Türkmenistanyň nebitgaz toplumyna daşary ýurt maýa goýumlaryny çekmek boýunça Halkara forumyň öz işine başlamagyna bir günden az wagt galdy. Forum 12-nji maýda Aşgabatdaky Söwda-senagat edarasynda geçiriler.

Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 46-sy hasaba alyndy.

Prezident Gurbanguly Berdimuhamedowyň anna güni wideoaragatnaşyk arkaly geçiren Hökümet mejlisiniň barşynda milli ykdysadyýetimiziň pudaklarynda şu ýylyň dört aýynda ýerine ýetirilen işleriň netijeleri maslahatlaşyldy.

Türkmenistanyň Prezidenti Gurbanguly Berdimuhamedow Hytaý Halk Respublikasynyň Başlygy Si Szinpin bilen geçiren telefon arkaly söhbetdeşliginde türkmen-hytaý hyzmatdaşlygynyň ileri tutulýan ugurlaryny maslahatlaşdy diýip, Türkmenistanyň Döwlet habarlar agentligi habar berýär.

Ýagşygeldi Kakaýew adyndaky Halkara nebit we gaz uniwersitetiniň hem-de Awstriýanyň Leoben dag uniwersitetiniň rektorlary iki ýokary okuw mekdepleriniň arasynda 2020-nji ýylda gol çekilen Özara düşünişmek hakynda Ähtnama laýyklykda, ýokary okuw mekdepleriniň arasyndaky hyzmatdaşlygy ösdürmek boýunça onlaýn gepleşikleri geçirdiler.

Pakistanyň öňdebaryjy habar beriş serişdeleriniň habaryna görä, Pakistan Türkmenistan-Owganystan-Pakistan-Hindistan (TOPH) gaz geçirijisini gurmak taslamasynyň gysga wagtda durmuşa geçirilmegine gyzyklanma bildirýär.

«Türkmennebit» döwlet konserniniň «Körpeje» buraw işleri müdirliginiň burawçylary uglewodorod çig malyna baý ýataklarda buraw işlerini geçirmekde ýokary netijeleri gazanýarlar. Şu ýylyň başyndan bäri kärhana tarapyndan amala aşyrylan dag jynslarynyň burawynyň jemi çuňlugy 9 müň 214 metre barabar boldy.

Türkmenistan 2021-nji ýylyň ýanwar-aprel aýlarynda Russiýanyň üsti bilen daşarky bazarlara çig mal ugradýan nebiti eksport ediji döwletleriň arasynda ikinji ornuny saklap galdy. Bu barada Ýangyç-energetika toplumynyň Merkezi dispetçer müdirliginiň maglumatlaryna salgylanyp, Interfaks agentligi habar berýär.

SNGIZ-niň №15 başlangyç hünär okuw mekdebiniň 400-den gowrak talyby önümçilik tejribesini geçdiler. Tejribeligiň dowamynda talyplar hünär başarnyklaryny we endiklerini aldylar.

Türkmenbaşydaky nebiti gaýtadan işleýän zawodlar toplumynyň hünärmenleri «Türkmenistan — parahatçylygyň we ynanyşmagyň Watany» ýylyny ýokary zähmet üstünlikleri bilen dabaralandyrýarlar.

PETRONAS Çarigali (Türkmenistan) Sdn. Bhd. (Malaýziýanyň PETRONAS-yň golçur kompaniýasy) kompaniýasy Türkmenistanyň nebit-gaz pudagyna daşary ýurt maýa goýumlaryny çekmek boýunça halkara forumyň bürünç hemaýatkäri boldy. Forum ýurduň garaşsyzlygynyň 30 ýyllygyna bagyşlanýar. Bu barada çäräniň Guramaçylyk komiteti yglan etdi.

Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 171-si hasaba alyndy.

Türkmenistan Ýewraziýa giňişliginde döwletara birleşikleri bilen ýakyn özara gatnaşyklaryny ösdürmegi maksat edinýär. Bu barada wise-premýer, Ýokary Gözegçilik Edarasynyň Başlygy, Howpsuzlyk geňeşiniň agzasy Serdar Berdimuhamedow ýolbaşçylygyndaky Türkmenistanyň wekiliýetiniň Russiýa Federasiýasynyň Tatarystan Respublikasynyň Kazan şäherine saparynyň çäklerinde belledi. Bu barada Türkmenistanyň DIM-niň saýty belleýär.

Türkmenistan bilen Russiýa Federasiýasynyň Tatarystan Respublikasynyň hyzmatdaşlygynyň geljegi geçen anna güni Türkmenistanyň wise-premýeri Serdar Berdimuhamedowyň Tatarystanyň Prezidenti Rustam Minnihanow bilen geçiren duşuşygynda ara alnyp maslahatlaşyldy. Bu barada Türkmenistanyň Döwlet habarlar agentligi habar berýär.

Russiýa Türkmenistan bilen dostlukly, hoşniýetli goňşuçylyk, hyzmatdaşlyk, özara ykdysady ösüş gatnaşyklaryny berkitmäge gyzyklanma bildirýär. Bu barada Russiýanyň Premýer-ministri Mihail Mişustin 29-30-njy aprelde Kazande geçirilen Ýewraziýa hökümetara geňeşiniň mejlisi tamamlanandan soň, Türkmenistanyň wise-premýeri Serdar Berdimuhamedow bilen geçiren duşuşygynda belledi. Bu barada Interfaks habar berýär.