Geologlar Lebap welaýatynyň ýerasty suwlarynyň ätiýaçlyklaryny artdyrýarlar
21:33 09.09.2020 5009
«Türkmengeologiýa» döwlet korporasiýasynyň Köýtendag geologiýa gözleg ekspedisiýasynyň hünärmenleri Lebap welaýatynyň ilatly nokatlaryny ýeterlik möçberde agyz suwy bilen üpjün etmek maksady bilen ýerasty suwlary gözlemek, olaryň ätiýaçlyklaryny kesgitlemek, şeýle hem guýulary ulanmak boýunça işleri alyp barýarlar.
Ýurdumyzyň iri senagat sebitini ýokary hilli agyz suwy we suwaryş suwlary bilen üpjün etmek işi — «Türkmengeologiýa» döwlet korporasiýasynyň gidrogeologiýa eskpedisiýasynyň işiniň ileri tutulýan ugry bolup durýar. Gidrogeologlar ýokary önümçilik görkezijilerini gazanmak bilen bu wezipäni üstünlikli çözýärler.
Häzirki wagtda ekspedisiýa ýerasty suw plastlaryny gözlemek, olaryň ätiýaçlyklaryny kesgitlemek, şeýle hem hereket edýän guýularyň ýagdaýyna gözegçilik etmek işlerini dowam etdirýärler. Ýerasty suwlarynyň ätiýaçlyklaryny bahalandyrmak — geologlar tarapyndan amala aşyrylýan işleriň iň çylşyrymlylarynyň biri. Geçen ýylda Halaç etrabynyň çäginde birnäçe guýular burawlandy, Garabekewül guýusynda suwuň ulanyş ätiýaçlyklarynyň bahalandyrmasy geçirildi.
Türkmenistanyň ilatly nokatlaryny arassa agyz suwy bilen üpjün etmek boýunça Baş maksatnamanyň çäklerinde köp sanly suw arassalaýjy toplumlar guruldy. Täze suw guýulary suw arassalaýjy desgalara suwy netijeli ýetirmekligi üpjün etmekde esasy serişde bolup durýar.
Gurbanguly Berdimuhamedow: Türkmenistan Hytaýa tebigy gazyň ibermelerini artdyrmak meselesini maslahatlaşmaga taýýar
Türkmenistan tebigy gazyň Hytaýa iberilýän möçberlerini artdyrmak meselelerini jikme-jik ara alyp maslahatlaşmaga taýýardyr diýip, Prezident Gurbanguly Berdimuhamedow Hytaý bilen Merkezi Aziýa ýurtlarynyň arasynda diplomatik gatnaşyklaryň ýola goýulmagynyň 30 ýyllygy mynasybetli geçirilen sammitde aýtdy.
2021-nji ýylyň jemleri boýunça Türkmenistan Gruziýa awia ýangyç ibermekde lider boldy
2021-nji ýylda Gruziýa awiasion ýangyjyny ibermekde Türkmenistan birinji orny eýeledi diýip, Report agentligi Gruziýanyň nebit önümlerini import edijiler birleşigine salgylanyp habar berýär. Geçen ýylda Türkmenistandan Gruziýa 57,7 müň tonna awiaýangyç iberildi.
TNGIZT-niň önümleri birža söwdalarynda esasy orny eýeleýär
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 26-sy hasaba alyndy.
«Marygazüpjünçilik» müdirligi welaýatyň sarp edijilerini gaz bilen bökdençsiz üpjün edýär
«Marygazüpjünçilik» müdirliginiň önümçilik bölümleriniň gazçylary tutuş ýylyň dowamynda Mary welaýatynyň ilatyny tebigy gaz bilen bökdençsiz üpjün etmek boýunça çäreleri yzygiderli ýerine ýetirýärler. Gaz hojalyk kärhanalarynyň ýokary hilli taýýarlygy gaz üpjünçilik ulgamynyň gyş möwsüminde ygtybarly işlemegine ýardam edýär.
Türkmenistanyň, Pakistanyň we Hindistanyň DIM-leriniň ýolbaşçylary TOPH taslamasynyň durmuşa geçirilişini maslahatlaşdylar
Türkmenistan – Owganystan – Pakistan – Hindistan gaz geçirijisiniň gurluşygynyň taslamasyny durmuşa geçirmek meseleleri Türkmenistanyň daşary işler ministri Raşid Meredowyň Hindistandan kärdeşi Subramanýam Jaýşankar we Pakistandan Şah Mahmud Kureýşi bilen geçiren telefon arkaly söhbetdeşliginde maslahatlaşyldy diýip, Türkmenistanyň daşary syýasat edarasynyň saýty habar berýär.