Dragon Oil: Türkmenistanda üstünlikli hyzmatdaşlyga 25 ýyl
16:40 21.02.2025 12297
25 ýyllyk hyzmatdaşlygyň dowamynda “Dragon Oil” kompaniýasy (BAE) Türkmenistanda nebit we gaz ýataklaryny özleşdirmek üçin 10 milliard dollara golaý maýa goýdy we 447 million barrel uglewodorod çykardy. Bu barada kompaniýanyň baş ýerine ýetiriji direktory Ali Al Jarwan "Neýtralnyý Türkmenistan" gazetine beren interwýusynda habar berdi.
Bu kompaniýa 2000-nji ýyldan bäri Önümi paýlaşmak hakynda şertnamanyň esasynda, Türkmenistanda iş alyp barýar. Kompaniýa iki sany deňiz ýataklaryny – Jeýtun we Jygalybeg ýataklaryny öz içine alýan Çeleken şertnamalaýyn çäginde nebit we gaz çykarmak işlerini ýerine ýetirýär.
Al Jarwanyň aýtmagyna görä, kompaniýanyň türkmen nebitgaz pudagyna gelmegi maýa goýumlarynyň düýpli akymyna we häzirki zaman tehnologiýalarynyň aralaşmagyna goşant goşdy. Baş ýerine ýetiriji direktor uzakmöhletleýin hyzmatdaşlyk üçin amatly şertleri döredip berýändigi üçin Prezident Serdar Berdimuhamedowa we Türkmenistanyň Halk Maslahatynyň Başlygy Gurbanguly Berdimuhamedowa minnetdarlyk bildirdi.
“Dragon Oil” kompaniýasynyň ýolbaşçysy uglewodorod baýlyklarynyň ägirt uly gorlaryna eýe bolan Türkmenistanyň nebitgaz pudagynda uzakmöhletleýin esasda özara peýdaly hyzmatdaşlygy giňeltmek üçin möhüm mümkinçilikleriniň bardygyny aýtdy.
Häzirki wagtda “Dragon Oil” Türkmenistanda nebit ýataklarynda geologiki gözleg, maglumatlary düşündirmek we suw howdanyna baha bermek üçin emeli aň tehnologiýalaryny ulanyp başlaýar.
Ali Al Jarwanyň belleýşi ýaly, kompaniýa “Türkmennebit” döwlet konserni bilen hyzmatdaşlykda Çeleken blogunda we goňşy 19-njy blokda 3D seýsmiki taslamany durmuşa geçirdi. “Dragon Oil” häzirki wagtda 3D seýsmiki gözleglerden geologiki gözleglere geçýär. Olardan alnan netijeler önümçiligi diwersifikasiýalaşdyrmak maksatnamasy üçin esas bolar.
Hyzmatdaşlygyň ileri tutulýan ugurlarynyň hatarynda uglewodorod önümçiliginiň we gaýtadan işlemegiň mukdaryny artdyrmak, şeýle hem türkmen nebit, gaz we gazhimiýa önümleriniň eksportyny giňeltmek bar.
OPEK 2023-nji we 2024-nji ýyllar üçin nebite islegiň ösüş çaklamasyny saklap galdy
2023-nji ýylda nebite bolan isleg 2022-nji ýyldaka garanda günde 2,44 mln barrel artyp — günde 102,01 mln barrele ýeter, 2024-nji ýylda bolsa ýene-de 2,25 b/g artyp — 104,25 mln b/g ýeter. Şeýle çaklamalar OPEK-iň aýlyk hasabynda getirilýär diýip, Interfaks habar berýär. Şeýlelikde, gurama geçen aýda edilen çaklamalaryny saklap galdy.
Azerbaýjan Türkmenistanyň sargydy boýunça suwasty turbageçiriji çekdi
«Azerbaýjan hazar deňzi gämiçili» (ASCO) ÝGPJ degişli bolan «Suleýman Wezirow» gämi-turba geçiriji Hazar deňzinde Lam and Zhdanov nebit käninde suwasty turba geçirijiniň gurluşygyny tamamlady. Işler Türkmenistanyň sargydy boýunça ýerine ýetirildi diýip, ASCO-nyň metbugat gullugy habar berýär.
Türkmenistan Hazarda ekologiýa howpsuzlygy boýunça Hazarýaka döwletleriniň ýolbaşçylarynyň ýörite sammitini geçirmegi teklip etdi
Türkmenistanyň ýolbaşçylygy derwaýys meseleleri ara alyp maslahatlaşmak we Hazarda ekologiýa howpsuzlygyny üpjün etmek boýunça işleri güýçlendirmek maksady bilen, Hazarýaka döwletleriniň ýolbaşçylarynyň ýörite sammitini geçirmek baradaky başlangyjy beýan etdi.
Türkmenistanyň we Russiýa Federasiýasynyň daşary işler ministrleri hyzmatdaşlygyň ileri tutulýan ugurlaryny maslahatlaşdylar
25-nji iýunda Türkmenistanyň Daşary işler ministrliginde Türkmenistanyň daşary işler ministri R.Ö.Meredow bilen Aşgabat şäherine sapar bilen gelen Russiýa Federasiýasynyň daşary işler ministri S.W.Lawrowyň arasynda duşuşyk geçirildi diýip, DIM-niň saýtynda habar berilýär.
Nebit RF-niň ABŞ-a ibermelerini togtatmak mümkinçiligi zerarly barreli üçin 139 dollara çenli ýokarlandy
Duşenbe güni nebit barreli üçin 140 dollara çenli ýetip, 2008-nji ýyldan bäri iň ýokary derejesine çykdy. Bu ýagdaý ABŞ-nyň Russiýanyň importyna gadaganlyk goýmak mümkinçiliginiň netijesinde ýüze çykdy, diýip Interfaks habar berýär.