Gazturbinaly elektrik bekediniň açylmagy Ýaponiýa bilen Türkmenistanyň 2021-nji ýylda hyzmatdaşlygynyň möhüm netijeleriniň biri — ilçi
16:46 04.01.2022 5198
Sentýabr aýynda Lebap welaýatynyň Çärjew etrabynda Ýaponiýa tarapyndan gurlan gazturbinaly elektrik bekediniň açylyp ulanylmaga berilmegi geçen ýylda türkmen-ýapon hyzmatdaşlygynyň möhüm wakalarynyň biri boldy. Bu barada Ýaponiýanyň Aşgabatdaky Adatdan daşary we Doly ygtyýarly ilçisi Ýamamoto Hiroýuki Täze ýyl mynasybetli Türkmenistanyň ilatyna iberen Gutlagynda belläp geçýär. Gutlag ilçihananyň resmi saýtynda neşir edildi.
Diplomatyň belleýşi ýaly, bu gazturbinaly bekediň açylyş dabarasyna Türkmenistana sapar bilen gelen Ykdysadyýet, söwda we senagat Döwlet ministri Edzima Kiýosi gatnaşdy.
Şeýle hem ilçiniň belleýşi ýaly, täze gazturbinaly elektrik beket türkmen tebigy gazyny ýapon tehnologiýalary esasynda gaýtadan işleýär we elektrik energiýasyny diňe ýurduň içine däl, eýsem, Owganystana we Özbegistana hem iberýär.
Gutlagynda jenap Hiroýuki geçen ýylyň jemlerini jemledi, şeýle hem şu ýyl üçin meýilleri gürrüň berdi.
Şeýlelikde, ilçi «täze görnüşli koronawirus ýokanjynyň global derejede ýaýramagy zerarly 2021-nji ýylyň örän çylşyrymly bolandygyny, emma muňa garamazdan, Ýaponiýa bilen Türkmenistanyň özara gatnaşyklarynyň durnukly ösýändigini, muňa ýylyň wakalarynyň şaýatlyk edýändigini» belledi.
Ykdysady hyzmatdaşlygyň beýleki möhüm netijeleriniň hatarynda diplomat wise-premýer Serdar Berdimuhamedowyň Ýaponiýa saparyny belledi. Bu saparyň barşynda Türkmenistana KOMATSU gurluşyk tehnikalaryny we TOYOTA taksilerini we awtobuslaryny ibermek taslamalarynyň resminamalaryna gol çekildi.
Ýatlatsak, 2022-nji ýylda Ýaponiýa bilen Türkmenistanyň arasynda diplomatik gatnaşyklaryň ýola goýulmagyna 30 ýyl dolýar diýip belläp, ilçi «şu ýylda köp sanly çäreleri geçirmegi meýilleşdirýändiklerini, şol sanda 30 ýyllyk ýubileýe bagyşlanan medeni çäreleri meýilleşdirýändiklerini belledi. Men, şu pursatdan peýdalanyp, türkmenistanlylaryň ählisiniň ýaponiýanyň medeniýeti we sungaty bilen tanyşlykdan lezzet almaklaryny isleýärin» diýip ilçi belledi.
Ýamamoto Hiroýuki Gutlagynda belleýşi ýaly, ikitaraplaýyn dostlukly gatnaşyklary mundan beýläk hem ösdürmek üçin ähli tagallalaryny etjekdigine ynandyryp, Türkmenistan tarapyndan hyzmatdaşlyga ýardamyna umyt bildirdi.
TÜRKMENISTANYŇ GARAŞSYZLYGYNYŇ ŞANLY 30 ÝYLLYK BAÝRAMYNA BAGYŞLANAN SERGÄ GATNAŞYJYLARA
Sizi Türkmenistanyň Garaşsyzlygynyň şanly 30 ýyllyk baýramyna bagyşlanan serginiň öz işine başlamagy bilen tüýs ýürekden gutlaýaryn. Berkarar türkmen döwletiniň baş baýramy bolan mukaddes Garaşsyzlygymyzyň şan-şöhratly 30 ýyllygy mynasybetli geçirilýän bu serginiň uly üstünliklere beslenjekdigine berk ynanýaryn.
Prezident: Türkmenistan ŞHG ýurtlary bilen energetika, ulag we beýleki ulgamlarda hyzmatdaşlyk etmekde ägirt uly mümkinçiliklere eýe
Türkmenistan Şanhaý Hyzmatdaşlyk Guramasynyň işine gyzyklanma we hormat goýmak bilen garaýar, energetika hem-de ulag ulgamlarynda, söwda we maýa goýumlarda, senagatda, obasenagat toplumynda, ýokary tehnologiýalar, innowasiýalar ulgamynda hyzmatdaşlygymyzyň uly kuwwata eýedigine düşünýäris diýip, Prezident Gurbanguly Berdimuhamedow geçen anna güni Täjigistanyň paýtagtynda Şanhaý Hyzmatdaşlyk Guramasyna agza ýurtlaryň döwlet Baştutanlarynyň Geňeşiniň sammitinde eden çykyşynda nygtady.
Türkmenistanda Halkara Nowruz güni mynasybetli dabaralar geçirildi
21-22-nji martda Türkmenistanda Milli bahar baýramy – Halkara Nowruz güni bellenilýär. Şu mynasybetli Türkmenistanyň ähli welaýatlarynda, şol sanda Arkadag şäherinde dabaralar geçirildi.
TDHÇMB-niň söwdalarynda içerki bazar üçin nebitgaz toplumynyň önümleri satyn alyndy
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 291-si hasaba alyndy.
Türkmenistan we Italiýa ulag ulgamynda hyzmatdaşlyk etmek hakynda Ähtnama gol çekdiler
20-nji martda türkmen wekiliýetiniň Rime amala aşyran saparynyň dowamynda Türkmenistanyň Daşary işler ministri R.Meredow we Türkmenistanyň Ministrler Kabinetiniň ýanyndaky Ulag we kommunikasiýalar agentliginiň Baş direktory M. Çakyýew bilen Wise-premýer, Italiýanyň infrastruktura we ulag ministri Matteo Salwininiň arasynda duşuşyk geçirildi. Duşuşyga Italiýanyň ulag pudagynyň esasy bölümleriniň wekilleri hem gatnaşdylar. Bu barada Türkmenistanyň DIM-inde habar berdiler.