20-nji awgustda Waşingtonda Türkmenistanyň daşary işler ministri Raşid Meredow bilen Amerikanyň Birleşen Ştatlarynyň Döwlet sekretary Marko Rubionyň arasynda duşuşyk geçirildi diýip, Türkmenistanyň DIM-nde habar berdiler.

Türkmenistanyň Halk Maslahatynyň nobatdaky mejlisi 2025-nji ýylyň 19-njy sentýabrynda Aşgabat şäherindäki Maslahat köşgünde geçiriler. Degişli Karar 20-nji awgustda Türkmenistanyň Halk Maslahatynyň Prezidiumy tarapyndan kabul edildi.

22-24-nji oktýabr aralygynda Aşgabatda geçiriljek OGT – 2025 halkara maslahaty we sergisi öňdebaryjy neşirler bilen hyzmatdaşlygyň netijesinde halkara habarlar giňişliginde giňden beýan ediler diýip, çäreleriň guramaçylary habar berýärler.

23-25-nji sentýabr aralygynda Daşkentde türkmen kompaniýalarynyň gatnaşmagynda Plastex Uzbekistan 15-nji halkara sergisi geçiriler diýip, ORIENT ýazýar.

18-19-njy sentýabrda Aşgabatda “Türkmenistanyň maýa goýum forumy – 2025” (TIF 2025) geçiriler. Forumyň resmi saýtynyň (www.tif-turkmenistan.com) maglumatyna görä, bu çäre sebitde maýa goýum mümkinçiliklerini ara alyp maslahatlaşmak we ykdysady gatnaşyklary pugtalandyrmak üçin möhüm meýdança bolmaga wada berýär.

Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 48-si hasaba alyndy.

«Ýaşyl» energiýa bilen baglanyşykly ekologik meseleleri çözmegiň öňde durýan çözgütleri barada belläp geçmek zerur bolup durýar. Häzirki wagtda Türkmenistanda ekologik abadançylygy üpjün etmek, ýagny «ýaşyl» energiýanyň ýagty geljegi üçin maksatnamalaýyn işleriň üstünlikli amala aşyrylýandygy biziň her birimizi buýsandyrmak bilen, bu ugurdaky işlere öz goşandymyzy goşmaga borçly edýär.

22-24-nji oktýabr aralygynda Aşgabatda geçiriljek «Türkmenistanyň nebiti we gazy – 2025» (OGT 2025) atly 30-njy halkara forumyň çäginde maslahat bilen birlikde dünýäniň öňdebaryjy pudak kompaniýalarynyň, tehnologiýa we enjam üpjün edijileriniň sergisi hem geçiriler.

Prezident Serdar Berdimuhamedow Hindistan Respublikasynyň Prezidenti hanym Draupadi Murmuwa, Premýer-ministri Narendra Modä we ýurduň ähli halkyna Hindistan Respublikasynyň milli baýramy — Garaşsyzlyk güni mynasybetli tüýs ýürekden gutlaglaryny we iň gowy arzuwlaryny iberdi.

22–24-nji oktýabr aralygynda Aşgabat şäherinde geçiriljek «Türkmenistanyň nebiti we gazy – 2025» (OGT 2025) 30-njy halkara maslahatyna we sergisine taýýarlyk işleri ýokary depginde alnyp barylýar. Forumuň guramaçylary bolup «Türkmengaz», «Türkmennebit» döwlet konsernleri we «Türkmengeologiýa» döwlet korporasiýasy «Turkmen Energy Forum» bilen hyzmatdaşlykda çykyş edýär.

Prezident Serdar Berdimuhamedow Pakistan Yslam Respublikasynyň Prezidenti Asif Ali Zardarä we Premýer-ministri Mian Muhammad Şahbaz Şarife hem-de ýurduň ähli halkyna Pakistan Yslam Respublikasynyň milli baýramy — Garaşsyzlyk güni mynasybetli tüýs ýürekden gutlaglaryny, iň gowy arzuwlaryny iberdi.

11-12-nji awgustda «Awaza» milli syýahatçylyk zolagynda Hazar deňziniň gününe bagyşlanan çäreler geçirildi. Bu barada Türkmenistanyň DIM-niň saýtynda habar berilýär.

12-nji awgustda Türkmenistanyň Pakistan Yslam Respublikasyndaky ilçisi Atajan Möwlamow Pakistanyň maliýe we girdejiler boýunça federal ministri, senator Muhammat Aurangzeb bilen duşuşdy diýip, Türkmenistanyň Pakistandaky ilçihanasynyň saýtynda habar berilýär.

12-nji awgustda Türkmenistanyň Pakistandaky ilçisi Atajan Möwlamow Awstriýa Respublikasynyň bu ýurtdaky täze ilçisi Wolfgang Oliwer Kuçer bilen duşuşdy. Bu barada Türkmenistanyň Pakistandaky ilçihanasynyň web sahypasynda habar berilýär.

Türkmenistanyň we Özbegistanyň arasyndaky haryt dolanyşygy soňky ýyllarda birnäçe esse artyp, ABŞ-nyň 1 milliard dollaryndan geçdi. Türkmen halkynyň Milli Lideri, Halk Maslahatynyň Başlygy Gurbanguly Berdimuhamedow bilen Özbegistanyň Prezidenti Şawkat Mirziýoýewiň arasynda geçirilen soňky gepleşikleriň netijesinde, taraplar bu görkezijini 2 mlrd dollara ýetirmek hem-de geljekde 5 mlrd dollara çenli artdyrmak mümkinçiliklerini ara alyp maslahatlaşmak barada ylalaşdylar.