Türkmenistanyň Prezidenti Serdar Berdimuhamedow we Russiýa Federasiýasynyň Prezidenti Wladimir Putin Şanhaý Hyzmatdaşlyk Guramasynyň çäklerinde ikitaraplaýyn duşuşyk geçirerler. Bu barada Russiýanyň öňdebaryjy habarlar agentlikleri RF-niň Prezidentiniň halkara işleri boýunça kömekçisi Ýuriý Uşakowa salgylanyp habar berýär.
ŞHG sammiti 15-16-njy sentýabrda Samarkand şäherinde geçiriler. Türkmenistanyň Prezidenti Serdar Berdimuhamedow sammite hirmatly myhman hökmünde gatnaşar.
Şeýle hem çärä ŞHG agza döwletleriň — Hindistanyň, Gazagystanyň, Hytaýyň, Gyrgyzystanyň, Pakistanyň, Russiýanyň, Täjigistanyň we Özbegistanyň Baştutanlarynyň, şeýle hem synçy döwletleriň — Belarusuň, Eýranyň we Mongoliýanyň Baştutanlarynyň gatnaşmagyna garaşylýar.
Garaşylyşy ýaly, ŞHG-niň sammitiniň hormatly myhmanlary hökmünde Türkmenistanyň Prezidentinden başga-da, Ermenistanyň, Azerbaýjanyň we Türkiýäniň Liderleriniň gatnaşmagyna garaşylýar.
Kremlde ŞHG sammitiniň çäklerinde ýigrimä golaý resminamanyň gol çekilmegine garaşylýar. Hususan-da, bu esasan özara hasaplaşyklarda milli walýutalaryň paýyny barha güýçlendirmäge gönükdiriler.
