«Türkmennebit» DK-nyň «Ekerem» buraw işleri müdirliginiň burawçylary hazarýaka ýataklarynda gözleg-buraw işlerini ýokary depginlerde alyp barýarlar.

Ykdysady Hyzmatdaşlyk Guramasynyň 2021-nji ýylyň 4-nji martynda Türkiýe Respublikasynyň guramagynda wideoaragatnaşyk arkaly geçiriljek ýokary derejeli 14-nji mejlisine türkmen tarapynyň gatnaşmagy bilen baglanyşykly taýýarlyk işleri barada Ministrler Kabinetiniň Başlygynyň orunbasary, daşary işler ministri R.Meredow anna güni geçirilen Hökümet mejlisinde döwlet Baştutanyna habar berdi.

Prezident Gurbanguly Berdimuhamedowyň geçen anna güni wideoaragatnaşyk arkaly geçiren Hökümet mejlisinde döwlet durmuşynyň ileri tutulýan wezipeleri maslahatlaşyldy. Mejlisiň barşynda Ministrler Kabinetiniň Başlygynyň orunbasary Ş.Abdrahmanow ýangyç-energetika toplumynyň düzümleýin edaralaryndaky işleriň ýagdaýy hem-de nebitiň çykarylýan mukdaryny artdyrmak boýunça amala aşyrylýan işler barada hasabat berdi.

«Türkmennebit» döwlet konserniniň «Goturdepe» buraw işleri müdirliginiň hünärmenleri şu ýylyň başyndan bäri, uglewodorod serişdelerine baý ýataklarda buraw işlerini geçirmek boýunça ýokary görkezijileri gazanýarlar.

2021-nji ýylyň başyndan bäri Türkmenbaşydaky nebiti gaýtadan işleýän zawodlar toplumynda 34 müň 857 tonna ýangyç kerosini öndürildi. Munuň özi önümçilik meýilnamasynyň üstünlikli ýerine ýetirilendigine şaýatlyk edýär.

Golaýda Seýdiniň nebiti gaýtadan işleýän zawodynda daşary ýurtly sarp edijilere dürli görnüşli nebit önümleriniň nobatdaky tapgyry ugradyldy. Şeýle buýsandyryjy waka bu iri senagat kärhanasynda ýokary hilli önümleri eksport etmek işiniň sazlaşykly ýola goýulýandygyndan habar berýär. Geçen ýyly üstünlikli jemlän nebiti gaýtadan işleýjiler «Türkmenistan — parahatçylygyň we ynanyşmagyň Watany» ýylyny hem uly zähmet üstünliklerine beslemek ugrunda tutanýerli zähmet çekýärler.

ABŞ-nyň Hökümeti penşenbe güni Halkara ösüş agentliginiň (USAID) üsti bilen «USAID Merkezi Aziýanyň energetikasy» täze bäş ýyllyk energetika maksatnamasyny işe girizdi, diýip Interfaks-Gazagystan ABŞ-nyň Gazagystandaky ilçihanasyna salgylanyp habar berdi.

Türkiýäniň, Türkmenistanyň we Azerbaýjanyň arasynda ykdysady hyzmatdaşlyk meseleleri üç ýurduň daşary işler ministrleriniň çarşenbe güni Ankarada geçiren duşuşygynyň gün tertibiniň esasyny düzdi, diýip Türkmenistanyň daşary syýasat edarasynyň saýty habar berýär.

Azerbaýjan, Türkiýe we Türkmenistan üç ýurduň gatnaşmagynda geçiriljek sammitiň netijeleri boýunça birnäçe ylalaşyklara gol çekmegi meýilleşdirýär, diýip Türkiýäniň daşary işler ministri Mewlüt Çawuşoglu azerbaýjan hem-de türkmen kärdeşleri Jeýhun Baýramow we Raşid Merdow bilen 24-nji fewralda Ankarada geçiren duşuşygynyň jemleri boýunça žurnalistlere aýtdy. Bu barada Interfaks Azerbaýjan habar berýär.

Mukaddes garaşsyzlygynyň 30 ýyllygyny zähmet üstünlikleri bilen garşylaýan eziz Watanymyzyň her bir güni şanly wakalara beslenýär. Hormatly Prezidentimiz Gurbanguly Berdimuhamedowyň belleýşi ýaly, ýurdumyzyň gazanýan üstünliklerinde, ýaşlary ata-babalarymyzyň milli däplerine laýyklykda terbiýelemekde ýaşuly nesliň bahasyna ýetip bolmajak hyzmaty bar.

Azerbaýjanyň Milli mejlisi (Parlament) 23-nji fewralda plenar mejlisinde «Dostluk» ýatagy boýunça Azerbaýjan bilen Türkmenistanyň arasyndaky Özara düşünişmek hakyndaky Ähtnamany tassyklady, diýip Interfaks – Azerbaýjan habar berýär.

Türkmenistanyň Prezidentiniň tabşyrygy bilen, 2021-nji ýylyň 22-24-nji fewraly aralygynda Türkiýe Respublikasynyň Ankara şäherine gulluk iş sapary bilen ugradylan Ministrler Kabinetiniň Başlygynyň orunbasary, daşary işler ministri R.Meredowyň ýolbaşçylygyndaky wekiliýet iki ýurduň arasyndaky söwda-ykdysady we maýa goýum hyzmatdaşlygyny işjeňleşdirmek meselelerini maslahatlaşdy. Bu barada ýurdumyzyň daşary syýasat edarasynyň saýty habar berýär.

Ankara türkmen tebigy gazynyň Türkiýä iberilmegini we öz çäginiň üsti bilen Ýewropa bazarlaryna üstaşyr geçirilmegini üpjün etmek üçin tagallalary etmäge taýýar. Bu barada sişenbe güni Türkiýe Respublikasynyň Daşary işler ministri Mewlüt Çawuşoglu aýtdy, diýip Interfaks-Azerbaýjan habar berýär.

Ägirt uly ykdysady, energetika we ulag-logistika kuwwatyna eýe bolan Hazar sebitiniň nebitgaz serişdelerini özleşdirmek meselesi ýene-de dünýäniň işewür toparlarynyň üns merkezinde. Bu ugurda hyzmatdaşlygyň mümkinçilikleri hormatly Prezidentimiz Gurbanguly Berdimuhamedowyň «Lukoýl» açyk paýdarlar jemgyýetiniň ýolbaşçysy Wagit Alekperow bilen geçiren duşuşygynyň çäklerinde ara alnyp maslahatlaşyldy.

Hazar sebitinde netijeli gatnaşyklary berkitmek Türkmenistanyň daşary syýasatynyň esasy ugurlarynyň hatarynda durýar, ol oňyn bitaraplyk, hoşniýetli goňşuçylyk we «Açyk gapylar» ýörelgelerine esaslanandyr. Şu ýylyň ýanwar aýynda gol çekilen Hazar deňzindäki «Dostluk» ýatagynyň uglewodorod serişdelerini bilelikde gözlemek, işläp geçmek we özleşdirmek hakynda Türkmenistanyň Hökümeti bilen Azerbaýjan Respublikasynyň Hökümetiniň arasynda özara düşünişmek hakyndaky Ähtnama munuň nobatdaky subutnamasy boldy.