Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň 10-njy awgustda Owganystana amala aşyran taryhy iş sapary ikitaraplaýyn gatnaşyklary ösdürmekde möhüm waka boldy. Bu iş sapary Gahryman Arkadagymyzyň başyny başlan hem-de hormatly Prezidentimiz Serdar Berdimuhamedowyň baştutanlygynda gurluşyk işleri ilerleýän Türkmenistan — Owganystan — Pakistan — Hindistan halkara gaz geçirijisiniň (TOPH) taslamasyny amala aşyrmagyň täze depginini kesgitledi.

«Garaşsyz, baky Bitarap Türkmenistan — bedew batly at-myradyň mekany» ýylynda mukaddes Garaşsyzlygymyzyň şanly 35 ýyllyk toýuna giňden taýýarlyk görülýän günlerde milli ykdysadyýetimiziň beýleki pudaklarynda bolşy ýaly, nebitgaz toplumynda hem guwandyryjy zähmet ýeňişleri gazanylýar. Ýakynda Hazar deňziniň türkmen böleginde ýerleşýän «Magtymguly» gaz käninde A8 belgili ulanyş guýusyndan bir gije-gündizde 1 million 300 müň kub metrden gowrak senagat ähmiýetli tebigy gaz akymynyň hem-de 130 tonna golaý gaz kondensatynyň alynmagy bu ugurdaky üstünlikleriň aýdyň subutnamasydyr.

Şu ýylyň 15-nji iýulynda paýtagtymyz Aşgabat şäherinde geçirilen Türkmenistanyň Halk Maslahatynyň Prezidiumynyň mejlisinde barha golaýlaşýan baş baýramymyz bolan ýurt Garaşsyzlygymyzyň şanly 35 ýyllygyny we onuň öňüsyrasynda boljak Türkmenistanyň Halk Maslahatynyň nobatdaky mejlisini ýokary guramaçylyk ýagdaýynda geçirmek meseleleri ara alnyp maslahatlaşyldy.

Häzirki zaman dünýäsiniň iň bir kämil desgalarydyr enjamlaryna eýe bolan «Türkmennebit» döwlet konserniniň «Körpeje» buraw işleri müdirliginiň hünärmenleri Garaşsyz Diýarymyzyň esasy ýerasty baýlyklary bolan «gara altynyň» we «mawy ýangyjyň» çykarylýan möçberleriniň durnukly artdyrylmagyna mynasyp goşant goşmagy başarýarlar.

Ýurdumyzyň beýleki ýokary we ýörite orta hünär okuw mekdeplerinde bolşy ýaly, «Türkmengaz» döwlet konserniniň Mary nebitgaz orta hünär okuw mekdebinde-de hormatly Prezidentimiziň öňdengörüjilikli syýasaty esasynda ýaşlaryň saýlap alan hünärini kämil derejede ele almaklary üpjün edilýär. Okuw mekdebinde hünär alan ýaşlaryň uly topary her ýylda döwletimiziň milli ykdysadyýetiniň esasy pudagy bolan nebitgaz senagatynyň edara-kärhanalarynyň önümçiligine işe ugradylýar.

Ýurdumyzyň günbatar sebitindäki hazynaly ýataklardan uglewodorod çig mallaryny gözläp tapmagy «Türkmennebit» döwlet konserniniň «Türkmennebitgeofizika» müdirliginiň hünärmenleriniň irginsiz we netijeli zähmetinden aýrybaşga göz öňüne getirmek kyndyr. Baýlyklar känlerinde gazylan hem-de burawlaýyş işleri dowam edýän guýularda ýeriň geofiziki gatlaklaryny anyk öwrenmek, takyklanan öndümli çuňluklarda zerur bolan halatynda partlaýyş işlerini amala aşyrmak ýaly möhüm işler hut şu kärhanada ýerine ýetirilýär.

Garaşsyz, hemişelik Bitarap ýurdumyzda durmuşa geçirilýän ägirt uly özgertmeleriň amala aşyrylmagynda we milli ykdysadyýetimizde belent ösüşleriň gazanylmagynda nebiti gaýtadan işleýän senagata möhüm orun degişlidir. «Türkmennebit» döwlet konserniniň Türkmenbaşydaky nebiti gaýtadan işleýän zawodlar toplumy öz önümleri bilen barha meşhurlyga eýe bolýar. Bu ýerde öndürilýän ýokary hilli nebit we nebithimiýa önümlerine dünýäde uly isleg bildirilýär.

