Halkara nebit we gaz uniwersitetiniň wekilleri Dubaýda WETEX 2024 halkara sergisine gatnaşýarlar
11:50 03.10.2024 5840
Ýagşygeldi Kakaýew adyndaky Halkara nebit we gaz uniwersitetiniň mugallymlary we talyplary ýurdumyzyň wekiliýetiniň düzüminde 1-3-nji oktýabr aralygynda BAE-de Dubai World Trade sergi merkezinde geçirilýän “Suw, energiýa, tehnologiýalar we daşky gurşaw” (WETEX 2024) halkara sergisine gatnaşýarlar.
Belläp geçsek, 2022-nji ýylda Ýagşygeldi Kakaýew adyndaky HNGU, “Türkmennebit” döwlet konserni we “Dragon Oil (Turkmenistan) Ltd” kompaniýasy ylym we bilim ulgamynda hyzmatdaşlyk etmek hakynda ylalaşyga gol çekdiler. Ylalaşygyň çäklerinde uniwersitetiň mugallymlary we talyplary ýel energetikasyny ulanmagyň innowasion tehnologiýasyny işläp düzdüler. Bu tehnologiýany Dragon Oil kompaniýasynyň türkmen şahamçasy bilen bilelikde Hazar deňziniň kenarynda önümçilige ornaşdyrmak meýilleşdirilýär.
Ýel energiýasyny elektrik toguna özgerdýän enjamyň maketini HNGU WETEX 2024 sergisiniň çäklerinde Dragon Oil-iň pawilýonynda hödürledi.
Halkara sergä 62 ýurtdan 2600 töweregi kompaniýa gatnaşýar. Sergide türkmen ýokary okuw mekdebiniň mugallymlary we talyplary şeýle hem energiýanyň gaýtadan dikeldilýän çeşmeleri ulgamynda dünýäniň iň gowy tejribeleri bilen tanyşýarlar.
HNGU-nyň wekilleri 1-nji oktýabrda energetikanyň geljegine, nebitgaz pudagyna ornaşdyrylýan täze tehnologiýalara, metan galyndylarynyň atmosfera zyňylmagyny azaltmaga, nebit galyndylarynyň ekologiýa meselelerine bagyşlanan maslahatlara gatnaşdylar. Maslahatda Dragon Oil we Enoc kompaniýalarynyň ýolbaşçylary, şeýle hem Şarji uniwersitetiniň professorlary çykyş etdi diýip, Orient habar berýär.
Türkmenistanyň Prezidenti resmi sapar bilen Malaýziýa bardy
18-nji dekabrda Prezident Serdar Berdimuhamedow resmi sapar bilen Malaýziýa ugrady diýip, TDH habar berýär.
«Halkara ulag-üstaşyr geçelgeleri: özara baglanyşyklylyk we ösüş» Halkara maslahaty 18-20-nji iýulda geçiriler
18-20-nji iýulda Aşgabatda «Halkara ulag-üstaşyr geçelgeleri: özara baglanyşyklylyk we ösüş» Halkara maslahaty geçiriler. Forumyň maksady pandemiýadan soňky dikeldiş boýunça ileri tutulýan meseleleri maslahatlaşmak, halkara daşamalar ulgamynda täze şertlere uýgunlaşmak we netijeli halkara ulag-üstaşyr geçelgelerini ösdürmek bolup durýar.
Energetika hyzmatdaşlygyny ösdürmek — Azerbaýjanyň wekiliýeti bilen duşuşygyň üns merkezinde
Çarşenbe güni Türkmenistanyň Daşary işler ministrliginiň binasynda wise-premýer, Türkmenistanyň Daşary işler ministri Raşid Meredowyň Aşgabada iş sapary bilen gelen Azerbaýjan Respublikasynyň Ykdysadyýet ministri Mikail Jabbarowyň baştutanlygyndaky wekilýet bilen duşuşygynda energetika ulgamynda ikitaraplaýyn hyzmatdaşlygy ösdürmegiň mümkinçilikleri ara alnyp maslahatlaşyldy. Bu barada Türkmenistanyň daşary syýasat edarasynyň saýty habar berýär.
Türkmen-amerikan işewürlik forumynda özara hyzmatdaşlygyň ileri tutulýan ugurlary maslahatlaşyldy
16-njy dekabrda Türkmenistanyň Söwda-senagat edarasynyň binasynda Türkmen-amerikan işewürlik maslahaty geçirildi. Duşuşygyň dowamynda taraplar ikitaraplaýyn hyzmatdaşlygyň häzirki meselelerini ara alyp maslahatlaşdylar we ýakyn geljek üçin maksatlary kesgitlediler.
Russiýa we Türkmenistan söwda-ykdysady we ulag ulgamlarynda işjeň hyzmatdaşlyk edýär – RF-niň ilçisi
Russiýa Federasiýasynyň Türkmenistandaky ilçisi Iwan Wolynkin tamamlanyp barýan 2024-nji ýylda türkmen-russiýa gatnaşyklarynyň netijelerine bagyşlanyp 18-nji dekabrda geçirilen metbugat maslahatynda iki ýurduň arasynda söwda-ykdysady we ulag ulgamlaryndaky işjeň hyzmatdaşlyk barada durup geçdi. Maslahata rus hem türkmen habar beriş serişdeleriniň wekilleri çagyryldy.