Türkmenistan Ýewropa Bileleşigi bilen bilelikdäki taslamalary işjeň durmuşa geçirmäge gyzyklanmasyny tassyklady. Bu barada Brýusselde Merkezi Aziýa ýurtlarynyň ÝB-niň ýanyndaky ilçileri bilen Ýewropa Komissiýasynyň Halkara hyzmatdaşlyk boýunça Baş direktoratynyň sebit direktory Peteris Ustupsyň duşuşygynyň dowamynda agzalyp geçildi. Bu barada Türkmenistanyň Habarlar merkezi resmi saýtynda habar berilýär.

7-nji iýulda Brýusselde Ýewropanyň iň täsirli energetika platformalarynyň biri bolan Brussels Energy Club-yň hünärmenler derejesindäki tegelek stoly geçirildi. Türkmenistan “ÝB-niň gaz importynyň orta möhletleýin geljegi we eksport ediji ýurtlaryň strategiýalary” mowzugyndaky pikir alyşmalaryň merkezinde boldy. Forumda ýurdumyzyň global energetika bazarynyň geljegi baradaky garaýşy beýan edildi diýip, Orient agentligi habar berýär.

Mary welaýaty boýunça nebitgaz pudagynyň hünärmenleriniň hünär derejesini ýokarlandyrmak boýunça maksatnama üstünlikli durmuşa geçirilýär. Türkmenistanyň Prezidentiniň beren tabşyryklaryna laýyklykda we hünär bilim ulgamyny döwrebaplaşdyrmagyň çäklerinde geçen ýyl Mary nebitgaz orta hünär okuw mekdebiniň binýadynda “Türkmengaz” döwlet konserniniň okuw merkeziniň okuw bölümi açyldy.

Awgust aýynda “Awaza” milli syýahatçylyk zolagynda geçiriljek Birleşen Milletler Guramasynyň Deňze çykalgasy bolmadyk ösüp barýan döwletler boýunça üçünji maslahatynyň çäklerinde maslahata gatnaşýan ýurtlaryň hem-de ýurdumyzyň ýeten derejesine degişli maglumatlary beýan edýän sergiler guralar diýip, TDH habar berýär.

«Türkmengaz» DK-nyň Gökderedäki «Nesil» çagalar sagaldyş merkezinde tomusky dynç alyş möwsüminiň hem-de Halkara parahatçylyk we ynanyşmak ýylynyň çäklerinde «Sport – milletiň saglygy» atly sport bäsleşigi geçirildi.

Türkmenistanyň Yslamabatdaky ilçihanasynda Halkara parlamentariler kongressiniň (IPC) Baş sekretary, senator hanym Sitara Aýazyň ýolbaşçylygyndaky wekiliýet bilen duşuşyk geçirildi. Duşuşygyň dowamynda Türkmenistan bilen IPC-niň arasynda parlamentara gatnaşyklary ösdürmegiň ýollary ara alnyp maslahatlaşyldy diýip, Türkmenistanyň DIM-i habar berýär.

4-nji iýulda Ykdysady hyzmatdaşlyk guramasynyň 17-nji Sammitiniň çäginde Türkmenistanyň daşary işler ministri Raşid Meredow Pakistan Yslam Respublikasynyň daşary işler ministri Muhammad Ishak Dar bilen duşuşdy diýip, türkmen daşary syýasat edarasynyň saýtynda habar berilýär.

Türkmenistanyň daşary işler ministri Raşid Meredow Azerbaýjanyň daşary işler ministri Jeýhun Baýramow bilen duşuşyp, ykdysady gatnaşyklary diwersifikasiýalaşdyrmagyň ýollaryny we özara haryt dolanyşygyny artdyrmagy maslahatlaşdylar diýip, Türkmenistanyň DIM-niň saýtynda habar berilýär.

4-nji iýulda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda döwlet durmuşyna degişli birnäçe meselelere seredildi diýip, TDH habar berýär.

Türkmenistanyň daşary işler ministri Raşid Meredowyň ýolbaşçylygyndaky Türkmenistanyň wekiliýeti 4-nji iýulda Azerbaýjanyň Hankendi şäherinde geçirilen Ykdysady hyzmatdaşlyk guramasynyň (YHG) “Durnukly we howanyň üýtgemegine durnukly geljek üçin YHG-nyň täze garaýşy” atly 17-nji sammitine gatnaşdy diýip, Türkmenistanyň DIM-nde habar berdiler.

Häzirki döwürde dünýä möçberinde wodorody almagyň 85 göterim möçberi metanyň suw bugy bilen konwersiýa tehnologiýasy, 10 göterimi nebit, kömür we bary-ýogy 5 göterimi elektroliz usul bilen suwdan alynýar.

«Türkmengaz» döwlet konserniniň merkezi edarasy tarapyndan garamagyndaky edara-kärhanalaryň işgärler bölümleriniň amala aşyrýan işleriniň hilini ýokarlandyrmak, olaryň iş tejribesini artdyrmak hem-de degişliligi boýunça wezipeleriniň talabalaýyk ýerine ýetirilmegini gazanmak maksady bilen, Ylmy-barlag tebigy gaz institutynyň binasynda «Halypaçylygyň ösüşine höwes döretmegiň usullary» atly iş maslahaty geçirildi.

3-nji iýulda Azerbaýjanyň Prezidenti Ilham Aliýew Türkmenistan daşary işler ministri Raşid Meredowy kabul etdi. Bu barada türkmen daşary syýasat edarasynyň saýtynda habar berilýär.

3-nji iýulda Türkmenistanyň daşary işler ministri Raşid Meredowyň ýolbaşçylygyndaky Türkmenistanyň wekiliýetiniň Azerbaýjan Respublikasyna amala aşyran saparynyň çäginde ykdysady meseleler boýunça Owganystanyň Ministrler Kabinetiniň Başlygynyň Orunbasarynyň wezipesini ýerine ýetiriji Abdul Gani Baradar bilen duşuşyk geçirildi. Bu barada Türkmenistanyň DIM-niň saýtynda habar berilýär.

Prezident Serdar Berdimuhamedow Amerikanyň Birleşen Ştatlarynyň Prezidenti Donald Trampa ABŞ-nyň Garaşsyzlyk güni mynasybetli tüýs ýürekden gutlaglaryny we iň gowy arzuwlaryny iberdi diýip, TDH habar berýär.