Türkmen halkynyň Milli Lideri Gurbanguly Berdimuhamedowyň Täjigistana resmi saparynyň çäklerinde Duşenbede geçirilen işewürlik maslahatynyň barşynda söwda, ýangyç-energetika, ulag, oba hojalygy ulgamlarynda türkmen-täjik hyzmatdaşlygyny işjeňleşdirmegiň mümkinçilikleri maslahatlaşyldy diýip, TDH habar berýär.

Türkmenistanyň Halk Maslahatynyň Başlygy Özbegistanyň üstünden Täjigistana türkmen elektrik energiýasyny hem-de tebigy gazyny ibermek we nebit önümleriniň eksportyny artdyrmak barada teklip etdi diýip, TDH habar berýär.

SANY hytaý kompaniýasy infrastrukturany goldamak üçin Türkmenistana 25 sany ýük ulaglaryny iberdi diýip, kompaniýanyň saýtynda habar berilýär. “SANY kompaniýasy mart aýynda Türkmenistana SYZ320C-8Y kysymly 25 sany ýük ulagyny üstünlikli getirendigini haabr bermäge şat” diýlip kompaniýanyň saýtynda habar berilýär.

Şu gün türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow iki günlük resmi sapar bilen Täjigistan Respublikasyna ugrady diýip, TDH agentligi habar berýär.

24-25-nji aprelde Parižde geçiriljek Türkmenistanyň energetika maýa goýum forumyna taýýarlyk işleri dokary derejede dowam edýär diýip, “Turkmen-Forum” kompaniýasynyň metbugat gullugy habar berýär.

Türkmenistan 18-21-nji martda Ženewada (Şweýsariýa) geçirilen Metan boýunça bütindünýä maslahata gatnaşdy. Ýurdumyzyň wekiliýetiniň düzümine birnäçe ministrlikleriň we edaralaryň, şol sanda Türkmenistanyň DIM-niň, Daşky gurşawy goramak ministrliginiň, şeýle hem “Türkmengaz” döwlet konserniniň wekilleri girdi diýip, metbugat beýanynda aýdylýar.

Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 36-sy hasaba alyndy.

Gazagystanyň esasy gaz kompaniýasy bolan “NK “QazaqGaz” PJ-niň Müdirýetiniň Başlygy Sanjar Žarkeşow Aşgabada sapar bilen geldi diýip, kompaniýada habar berdiler.

Ýakynda Türkmenistanyň Magtymguly adyndaky Ýaşlar guramasynyň Balkan welaýat Geňeşiniň Ýagşygeldi Kakaýew adyndaky Halkara nebit we gaz uniwersitetiniň Balkanabat bölümi, Balkan lukmançylyk orta okuw mekdebi, «Türkmennebit» DK-nyň Balkanabat nebitçilik orta hünär okuw mekdebi we Balkan welaýat ýörite sungat mekdebi bilen bilelikde talyp ýaşlaryň arasynda yglan eden ders bäsleşigi tamamlandy.

1-nji aprelde «Aýwan-e-Sadr» Prezident köşgünde Türkmenistanyň Ilçisi Atajan Möwlamow bilen Pakistanyň Prezidenti Asif Ali Zardariniň arasynda geçirilen duşuşykda döwletara gtnaşyklarynyň ileri tutulýan ugurlary maslahatlaşyldy diýip, Türkmenistanyň DIM-i habar berdi.

Daşary işler ministrliginde Türkmenistanyň Hazar deňziniň meseleleri boýunça pudagara toparynyň 61-nji mejlisinde 2024-nji ýyl üçin çäreleriň Meýilnamasy maslahatlaşyldy diýip, Türkmenistanyň DIM-i habar berdi.

27-nji martda Ýaponiýanyň Tokio şäherinde Ýaponiýanyň Daşary söwdany ösdürmek boýunça guramasynyň (JETRO) işjeň goldamagynda gurnalan Türkmenistan bilen Ýaponiýanyň bilelikdäki iri işewürlik forumy geçirildi diýip, Türkmenistanyň DIM-i habar berýär.

Hytaýyň milli nebitgaz korporasiýasy (CNPC) 24-25-nji aprelde Parižde geçiriljek Türkmenistanyň energetika toplumyna maýa goýumlaryny çekmek boýunça foruma gatnaşar diýlip, guramaçylar habar berýär.

29-njy sentýabrda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda döwlet durmuşynyň ileri tutulýan meseleleriniň birnäçesine garaldy.

27-nji martda Türkmenistanyň Halk Maslahatynyň Başlygy Gurbanguly Berdimuhamedowyň Koreýa Respublikasynyň işewür toparlarynyň wekilleri bilen geçiren duşuşygynda ýangyç-energetika toplumynda we beýleki ugurlarda hyzmatdaşlyk meselelerini maslahatlaşdy diýip, TDH habar berýär.