19-njy martda Aşgabatda halkara maslahatynda ýangyç-energetika we ulag ulgamlarynda sebit taslamalary maslahatlaşylar
15:27 11.03.2025 2709
19-njy martda Aşgabatda “Halkara parahatçylyk we ynanyşmak ýyly: durnukly ösüşi üpjün etmekde sebitara ykdysady hyzmatdaşlygynyň orny” atly halkara maslahaty geçiriler. Bu barada Türkmenistanyň daşary işler ministri Raşid Meredow 10-njy martda DIM-niň binasynda geçirilen brifingde aýtdy.
Duşuşyga Türkmenistanda işleýän diplomatik wekilhanalarynyň hem-de halkara guramalarynyň wekilhanalarynyň ýolbaşçylary we işgärleri, milli hem-de daşary ýurt KHBS-iň ýolbaşçylary hem-de wekilleri gatnaşdylar.
Bu çäräniň işiniň Merkezi we Günorta Aziýadaky energetika, ulag hem-de infrastruktura taslamalarynyň geosyýasy we geoykdysady ähmiýeti, TOPH gaz geçirijisi, TOP ugry boýunça elektrik geçiriji ulgamynyň gurluşygynyň orny we ähmiýeti, Merkezi we Günorta Aziýa sebitleriň ulag arabaglanyşygy, şeýle hem bu sebitlerde ykdysady taslamalaryň durmuşa geçirilmegine maliýe institutlarynyň gatnaşmagy ýaly mowzuklara gönükdirilmegi meýilleşdirilýär.
Brifing 2025-nji ýylyň “Halkara parahatçylyk we ynanyşmak ýyly” diýlip yglan edilmegi hem-de Türkmenistanyň hemişelik Bitaraplygynyň 30 ýyllygy mynasybetli Türkmenistanyň Hökümetiniň halkara guramalary bilen bilelikde geçirjek halkara çärelerine bagyşlandy.
Brifingiň dowamynda şu ýylyň mart aýynda geçiriljek halkara derejesindäki has möhüm duşuşyklar barada habar berildi.
TDHÇMB-niň söwdalarynda daşarky we içerki bazarlara nebitgaz toplumynyň önümleri ýerlenildi
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 45-si hasaba alyndy.
«Türkmennebit» DK nebit önümçiligini artdyrmak üçin 250 mln manatdan gowrak karz serişdelerini alar
«Türkmennebit» döwlet konsernine nebitgaz ýataklaryny gözlemegiň we özleşdirmegiň hasabyna nebitiň çykarylýan möçberini artdyrmak boýunça göz öňünde tutulan işleri maliýeleşdirmek üçin 250 million manatdan gowrak möçberde maýa goýum serişdeleri bölünip berler. Degişli karara Prezident Gurbanguly Berdimuhamedow sişenbe güni geçirilen iş maslahatynda gol çekdi. Iş maslahatyna Ministrler Kabinetiniň Başlygynyň ýangyç-energetika toplumyna gözegçilik edýän orunbasary Ş.Abdrahmanow gatnaşdy.
Şaşka bäsleşigi
Aklar başlaýar we utýar
Mejlisde Ýewroparlamentiň wekilleri bilen duşuşykda hyzmatdaşlygyň ileri tutulýan ugurlary maslahatlaşyldy
Mejlisiň Başlygy D.Gulmanowanyň ýurdumyzda iş sapary bilen bolýan Ýewropa parlamentiniň Merkezi Aziýa ýurtlary we Mongoliýa boýunça wekiliýetiniň ýolbaşçysy Tomaş Zdehowskiý bilen duşuşygynda söwda-ykdysady, ulag-kommunikasiýa, energetika we ynsanperwer-medeni ugurlarda özara gatnaşyklaryň ileri tutulýan ugurlary maslahatlaşyldy. Bu barada Türkmenistanyň DIM-niň saýty habar berýär.
Türkmenistanyň Milli Geňeşiniň Halk Maslahatynyň mejlisinde ýurdumyzy ösdürmegiň 2052-nji ýyla çenli ileri tutulýan ugurlary maslahatlaşylýar
Şu gün ýurdumyzda Türkmenistanyň Milli Geňeşiniň Halk Maslahatynyň nobatdan daşary mejlisi geçirilýär. Onuň işine Türkmenistanyň Prezidenti, Türkmenistanyň Milli Geňeşiniň Halk Maslahatynyň Başlygy – hormatly Prezidentimiz Gurbanguly Berdimuhamedow başlyklyk edýär.