«Türkmenistanyň nebiti we gazy — 2024» atly halkara forumyna gatnaşyjylara söz berýäris
16:01 29.10.2024 3780
«Sino Petroleum Technology inc» (SPT) hytaý kompaniýasynyň direktorynyň orunbasary Gen Ten Ten:
— Biziň kompaniýamyz Aşgabatda her ýyl geçirilýän halkara nebitgaz forumyna yzygiderli gatnaşýar. Şu gezek geçirilen «Türkmenistanyň nebiti we gazy — 2024» atly halkara maslahat we sergi oňa gatnaşanlaryň sany bilen tapawutlandy, munuň özi ýurduň möhüm pudagyny ösdürmäge täze itergi berýän giň gerimli çärä bolan gyzyklanmanyň artýandygyna şaýatlyk edýär.
Serginiň çäklerinde biz köne dostlarymyz we hyzmatdaşlarymyz bilen duşuşdyk, aýratyn-da, täze hyzmatdaşlar bilen gatnaşyklary ýola goýandygymyzy bellemek gerek. Sergide täze enjamlar we tehnologiýalar, şeýle hem nebiti, gazy gaýtadan işlemekden alynýan önümler bilen giňden tanyşdyryldy, munuň özi pudagyň täze meýilleri, islegleri bilen tanyşmaga mümkinçilik berýär.
Biziň kompaniýamyz Türkmenistanda 17 ýyldan gowrak wagt bäri işleýär. Biz öňdebaryjy tehnologiýalary, ýokary hilli enjamlary ulanmak bilen kompressorlara tehniki taýdan hyzmat etmek, gurallary taýýarlamak, ýataklara tehnologik hyzmatlary etmek we beýleki işleri ýerine ýetirýäris.
«Türkmenistanyň nebiti we gazy — 2024» atly maslahatyň tematikasy örän derwaýys we gyzykly bolup durýar. Şu gezek geçirilen forum pikir alyşmak, hyzmatdaşlygy berkitmek we strategiýalary işläp taýýarlamak üçin niýetlenen platforma öwrüldi. Bu möhüm sebit we halkara wakasy nebitgaz taslamalarynyň esasy meseleleri boýunça tejribe alyşmak üçin ýokary wezipeli ýolbaşçylary bir ýere jemledi, şeýle hem Türkmenistanyň nebitgaz pudagyna maýa goýmagyň ugurlary hem-de ileri tutulýan taslamalar barada täze maglumatlary almaga mümkinçilik döretdi.
«Türkmenistanyň nebiti we gazy — 2024» atly halkara maslahat we sergi hem-de tejribe alyşmaga, dünýä energetikasynyň geljegi üçin hyzmatdaşlyk etmek hakynda ylalaşyk baglaşmaga bolan islegi artdyrdy.
TDHÇMB-niň söwdalarynda daşarky we içerki bazarlara ýangyç-energetika toplumynyň önümleri ýerlenildi
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 18-si hasaba alyndy.
Margaritis Şinas: Aşgabada saparymyz ÝB-Türkmenistan gatnaşyklaryna ähli ugurlarda täze itergi berer
Aşgabada saparymyz ÝB-Türkmenistan gatnaşyklaryna ähli ugurlarda täze itergi berer. Bu barada Ýewropa Komissiýasynyň wise-prezidenti Margaritis Şinas çarşenbe güni Türkmenistana saparynyň netijeleri boýunça geçiren brifinginde belledi diýip, ÝB-niň Türkmenistandaky wekilhanasy habar berýär.
Daşoguz welaýatynyň telekeçileri ýerli polietilenden we polipropilenden önümleriň öndürilişini artdyrýarlar
Daşoguz welaýatynyň telekeçileri ýerli önümçilikdäki sintetiki polimerlerden taýýarlanylýan önümleriň görnüşlerini artdyrýarlar. Şeýlelikde, täze harytlaryň sanawynda örülýän bakja mebeli peýda boldy. Onuň esasy çig maly hökmünde polietilen we polipropilen ulanylýar.
Türkmenistanyň Prezidenti GDA-nyň sammitine gatnaşmak üçin iş sapary bilen Russiýa Federasiýasyna bardy
7-nji oktýabrda Prezident Serdar Berdimuhamedow Garaşsyz Döwletleriň Arkalaşygynyň döwlet Baştutanlarynyň Geňeşiniň mejlisine gatnaşmak üçin iki günlük iş sapary bilen Russiýa Federasiýasyna bardy diýip, TDH habar berýär.
Türkmenistanyň we Dragon Oil-yň wekilleri gämi gurluşyk ulgamynda hyzmatdaşlygy maslahatlaşdylar
«Türkmendeňizderýaýollary» agentliginiň wekilleri bilen «Dragon Oil» (BAE) kompaniýasynyň wekilleriniň arasynda geçen hepdede wideoaragatnaşyk arkaly geçirilen duşuşygyň dowamynda özara hyzmatdaşlygy mundan beýläk hem giňeltmek boýunça meseleler ara alnyp maslahatlaşyldy. Bu barada «Türkmendeňizderýaýollary» agentliginiň saýty habar berýär.