2026-njy ýylyň 16-17-nji sentýabrynda Seulda geçirilmegi meýilleşdirilýän «Merkezi Aziýa — Koreýa Respublikasy» atly birinji sammitine taýýarlygyň çäklerinde Türkmenistana «Yonhap» belli koreý habarlar agentliginiň habarçysy Son Dо Hýon geldi.

Döwletli Diýarymyzyň gündogar sebitinde şu ýylyň alty aýynda 12,7 müň tonna nebit ýol bitumy öndürilip, geçen ýylyň degişli döwri bilen deňeşdirilende, önümçilikde 2,4 göterim ösüş gazanyldy. Geçen ýylyň ýanwar — iýun aýlarynda bu görkeziji 12,4 müň tonna deň bolupdy. Şeýlelikde, hasabat döwründe bitum önümçiliginiň möçberi 300 tonna artdy. Bu ösüş «Türkmennebit» döwlet konserniniň Seýdiniň nebiti gaýtadan işleýän zawodynda önümçiligiň durnukly alnyp barylýandygyny görkezýär.

Barha golaýlaşýan mukaddes Garaşsyzlygymyzyň 35 ýyllyk şöhratly senesini mynasyp zähmet sowgatlary bilen garşylamak höwesi şu günler welaýatyň ilatyny we edara-kärhanalaryny tebigy gaz bilen bolelin üpjün etmek ugrunda öwgä mynasyp işleri alyp barýan «Daşoguzgazüpjünçilik» müdirliginiň ýerlerdäki gaz hojalyk edaralarynyň işçi-hünärmenleriniň baş maksadyna öwrüldi.

Döwletimiz tarapyndan halkymyza berilýän eşretleriň biri — tebigy gaz bilen ilaty ýylyň bütin dowamynda bökdençsiz üpjün etmek gaz hojalyk edaralarynyň işgärleriniň baş aladasy bolup durýar. Şoňa görä, olar sarp edijileri «mawy ýangyç» bilen gündelik ýeterlik möçberde üpjün etmek bilen birlikde, gaz enjamlarynyň tebigy gazyň köp sarp edilýän döwri bolan gyş möwsümine birkemsiz taýýar edilmegini hem hemişe üns merkezinde saklaýarlar.

Hormatly Prezidentimiz «Garaşsyz, baky Bitarap Türkmenistan — bedew batly at-myradyň mekany» ýylynyň 10-njy iýulynda şu ýylyň geçen alty aýynda ýurdumyzda alnyp barlan işleriň jemlerine bagyşlap geçiren Ministrler Kabinetiniň giňişleýin mejlisinde nebitgaz toplumyna degişli kärhanalary döwrebaplaşdyrmak, önümçilik kuwwatyny yzygiderli artdyrmak boýunça alnyp barylýan işleri dowam etdirmegiň, geologiýa-gözleg işlerini geçirmek

«Türkmengaz» döwlet konserniniň baýry zähmet köpçüliginiň biri bolan «Daşoguzgazüpjünçilik» müdirliginiň gazçylarynyň gojaman Şabady etekläp oturan Daşoguz şäheriniň ilatyny we edara-kärhanalaryny tebigy gaz bilen talabalaýyk üpjün etmekde durmuşa geçirýän işleri aýratyn buýsanç bilen bellenmäge mynasypdyr.

«Türkmennebit» döwlet konserniniň «Nebitgazburawlaýyş» trestiniň burawlaýjylary mukaddes Garaşsyzlygymyzyň 35 ýyllyk şanly senesiniň dabaraly belleniljek «Garaşsyz, baky Bitarap Türkmenistan — bedew batly at-myradyň mekany» ýylyny ýokary zähmet ýeňişlerine besleýärler.

«Türkmennebit» döwlet konserniniň «Körpeje» gaz çykaryş müdirligi soňky ýyllarda tehniki-ykdysady üpjünçilik babatda yzygiderli täzelenişi başdan geçirýär.