22-nji awgustda Türkmenistanyň Döwlet haryt-çig mal biržasynyň söwdalarynda umumy bahasy ABŞ-nyň 5,4 mln dollaryna barabar bolan 12 sany geleşik baglaşyldy diýip, ORIENT agentligi habar berýär.
Türkiýeden we Owganystandan gelen telekeçiler ABŞ-nyň 3,1 mln dollaryna umumylykda 6 müň tonna suwuklandyrylan gaz satyn aldylar. Suwuklandyrylan gazyň bahasy geçenki söwdalar bilen deňeşdirilende 11,4% aşaklady we 1 tonnasy ABŞ-nyň 519 dollaryna deň boldy.
Birleşen Arap Emirlikleriniň wekilleri söwdalaryň barşynda ТС-1 awiasion kerosininiň 2 müň tonnasyny satyn aldylar. Geleşigiň umumy bahasy ABŞ-nyň 2,3 mln dollaryna barabar boldy. Nebit önüminiň bahasy geçenki söwdalar bilen deňeşdirilende 6,5% artyp, bir tonnasy ABŞ-nyň 1 müň 180,50 dollaryna barabar boldy.
