«Täjibaý» känindäki täze guýudan tebigy gaz akymy alyndy
10:59 26.08.2020 9385
«Täjibaý» käninden günlük debiti 400 müň kub metrlik tebigy gazyň senagat akymy alyndy.
Garagum sährasynyň geljegi uly meýdançasynda gözleg guýusyny «Türkmengeologiýa» döwlet korporasiýasynyň «Lebapnebitgazgözleg» ekspedisiýasynyň hünärmenleri üstünlikli işläp taýýarladylar. Täze guýynyň öndürijilikli plasty 3700 metr çuňlukda ýerleşýär.
«Türkmengeologiýa» DK-nyň ygtyýarynda — buraw işleriniň tizligini we hilini ýokarlandyrmaga mümkinçilik berýän ýokary öndürijilikli enjamlardyr tehnikalar bar.
Lebap welaýatynyň günortasynda ýerleşen «Täjibaý» täze gaz käni 2019-njy ýylyň dekabrynda ulanyşa girizildi. Bu ýerde «mawy ýangyjy» senagat taýdan çykarmak işini «Türkmengaz» döwlet konserniniň Lebap gazçykaryş müdirliginiň hünärmenleri alyp barýarlar. Ilkinji ulanyş guýusyndan eýýäm onlarça million kub metr gaz alyndy. Ýakyn ýyllarda promyselde tebigy gazyň çykarylyşy täze ulanyş guýularyny işe girizmegiň hasabyna düýpli artar.
2019-njy ýylyň oktýabrynda «Türkmenistanyň nebiti we gazy – 2019» halkara maslahatynda habar berlişi ýaly, Türkmenistanyň uglewodorod serişdeleri 71 milliard tonna nebit barabarlygynda bahalandyrylýar, şolardan 20 mlrd tonna nebit we 50 trln kub metrden gowrak tebigy gaz. Gaz ätiýaçlygy boýunça iň irisi 27,4 trln kub metr gazy bolan «Galkynyş» käni bolup durýar.
Türkmenistanda nebiti gaýtadan işleýän senagaty ösdürmegiň Konseptual strategiýasynyň tehniki-ykdysady esaslandyrmasy işlenip düzülýär
Türkmenistanyň Prezidenti Gurbanguly Berdimuhamedowyň geçen anna güni geçiren giňişleýin Hökümet mejlisinde Ministrler Kabinetiniň Başlygynyň orunbasary Ş.Abdrahmanow ýangyç-energetika toplumyndaky işleriň ýagdaýy hem-de nebiti gaýtadan işleýän senagaty kämilleşdirmek boýunça alnyp barylýan işler we ugurdaş, uzak möhletli iş meýilnamalarynyň taýýarlanylyşy barada hasabat berdi.
Türkmenistan Kazanda «Russia Halal Expo 2025» Halkara sergisinde Milli pawilýonyny hödürledi
Tatarstan Respublikasynyň paýtagtynda «Russia Halal Expo 2025» Halkara sergisi geçirilýär. Sergä Türkmenistan Milli pawilýony gatnaşýar diýip, TDH habar berýär.
Türkmenistanyň Prezidenti Petronas we ADNOC kompaniýalarynyň ýolbaşçylary bilen nebitgaz ulgamynda hyzmatdaşlygyň geljegini maslahatlaşdy
14-nji maýda Türkmenistanyň Prezident Serdar Berdimuhamedow Malaýziýanyň “PETRONAS” we Birleşen Arap Emirlikleriniň ADNOC kompaniýalarynyň ýolbaşçylary bilen duşuşyklary geçirdi.
Türkmenistanyň Prezidenti wezipesine dalaşgärleri hödürlemek we bellige almak dowam edýär
Geçen şenbe güni Türkmenistanda Saýlawlary we sala salşyklary geçirmek boýunça merkezi toparyň ýolbaşçysynyň hem-de agzalarynyň, köpçülikleýin habar beriş serişdeleriniň wekilleriniň gatnaşmagynda toparyň nobatdaky mejlisinde Türkmenistanyň Prezidenti wezipesine raýatlaryň teklipçi toparlary tarapyndan hödürlenen dalaşgärleri bellige almak meselesi girizildi.
Nebitgazçy türgenleriň üstünligi
2024-nji «Pähim-paýhas ummany Magtymguly Pyragy» ýylynda «Türkmennebit» döwlet konserniniň TNGIZT-niň Medeni-sport toplumynyň erkin göreş boýunça türgenleri, Türkmenistanyň erkin göreş boýunça ýygyndy toparynyň baş tälimçisi Afis Weliýewiň taýýarlamagynda, iýul aýynyň 5 — 7-si aralygynda Gazagystan Respublikasynyň Aktau şäherinde birnäçe döwletiň gatnaşmagynda «Kaýrat Buhanow» ýadygärligine bagyşlanyp geçirilen erkin göreş boýunça ýaryşa gatnaşdylar.