Nebiti eksport ediji döwletleriň guramasy (OPEC) Türkmenistan bilen gatnaşyklaryny berkitmäge taýýar. Bu barada OPEC-niň Baş sekretary Mohammed Sanusi Barkindo şu gün Aşgabatda açylan «Türkmenistanyň nebiti we gazy» 26-njy halkara maslahatyna gatnaşyjylara wiseoýüzlenmesinde aýtdy.

Sizi gözel paýtagtymyzda ýigrimi altynjy gezek geçirilýän «Türkmenistanyň nebiti we gazy — 2021» atly halkara maslahatyň öz işine başlamagy bilen tüýs ýürekden gutlaýaryn. Watanymyzyň nebitgaz pudagyny ösdürmek ugrunda alyp barýan işleriňizde rowaçlyklary arzuw edýärin.

«Türkmenistanyň nebiti we gazy — 2021» atly XXVI halkara maslahatynyň öňüsyrasynda ÝHHG nebitgaz ulgamynda energetika diplomatiýasynyň strategiýasyny işläp düzmekde we ilerletmekde öňdebaryjy halkara tejribesine bagyşlanyp, Aşgabatda onlaýn seminar geçirdi.

Türkmenistanyň we Gazagystanyň Prezidentleri hazarýaka döwletleriniň Baştutanlarynyň Sammitiniň yzygiderli geçirilip durulmagynyň zerurdygyny nygtadylar. Bu barada Gurbanguly Berdimuhamedowyň we Kasym-Žomart Tokaýewiň Aşgabatda ýokary derejede geçiren gepleşikleriniň netijesinde kabul edilen Bilelikdäki Beýanynda aýdylýar.

Ýangyç-energetika toplumynda özara bähbitli hyzmatdaşlygy ösdürmegiň mümkinçilikleri türkmen-gazak söwda-ykdysady gatnaşyklarynyň ileri tutulýan ugurlarynyň hatarynda durýar. Bu barada Prezident Gurbanguly Berdimuhamedowyň we Gazagystan Respublikasynyň Prezidenti Kasym-Žomart Tokaýewiň arasyndaky Aşgabatda geçirilen gepleşikleriň barşynda bellenildi.

Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 43-si hasaba alyndy.

Türkmenistan Ýaponiýanyň Osaka şäherinde emeli döredilen Ýumesima adasynda “Biz ýaşaýşymyz üçin geljegiň jemgyýetini döredýäris” şygary astynda geçiriljek “EKSPO — 2025” Bütindünýä sergisine gatnaşmagy meýilleşdirýär. Sergä gatnaşmagyň ýokary derejesini üpjün etmek bilen baglanyşykly alnyp barylýan işler barada geçen hepdäniň anna güni geçirilen Hökümet mejlisinde hasabat berildi.

27-28-nji oktýabrda Aşgabatda geçirilmegi meýilleşdirilen “Türkmenistanyň nebiti we gazy — 2021” atly XXVI halkara maslahata taýýarlyk görlüşi barada Ministrler Kabinetiniň Başlygynyň orunbasary Ş.Abdrahmanow geçen anna güni sanly wideoaragatnaşyk arkaly geçirilen Hökümet mejlisinde döwlet Baştutanyna hasabat berdi.

Türkmenistanyň Şweýsariýa Konfederasiýasyndaky Ilçihanasynyň başlangyjy bilen Türkmenistanyň Söwda-senagat edarasynyň (TSSE) hem-de Şweýsariýa Konfederasiýasynyň-GDA-nyň/Gruziýanyň Birleşen söwda edarasynyň (BSE) arasynda göni wideoaragatnaşyk ulgamy arkaly guralan işewürlik-forumynda Türkmenistan bilen Şweýsariýanyň arasynda söwda-ykdysady gatnaşyklary ösdürmegiň täze çözgütlerini we çemeleşmelerini işläp düzmek meseleleri maslahatlaşyldy, diýip Türkmenistanyö daşary syýasat edarasynyň saýty habar berýär.

Göni wideoaragatnaşyk ulgamy arkaly geçirilen «Türkmenistan-Ýewropa Bileleşigi» Bilelikdäki Komitetiniň ýigriminji mejlisinde Türkmenistan bilen Ýewropa Bileleşiginiň arasynda ösüşi we hyzmatdaşlygy berkitmäge gönükdirilen meseleleriň giň toplumy maslahatlaşyldy, diýip Türkmenistanyň daşary syýasat edarasynyň saýty habar berýär.

«Türkmengaz» döwlet konserniniň «Daşoguzgazçykaryş» müdirliginiň gazçylary şu ýylyň dokuz aýyny üstünlikli jemlediler. Müdirligiň hünärmenleri içerki sarp edijilere bolşy ýaly, daşarky bazarlara hem gazyň bökdençsiz iberilmegini üpjün edýärler.

Türkmenistan Owganystanyň syýasy durnuklylygyna hem-de howpsuzlygyna, owgan halkynyň abadançylygyna we jebisligine, bar bolan gapma-garşylyklaryň diňe parahatçylykly ýollar bilen, syýasy-diplomatik serişdeleriň ulanylmagy arkaly kadalaşdyrylmagyna aýratyn gyzyklanma bildirýär.

Çarşenbe güni Moskwada geçirilen geňeşmeleriň jemleri boýunça ýaýradylan «Moskwa formatynyň» bilelikdäki beýanynda bellenilişi ýaly, Owganystan boýunça halkara duşuşygyna gatnaşyjylar taliban hereketiniň resmi taýdan yglan edilmegine garaşmazdan, bu ýurt bilen iş ýüzünde özara gatnaşyklary ýola goýmagyň zerurdygyny bellediler diýip, Interfaks habar berýär.

19-njy oktýabrda Prezident Gurbanguly Berdimuhamedow “Lukoýl” açyk paýdarlar jemgyýetiniň ýolbaşçysy Wagit Alekperowy kabul etdi. Hazar sebitiniň ýangyç serişdelerini özleşdirmek ara alyp maslahatlaşmalaryň esasy meseleleriniň biri boldy. Bu babatda hukuk kadalaryna esaslanýan ylalaşykly halkara gatnaşyklary ýola goýmak hem-de birek-biregiň bähbitlerini hormatlamak ýörelgeleri möhüm ähmiýete eýedir.

Türkmenistanyň ýokary derejedäki wekiliýeti Glazgoda Howanyň üýtgemegi boýunça BMG-niň maslahatyna (COP26) gatnaşar. Sapara görülýän taýýarlyk barada Türkmenistanyň Hökümet wekilleri sişenbe güni BMGÖM-niň we Beýik Britaniýanyň ilçihanasynyň gatnaşmagynda howa babatda hereketler boýunça geçirilen onlaýn-maslahatda habar berdiler. Bu barada BMGÖM Türkmenistanyň metbugat beýanynda aýdylýar.