaz geçirijisiniň, elektrik, ulag we aragatnaşyk ulgamlarynyň gurluşygyna badalga berilmegi mynasybetli Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň hasabyna goňşy Owganystana ynsanperwerlik kömegi iberildi.
Ýewropanyň täzeleniş we ösüş banky Derwezedäki gaz kraterini söndürmekde Türkmenistana ýardam etmegi teklip etdi
Ýewropanyň täzeleniş we ösüş banky Türkmenistana Derwezede ýanyp duran gaz kraterinden gaz zyňyndylarynyň meselesini çözmäge öz ýardamyny teklip etdi.
Türkmenistan Hazarda ekologiýa howpsuzlygy boýunça Hazarýaka döwletleriniň ýolbaşçylarynyň ýörite sammitini geçirmegi teklip etdi
Türkmenistanyň ýolbaşçylygy derwaýys meseleleri ara alyp maslahatlaşmak we Hazarda ekologiýa howpsuzlygyny üpjün etmek boýunça işleri güýçlendirmek maksady bilen, Hazarýaka döwletleriniň ýolbaşçylarynyň ýörite sammitini geçirmek baradaky başlangyjy beýan etdi.
ABŞ-nyň Energetika ministrligi 2022-2023-ni ýyllar üçin nebitiň bahalary boýunça çaklamasyny ýokarlandyrdy
ABŞ-nyň Energetika ministrligi 2022-nji ýylda Brent nebitiniň bahasy boýunça çaklamasyny barreli üçin 82,87 dollara çenli artdyryp, 105,22 dollar diýip çaklady. Muňa Edaranyň energetiki maglumatlar müdirliginiň her aýlyk çaklamalary şaýatlyk edýär. Muny Interfaks ýetirýär.
Russiýanyň, Gazagystanyň we Özbegistanyň «üçtaraplaýyn gaz birleşigi» boýunça beýanaty Türkmenistanda soraglary döredýär
Russiýa Federasiýasynyň DIM-niň wekiliniň Russiýanyň, Gazagystanyň we Özbegistanyň «üçtaraplaýyn gaz birleşigi» boýunça beýanaty türkmen tarapynda birnäçe soraglary döredýär. Bu barada «Türkmengaz» döwlet konserniniň başlygynyň orunbasary Myrat Arçaýew Türkmenistanyň Döwlet habarlar agentligine beren teswirinde aýdylýar. Ol şenbe güni neşir edildi.